🔥🔞صغيرة الاغا🔞🔥بقلمي✏سوسو✏73
خرجو من المشفى وصلو للقصر لقا امو عند الباب تستنى فيهم قربت منو
كريمة:خليتهم يجهزولك الغرفة لي لتحت هكا احسن وتكون قريب مني نلتهى بيك اولدي..
رحيم:علاه تعبتي نفسك انا راح نبقى في غرفتي ومرتي جنبي هيا لي تلتهى بيا
كريمة:مراحش تعرف تلتهى بيك كيفي انا...لحقت عليهم فايزة سمعت كلامهم نطقت
فايزة:انا مراي يماك هذي واش يعرفها كيفاش يلتهاو بالمريض اقعد هنا قدامنا احسن جاهم صوتو مالور
جابر:انتم علاه دخلكو روحكم في كلشي الطفلة مشاء الله عليها تقدر تلتهى بعيلة كاملة ماشي غير براجلها خلوها تعمل لي تحب عليه شاف فيه رحيم مخنزر من طريقة كلامو
رحيم:انا طالع لغرفتي ومنحب حتى واحد يقلقنا مرتي جنبي هيا مرضي وهيا دوايا خلينا نطلعو سارة شافت فيهم وتبسمت بخبث معاهم تغزل فيهم شدت راجلها من يدو تساعد فيه وطلعو لغرفتهم تحت انظارهم خلاوهم ياكلو في لحمهم عليهم
فايزة:شفتي البنت طلعت ماشي ساهلة تغزل فينا
كريمة:خليني ساكتة متكمليش عليا
جابر:انتم الزوج جننو الواحد من عقليتكم هذي راني نوصيكم منحبش نزيد نشوفكم قربتو منها ولا كاشما قتولها راح تلقاوني انا في وجهكم قبل رحيم
فايزة:ونتا واش دخلك دارتك محامي عليها
جابر:منكثرش الهدرا معاك جربي تقربي منها ونشوفو خرج معصب مالعندهم شافت في سلفتها ونطقت
فايزة:شايفة حتى زوجي دار عليا في جرت كنتك النحس
كريمة:معرفتش واش راهي دايرتلهم باش الكل جاي في صفها انا رايحة نوجد شي لرحيم ياكلو خلاتها واقفة وراحت والثانية تتوعد لسارة الا متخرجها منا ويرجع كلش ليها كيما كان فالغرفة عند رحيم وسارة ساعداتو غير ثيابو وتسطح عالسرير خلاتو متسطح وهيا دخلت تعمل دوش تريح بيه حالها شوي وخرجت لابسة كاب دو بان شافها شاورلها بصباعو تقرب لعندو وهيا نفذت غير وصلت ليه جبدها لعندو يحكي معاها...
رحيم:سارة احبي والله شاهيك توحشتك
سارة:تؤ تؤ كيما تقول نتا نهار تنحي القطب تماك تقدر تقرب مني وتدي لي تحب عليه اما درك والو
رحيم:ساررة حابتني نهبل واش دخلك انتي في جروحي خليك منهم
سارة:قلت لا يعني لا وزيد راك ديت لي تحب عليه بعدها كيفاه دير متقدرش دوش احبيبي
رحيم:دوش خفيف مراحش يأثر عليا ها واش قلتي اعمري اجي لعندي ياروحي دورت كلامو في راسها لقات عندو شوي حق وزيد هيا راح تساعدو فدوش قربت منو تلاصقو شفافهم ببعض حتى جاهم صوت الباب يندق كرز منهم وهوا خبرهم ميحب حتى واحد يقلقو
رحيم:افتحي @@@ الباب شوفي واش يحتاجو وارجعي لعندي اعمري قربت منو خطفت بوسة من شفافو ووقفت تفتح الباب قابلتها حماتها هازة صينية في يدها فيها اكل خنزرت فيها طبعتها ودخلت لعندو
كريمة:جبتلك اكل اولدي كول باش ترفد صحتك
رحيم:علاه تعبي في روحك يما حطيه عندك امبعد ناكل
كريمة:ها وخذي راك حاب تموت والله منخرج منا غيرا شتك كليت
رحيم:خلاص راح ناكل سارة ادخلي البسي حوايجك وارجعي تاكلي معايا دخلت فايزة لعندهم على كلمتو اللخرة نطقت بتسوميم
فايزة:هالعيب الاكل عملناه خصوصي ليك هيا تهبط تاكل لتحت وحدها
سارة:منيش محتاجة اكلكم نخمم فيه خيرمنك
كريمة:احشمي اطفلة واش هاد قلة الادب معاها
سارة:انا حاشمة شوفيها هيا
كريمة:شفت اولدي وحاببني نخليك وحدك معاها مستحيل هدي راح تعرف تقوم بيك كول كول اولدي خطيك منها...عصبوه لاقصى درجة من كلامهم الزايد معاها وهوا موش ناقص اصلا الجرح بدا ينغز فيه حكم الصينية رماها فالرض جابها فتات فتات شهقو من عملتو تكلم جانن معاهم
رحيم:هاوليك رب اكلكم ودرك اخرجو عليا منسحق حتى وحدا خلوني وحدي قتلكم منحبش لي يقلقني وقفت امو خايفة عليه
كريمة:كلو منك هبلتيلي ولدي افرحي درك
فايزة:عندك الحق مخلات فيه شي مسكين
رحيم: @@@ حابين تجهلوني نولي نسخط قدامكم اخرجو عليا خرجو يجرو من جنبو خايفينو عارفين غشو خايب جات خارجة حتى هيا حبسها
رحيم:وين رايحة انتي ثان
سارة:انتا لي قلت اخرجو عليا منسحق حتى واحد
رحيم:ارجعي لبلاصتك مكنتش عليك يالله ادخلي البسي حوايجك واخرجي
سارة:تمام خليني نعيط لوحدا من الخدم تجي ترفد لي راه عالرض جبدت تيليفونها عيطت للمطبخ طلبت وحدا من الخدم وهيا دخلت لدرسينغ لبست بيجامة دافية الحال بارد شوي وخرجت لعندو لقات الخادمة تنظف كملت نظفت وخرجت مهبطة راسها
رحيم:اغلقي الباب وظلمي الغرفة وارواحي لعندي حابب نرقد تعبت وعارفك حتى انتي تعبتي من ليلة لبارح حركتلو راسها بايه دارت كيما قاللها ودخلت معاه فالفراش بقات بعيدة شوي عليه جبدها بيدو لعندو
رحيم:بلاصتك هنا حتى ونكون نموت راح تبقاي جنبي اعمري مفهوم
سارة:مفهوم انتا برك هدي حالك متقلقش روحك حبيبي
رحيم:ن@@@ عليك اعمري وعلى كلمة حبيبي مالعندك خلينا نرقدو احسن ليا وليك ضحكت بالصوت عليه طلعت راسها لعندو باستو من خدو ورجعت لحضنو شوي ورقدو لزوج
💞Sou Søu💞
