🔥🔞صغيرة الاغا🔞🔥بقلمي✏سوسو✏91
خرج سامر من داخل قرب ليه رحيم يسأل فيه بلهفة
رحيم:سامر انتا شفتها كنت معاها فالغرفة طمني عليها
سامر:هدن روحك اصاحبي وي شفتها مراهي جايبة خبر بوالو دارولها البنج يمكن يدها تكسرت ولا رجلها هكا سمعتهم يحكو بين بعض
رحيم:وقت تفطن اكيد راح تتوجع يارب كون معاها شكرا لوقفتك معاها مراحش ننساها هذي
سامر:متعاودش هاد الهدرا راهي اختي هديك..بقاو واقفين يستناو كاش خبر من الداخل عليها شاف الباب تحلت جرا ليها
رحيم:دكتورا طمنيني عليها هيا مليحة وولدي
الدكتورا:سامحني اغا معرفتش واش نقول اما خصرنا الولد اجهضت
رحيم:وهيا طمنيني عليها مليحة ولا نن
الدكتورا:عندها شحال من ظربة في جسمها بحكم الطيحة يدها تكسرت جبرناها وعندها ظربة في جبهتها شوي ردود في باقي جسمها هدو كلهم يشفاو اما راني خايفة تدخل فحالة اكتئاب بعدما سقطت
رحيم:نقدر نشوفها
الدكتورا:هيا الان مهيش جايبة خبر مزالت تحت تأثير البنج حتى لصباح باش تفيق نسمحلك زوج دقايق برك تشوفها وشوي يخرجوها لغرفة عادية راحت وخلاتهم وهوا دخل لعندها حابب يشوفها قابلو منظرها راقدة عالسرير وجها اصفر وشفافها شايحين هارب منهم الدم كبس بونية على يدو وغمض عينيه مكانش متوقع يشوفها بهاد المنظر عمل كل جهدو باش يحميها ومتوصلش لهنا قرب منها بخطوات صغار يمشي ويرجف وصل لعندها طابس ليها باسها من راسها وزاد لشفافها قعد على ركبتو عند وجها شدلها يدها باسها منها حط يدو على شعرها
رحيم:واثق انا راح نتجاوزو هاد المحنة اعمري راح نخليك تنساي كل هاد الموقف انتي برك ارجعيلي كيف مكنتي فقدان الصغير صح مرة اما فقدانك امر واش ندير بولد ونتي مكاش نسحقك انتي تنوضي على رجليك اعمري ارجعيلي بسرعة احبي انا نضيع بلا بيك جات ليه الممرضة تخرجو خلاص وقتو وقف بسيف عليه طبع بوسات على خدها وراسها وختمها لشفافها وخرج لبرا قعد على اول كرسي قابلو يرد فالنفس قربو منو سألوه عليها جاوبهم كلمة وقص
رحيم:طالما راهي معايا راح تكون مليحة رجع راسو للور يخمم فيها ومنظرها بهديك الحالة بين عينيه...بعد جابر من جنبهم بعدما طمن عليها قرب من هدوك الزوج
جابر: انتي وهيا تبعوني نحتاجكم وراح شافو في بعض سرطو ريقهم ومشاو موراه يتبعو فيه خرجو لبرا لقاوه واقف وحدو فالظلمة قربو منو غير قربو شدهم من شعرهم مزير عليهم
جابر:برد قلبكم درك قتلتولها ولدها وصلتوها للمشفى
فايزة:اطلقني ياهم علمن راك تهدر مفهمنا والو
جابر:مفهمتيش صار متأكد مثل ماني شايفكم انكم انتم لي عملتو فيها هاد الشي
كريمة:وخذي علاه حتى نوصل نقتل ولد ولدي
جابر:هاد الشي لي ميحرني كيفاه عطاك قلبك ودرتي في كنتك وولدك هاد الشي. شوفو ماليوم منحبكمش تزيدو تقربو منها وحسابكم مزال مخلاصش معايا لفعات الكلبات درك طيرو من قدامي ارجعو منين جيتو وقت تفطن سارة ونطمنو عليها مزال عندي حكي معاكم وعقوبة ليكم يالله طيرو من قدامي تهزو وتحطو على صوت عياطو بعدو يجرو من جنبو راحو ركبو فطونوبيل وديمارا بيهم الشوفور مرجعهم للقصر يترعدو مالخوف
💞Sou Søu💞
