🔥🔞صغيرة الاغا🔞🔥بقلمي✏سوسو✏107
قعد رايح جاي فالغرفة يخمم واش يعمل فيهم والعقاب لي يستاهلوه حتى سارة قاعد يخمم كيفاش يقنعها بلي الكلام لي قالوهولها كلو كذب جات فكرة لراسو بخصوص عمو تبسم بخبث غدوا نشالله بعدما يخرج سارة من المشفى راح يبدا ينفذ فيها حس روحو تعب قعد عالكرسي محبش يقلقها ويرقد معاها فالسرير بقا شوي حتى رقد راح فسابع نومة...طلع الصباح عليهم بعد ليلة طويلة كل واحد فاه بايت يخمم فطنت سارة بقات تشوف وينها وتستوعب لي صار شافت على جنبها لقاتو راقد تبسمت واخيرا قدرت تشوفو اما بالخف عاودت غوبشت وحست بالبكا وقت تذكرت لي صار معاه اخر مرة هنا فالمشفى تذكرت الي هوا مصدقهاش ووقف معى اهلو عليها تذكرت عياطو عليها طاحو دموعها على خدها وقررت تروح من قبل مينوض هبطت بسيف من السرير حاسة بشوي دوخة فتحت الباب بالعقل باش ميسمعش الحس ويفطن تنفست براحة وقت خرجت بلا ميفيق بيها غير غلقت الباب خرجت تزرب في مشيتها لبرا غير وصلت لباب المشفى شافت تاكسي شاورتلو بيدها جا ليها
سارة:ممكن توصلني لعند عمي وتماك نخلصك
***:اكيد نوصلك باطل ادا حبيتي الاغا مغرقنا بخيراتو عيب عليا منوصلش مرتو تبسمت معاه وركبت هاربة من جو المشفى ومنو طريق كاملة وهيا حاطة راسها على الزجاج تخمم فلي صاير معاهم لازم عليها تخمم مليح قبل متوصل لقرار .. فالمشفى عند رحيم فاق بشوي حاسس جسمو مكسر من رقدة الكرسي شافت جيهتها لقا السرير فارغ ظن انها فالدوش تغسل وقف مشا لجيهتو فتح الباب ملقا حتى واحد لداخل قلبو مقايلو خير رجع يجري للغرفة بالوقت دخل خوه
يعقوب:شبيك هكا عالصباح
رحيم:سارة مكاشها معرفتش وين راحت
يعقوب:زعما يكونو رجعو لهنا وعاودو خطفوها
رحيم:اقسم بالله كون يكونو هوما نخسر عليهم رصاصتين برك راح نشوفو فالكميرات خرجو يجرو من الغرفة راحو لغرفة الكاميرات دخلو لداخل داو الاذن باش يشوفو رجع الاحداث شوي للور حتى لمحها خارجة من المشفى فتاكسي بقاو حالين فامهم مخلوعين وين راحت عالصباح ولعدمن شكرو لي تماك ووقفو خرجو لبرا وقف جانن معصب عالخر كيفاه حتى رقد ومفاقش بيها كي خرجت من جنبو فالغرفة بدا يعمل في اتصلاتو يحوسو عليها وعلى التاكسي...عند سارة لحقها لعند عمها خلاها وراح بلا مياخذ اجرتو طبطبت فالباب فتحلها سامر حل عينيه فيها مستغرب
سامر:سارة شكون جابك
سارة:جيت وحدي وينها رنوش هنا ولا نن سمعت صوتها خرجت تجري لعندها تحضن وتبوس فيها دخلتها للداخل اما سامر شك انو الحكاية فيها انا جبد تيليفونو يعيطلو
سامر:رحيم وينك انتا
رحيم:انا فالمشفى ملقيتش سارة راني نحوس عليها
سامر:مرتك عدنا بلا متحوس عليها كوبا عليه معصب عالخر ركب فطونوبيلتو وديمارا باقصى سرعتو لعندهم...كانت قاعدة فالغرفة معى رنوش حكاتلها كلشي صار معاها حتى تحلت الباب على وسعها كان رحيم وصل ستأذنت رنوش منهم خلاتهم وحدهم
رحيم:انتي حابة جنيني كيفاه تخرجي من المشفى بلا متقولي قلبي قريب حبس مالخوف عليك يحكي بعياط معاها ورايح جاي فالغرفة وهيا تشوف فيه بالساكت تذكرت نهار لي عيط عليها قدام اهلو نطقت معاه خلاتو يجن اكثر
سارة:طلقني رحيم مبقيتش حابة نعيش معاك 😱😱😱
💞Sou Søu💞
