🔥🔞صغيرة الاغا🔞🔥بقلمي✏سوسو✏112
لحقت العشية بالخف ورحيم ريحتو مكاش عيطولو فتيليفون لقاوه مغلوق لحق الوقت باش يجو اهل سامر وهوا مزال مجاش واحد معرفو وين راح جهزت اسوم حالها والبنات معاها حست بغصة تمنات كون امها راهي معاها ماشي راح تتزوج بتخبية عليها البنات حاسين بيها محبوش يقوللها اي شي باش ميكملوش عليها بداو يلتو فيها بحكيهم عليها وعلى سامر شوي بشوي قدرت تنسا وتندمج فالهدرا معاهم...عند رحيم بعدما خرج من الشركة يمشي ويسوق معرفش روحو وين رايح حتى لقا روحو خرج من القرية وصل لوحد الجبل عندهم ڨارا طونوبيل ونزل منها تكا عليها وبقا يشوف فالبيوت مالفوق ويتذكر فلي صاير معاهم وايامو معاها والسيڨار في فمو كل دقيقة يشعل واحد مفاقش حتى وصلت العشية وبدات الحالة تظلام تذكر خطبة اختو لازم يكون حاظر وواقف جنبها في يوم كيما هذا ركب فطونوبيل وديمارا راجع للقرية...عند سارة كملت جهزت حالها بسيف عليها محبتش تروح غير سامر اصر عليها وافقت وراحت معاهم لحق رحيم للفيلا دخل لقاهم يستناو كلهم وجاهزين قرب منهم
يعقوب:وين كنت مصباح وحنا نحوسو عليك
رحيم:كنت ف...سكت كي شاف البنات واقفين راح نطلع لغرفتي ندوش ونجهز حالي مبيد يوصلو طلع وخلاهم واقفين دخل لغرفتو عاود غلقها تنهد من عروش قلبو دخل لدوش دايراكت نحا حوايجو ودخل تحت الما خلاه يسيل عليه مقدرش يسرط حكاية بعدها عليه ولا الطلاق لي خرجت بيه كمل دوشو وخرج لبس حوايجو برفن روحو ونزل غير وصل لاخر درجة صونا الباب راح فتحو قابلوه واقفين عينيه تحطو عليها قبالة رحب بيهم ودخلهم للداخل بقا واقف لور حتى دخلو كامل بقات هيا الاخيرة مرت عليه ريحتها دخلت لخشمو غمض عينيه من ريحتها لي توحشها بقا يتبع فيها مالور ويشوف في جسمها كبس بونية على يدو رجعت ضعيفة بزاف خسرت وزنها بسبة المرض غلق الباب وراح تبعهم دخل لوين قاعدين راح قعد مقابلها ودار رجل على رجل شافها كيفاه قاعدة وحاطة رجل على رجل نص فخذها يبان زير على يدو من العصب كيفاه قاعدة هكدا وهيا وسط الرجال لا وزيد لابسة روبة قصيرا حساباتها راهم يكبرو خليها تعمل لي تحب عليه درك الا مطيح في يدو... عندها هيا غير شافتو فتحلهم الباب قلبها رفرف من الفرحة كانت حابة تشوفو دخلو مرت عليه حست بيه يتبع فيها مالور المشية تلفتلها لا وزاد راح قعد مقابلها وزاد يشوف فيها بنظرات نار حاولت تتجنبو قدما تقدر اما مقدرتش عينيه منزلهمش عليها بقاو مدة هكاك غير نظرات بيناتهم دخلو عليهم بسمة ولطيفة راحو ديراكت لعندها يسلمو ويحضنو توحشوها قعدو جنبها وبداو يحكو معاها قدرت تتجنبو شوي وتهرب من نظراتو
💞Sou Søu
