🔥🔞صغيرة الاغا🔞🔥بقلمي✏سوسو✏93
مر يومين عليهم فالمشفى رحيم دقيقة مخطاهاش قاعد معاها اهتمامو الكل بيها جماعتهم كوليوم يجو يزوروها ويروحو الا كريمة وفايزة مجاوش خايفين من رحيم وجابر...قاعدين فالقصر فصالون يحكو حتى دخل عليهم يعقوب
يعقوب:حبيت تفهموني انتم الزوج سارة علاه مرحتوش زرتوها فالمشفى ولا طمنتو عليها كل ناس القرية سألو عليها الا انتم زوج
كريمة:هدا وين كنا نحكو اليوم نشالله رايحين
فايزة:ايه صح احنا قلنا حتى ترتاح مليح ونروحو نشوفوها هيا نوضي الشوفور راه برا خلينا نروحو
يعقوب:بلا شوفور رايح انا ولطيفة نشوفوها خليني نوصلكم شافو في بعضاهم بلعو ريقهم ووقفو خارجين معاه ركبو فطونوبيل وديمارا بيهم للمشفى...قاعد عند راسها شادلها يدها كيف عادتو حب يفتح موضوع الطيحة معاها منهار فاقت وهوا حابب يسألها خاف من ردة. فعلها تشجع وسأل
رحيم:سارة اقلبي احكيلي واش صرالك حتى طحتي
سارة:وقت دخلت بدلت حوايجي جيت هابطة لعندك لتحت وصلت لطابق لول حطيت رجلي باش نهبط حتى زلقت معرفتش واش كان فدروج وجيت مكركبة لتحت عيطت بإسمك وفقدت الوعي بداو دموعها ينزلو تبكي وتشهق لعن راسو كي سألها وقف لعندها يمسحلها فدموعها بشفافو
رحيم:اشش اهدي اعمري المهم انتي بخير
سارة:تعلقت بزاف بالولد كنت نستنى ويكتا نشوفو ونحملو بين يديا
رحيم:هاني انا ديريني ولدك ديري فيا واش كنتي حابة ديري لولدنا حتى الرضاعة ادا حبيتي رضعيني خدودها حمارو من الحشمة دزاتو بعيد عليها مشنفة عليه
سارة:لا انت جنيت اكيد
رحيم:ههه وحياتك مزلت في عقلي انتي لي جننتيني وزيد رضعت انا مالعندك قبل ولادنا اححح عسل غطات وجها بيديها حاشمة من هدرتو ضحك عليها وحط يديه على يديها نحاهملها تبسمت معاه قرب منها خطف بوسة من شفافها. وختمها بعضة دخلو عليهم جماعتهم بعد عليها شاف موراه تبسم بمرارة عليهم حتى لليوم باش جايين اما هيا غير شافتهم تذكرت وقت كانت طايحة فالرض وهوما يشوفو فيها يتبسمو كبشت فالحاف مزيرة عليه وجها حمار من العصب قريب يطرطق راسها بدا يتزير عليها اكيد هوما مور الشي لي وقعلها قربو منها يسألو
كريمة:الحمد الله على سلامتك ابنتي معليش الولد يتعوض المهم انتي
فايزة:مزلتو صغار وتخلفوه ربي يعوضكم قربو منها يسلمو عليها دزتهم عليها وبدات تعيط خلات الكل مخلوع فيها حتى جابر وصل معاها فهديك الحالة
سارة:اعععع بعدو عليا انتم السبب كلو منكم انتم لي قتلتولي ولدي رحيم والله هوما شفتهم وقت طحت يشوفو فيا ويتبسمو الله ياخذ فيكم الحق نشالله تشربو من الكاس لي ذوقتوني منو اخرجو عليا
رحيم:سارة شبيك اهدي
كريمة:شفت اولدي حق الخير جينا نطلو عليها زعما
فايزة:حنا الغالطين درنالها قيمة وجينا برجلينا لعندها نستهلو خلينا نروحو
سارة:ايه روحو منسحقكمش اخرجو عليا منحبش نزيد نشوفكم في حياتي
رحيم:سارة شبي @@@ اهدي علاه تعملي في روحك هكا شبيك
سارة:رحيم صدقني والله هوما لي طيحوني
رحيم:لا موحال هاد الشي قرب منها حط يدو على وجها دزاتو عليها
سارة:ابعد عليا حتى نتا روح لعندهم جاي في صفهم
كريمة:وخذي الطفلة هبلت كيفاه تهدري معى زوجك هكدا احترمي حالك
سارة:زوجي نهدر معاه كيما نحب واش دخلك
رحيم:سارررررة قتلك خلاص اسكتي تكلم بعياط معاها خلا اللفعات يتبسمو بخبث لطيفة خرجت من جنبهم تبكي غايضها حال سارة لحق عليها يعقوب حتى هوا كاره الوضع هدا اما جابر بقى واقف كاره الوضع لي نحطت فيه بسبتهم
💞Sou Søu💞
