🔥🔞صغيرة الاغا🔞🔥 بقلمي✏سوسو✏06
دخلت لعند الجماعة والكل بدا يتغامز ويوتوتو عليها كاين لي ستشفاو فيها من عمايلها في بنت راجلها مسكينة...وقفت مرت عمو وجه الشر وسحبت معاها يماه خرجو لبرا يحكو..
كريمة:شبيك من الصباح ونتي تنغزي فيا خير
فايزة:ياعيني قاعدا ولا علابالك شي وراولك العلامة ولدك وكنتك ولا لالا
كريمة:انا مطلبتش منهم هاد الشي ماشي لازم
فايزة:لا لازم هدا الشي من عاداتنا ولا نسيتي هوما يحكو حتى شافوها هابطة من الفوق جات في وقتها قربت منهم تخطاتهم جات داخلا حتى عاودت رجعتها مرت عمو تحكي معاها
فايزة:وين على خير اطفلة انتم نسيتو حاجة موريتوهالناش
سارة:نن منسينا شي
كريمة:يابنتي قصدها العلامة وجها راح الوان وجا الوان تذكرت كلامو لي قالو
سارة:هيا عند رحيم هوا خباها عندو...
فايزة:علاه حتى يخبيها لازم نشوفوها هابط نن الدروج سمعهم واش يحكو تكلم معاهم قبل ميوصل ليهم
رحيم:مرت عمي نضن الشي هدا يخصني انا برك العلامة عندي وواحد مراح يشوفها لي قلقو هاد الشي يقول
فايزة:اما انتا عارف العادات
رحيم:عادات ومعادات ميهمنيش انا عارف واجباتي وحقوقي المهم عملت الشي لي يلزم عندكم شك فيها
كريمة:لا اولدي معدنا حتى شك كمل هبط غمز مرتو وخرج بلا ميزيد حرف معاهم دخلت سارة للداخل وقعدو هوما لزوج برا
فايزة:علاه سكتيلو كان لازم عليه يوريلنا وبلاك مصار حتى شي بينهم
كريمة:وووه كيفاه مصار شي مشتيش رقبة الطفلة كلها مبقعة العلامات بايين وفهمك كفاية دخلت وخلاتها تغلي وحدها برا شوي ولحقت عليهم للداخل... خلاصت ملمتهم وكل واحد راح لدارو القصر فرغ من المعازيم بقاو غير اهل القصر مجتمعين يحكو اسوم قدرت تخرج سارة من حشمتها ودخلت فالجو معاها هيا وبنت عمها بسمة لي من قدهم ثلاتهم عمر واحد سارة هيا الصغيرة فيهم يحكو ويضحكو دخل من برا راح لعندهم شافها تضحك تبسم وحدو عليها قرب منهم قعد جنبها مدور يديه على خصرها مهتم بحتى واحد وهيا قريب تموت من حشمتها دخلت امو هازة محزمة ذهب وخاتم خاص بعيلتهم كانت هيا لابساتو منهار مات زوجها خباتو لمرت ولدها الكبير قربت منها قالتلها توقف شافت فيه غمضلها عينيه باش توقف وقفت لبستلها المحزمة كي كملت سلمتلها على يدها وراسها مدت الخاتم لزوجها يلبسولها وقف دارهولها كي كمل سلمتلو على يدو هكا العادات وهوا باسها من راسها مفتاخر بيها حتى وصغيرا وعمرها ادا خرجت من الدار اما عارفة العادات مليح وحافضتهم لحق وقت العشا خبروهم الخدامات راحو قعدو عالطاولة كلهم حتى خوه جا وباركلها الا عمو مدخلش قال عندو شغل برا.... كملو تعشاو ورحيم طول القعدة عينو منزلهاش منها حابب يعرف حتى اصغر تفصيل فيها وقف طالع لغرفتهم
رحيم:ادا خلصتي خلينا نطلعو للفوق تعبت وحابب نريح يعقوب غدوا صباح بكر للشركة مراحش نجي
يعقوب:متخممش خو راح نكون تماك عالبكري
فايزة:خليلنا مرتك قاعدة معانا نتعرفو عليها
رحيم:راكي قلتيها مرتي يعني وين نكون انا تكون هيا وزيد انتي ست العارفين عرسان جدد مزال مشبعناش من بعضانا شد مرتو من يدها وخرجو معى بعض خلاهم وحدهم خوه وختو اطرشقو بالضحك معى بنت عمهم امو ساكتة حشمت من كلام ولدها معى مرت عمو اما مرت عمو وبنتها الاكبر قريب يطرطقو من العصب
فايزة:الطفل هدا ميحشم ميتحشم منين جايب كل هاد الجرأة وخذي...
ايناس:اكيد تكون هيا زادت عباتلو فراسو هوا عمرو لا قال كلام كيف هدا من قبل
يعقوب:وعلاه اخي شحال من مرة تزوج من قبل باش يقول هاد الكلام وزيد هوا مراهش يدير في شي حرام راه معى مرتو على سنة الله ورسوله خمو قبل متحمو وقف خرج مالعندهم طول عمرهم هاد الزوج دايرين هكا حاجة ممنغزى عيشتهم غير مرت عمو وبنتها لفعات لزوج تخمام واحد
💞Sou Søu💞
