🔥🔞صغيرة الاغا🔞
بقلمي ✏سوسو✏07
فالغرفة عندهم غير دخلو راح قعد عالسرير مغمض عينيه من التعب بقات واقفة تشوف فيه وتستنى يقوللها تقعد شاف حسها مكاش فتح عينيه يشوفها لقاها مزالت واقفة كيما خلاها..
رحيم:علاه مزلتي واقفة
سارة:انتا مقتليش اقعدي
رحيم:سارة متهبليش$$$ الغرفة غرفتك تقعدي وين تحبي بلا منقولك حكا معاها بنبرة تع عياط مكانش قصدو اما طلعت معاه دمعو عينيها من نبرتو معاها هبطت راسها وراحت قعدت عالفوتاي تماك بالسكات شافها كيفاه دارت وجعو قلبو عليها مكانش ناوي يزعفها منو تنهد ووقف راح قعد جنبها يحكي معاها
رحيم:اسف اقلبي مكانش قصدي نعيط عليك
سارة:بلا متعتذر موالف هاد الشي من صغري يحكو معايا بهاد الطريقة
رحيم:هدوك الايام راحو منا ورايح كلهم راح يولو يخافو باش يحكو معاك نوضي غيري ثيابك وارجعي عدنا منحكو وقفت دخلت لدوش غسلت وجها من المكياج وخرجت دخلت الدريسنغ روم بدلت حوايجها ورجعت للغرفة ملقاتوش سمعت حس فدوش عرفت راه لداخل..بعدما دخلت تبدل وقف دخل يعمل دوش ويرجع كمل دوش لف منشفة على نصو التحتاني وخرج لقاها قاعدة عالسرير مغمضة عينيها ومرجعة راسها للور محستش بيه كي خرج دخل لبس شورط قصير ورجع ليها حست بيه يمشي حلت عينيها قابلها بجسمو هداك تحل في عينيها وتغمض فيهم باش تشوفو مليح بقات حالة فمها فيه قرب ليها تسطح عالسرير حط يدو على فمها غلقولها
رحيم:اغلقيه لا تدخلك ذبانة في فمك فاقت على روحها غلقاتو تجري جبدها لعندو مقعدها على كرشو حط يدو على خدها ويحكي بحنانة
رحيم:حابب تحكيلي كلشي عشتيه حتى ليلة لبارح متخبي عليا شي مفهوم
سارة:منين نبدا راح يوجعك راسك مني ومن حكايتي
رحيم:هداك يسموه شغلي انا ياصغرونة مفهوم
سارة:امي ماتت وقت كان في عمري عامين بابا من صغري كارهني كان حابب نكون طفل بعد موت امي بشهر تزوج منهار تزوج لليوم مشتش نهار مليح معاهم كانت تحرضو عليا وهوا يجي يضربني مرات كان يبيتني برا معى الغنم كان ماشي بنت عمي وخوها راني مت من زمان زادت قوات بحملها وكي جابت الصبي انا صغيرا رجعتني خديمة عندها نقوم بيها وبولدها كي منعرفش حاجة كانت تضربني وكي يدخل بابا كانت تزيد تخبرو ويزيدلي فالضرب وصل الوقت باش ندخل نقرا بسيف باش خلاوني قريت كنت ديما نطلع اول وحدا فالقسم وهاد الشي كلو بفضل ولاد عمي اما هيا معجبهاش تفوقي كانت حابة نقعد فدار نخدمها وصلت للمتوسطة عبات براس بويا وخرجني من القراية رجليهم بستهم باش يخلوني نكمل وهوما رفضو من هداك الوقت رجعتني خديمة ليها ولولدها وزادت حملت جابت طفلة تعرف الي بابا فرح بيها اكثر من الطفل المهم مرو السنين وكبرو ولادها الطفلة اختي تع الصح تحبني ونحبها ياما ضربتها امها وخوها عليا باش متحكيش معايا وتسبني وهيا كانت ترفض اما الطفل الله يطيح ضربة في جنابو كنت نبات ونفيق على ضربو بلا سبة اتصور كانو ياكلو ونا يخلوني بلا اكل اختي كانت تسرقلي وجيبلي كوليوم يخلوني نبات برا تعرف انو ليلة قبل العرس خلاوني بت برا للوحوش والذيابة كون مقعدتش معايا ابن عمي سامر كون راني مت هدا كلو علاجال اني رفضت الزواج حتى لهداك النهار باش خبروني انو غدوا جايين يدوني عروسة تفاجأت ونصدمت كيفاه يقررو بلا ميقولولي بكيت توصيلت شفعت رجليهم بستهم ثلاثتهم قتلهم عالاقل قولولي شكون ولا اجلو العرس لين نشوفو اما هوما قساو قلبهم اكثر وناض خويا ظربني وخرجني لبرا حتى لصباح باش دخلوني هدي هيا حكايتي تهدر وتبكي بشهقة كل كلمة طلعت منها دخلت كيف السكين لقلبو يسمع فيها ويوعدها في قلبو راح ينسيها كلشي فات عليها حتى ومتحبوش ومسلمتلوش نفسها اما راهي مرتو قدام الناس وقطعة من قلبو راح يحاسبهم واحد واحد تمسح في دموعها بكفوف يدها طلع يدو مسحهملها بيدو وشد يدها باسها منها مزالت عندو حاجة حاب يفهمها ولازم اليوم يعرف واش حكايتها
💞Sou Søu💞
