🔥🔞صغيرة الاغا🔞🔥بقلمي✏سوسو✏113
دخلت اسوم عليهم هازة صينية القهوا في يدها حطتها قدامهم ودارت سلمت على رنوش وامها ودارت لسارة تحضن وتبوس فيها والثانية مبداتلها الحضن سامر عينيه برقو منها لصقو فيها ومن جمالها لي هيا فيه اليوم طلع وهبط لبستها لقاها مستورة كيما وصاها لبست قفطان فلون الفاغ خلات شعرها مسيب معى شوي مكياج جات تهبل قعدت جنب سارة مقابلة سامر لي عينيه منزلهمش منها حالو حال الظراري لخرين مكفاش رحيم وسامر كمل عليهم يعقوب لي ملي دخلو وهوا يشوف فيها اما هيا بنظرة مشافتش فيه قلبو محروق عليها حابب ينوض درك يطلبها من اهلها ويديها يخطفها من قدامهم كامل يخليها عندو برك اما هوا فنظرهم متزوج هاد الشي موحال راح يصير مدامو متزوج تنهد وقعد معندو حتى حل بين يديه فهاد الوقت حال يوسف كيف حالهم او اكثر متوحش مرتو من صباح مشافهاش تعود وقت يرجع من برا تلاقيه عند الباب ويشقلمو شوي بعدها يروحو يشوفو شغالاتهم وترها طول القعدة يبعتلها بوسات فالهوا وهيا تتبسم معاه حاشمة منو قدام الجماعة تكلم اب سامر كاسر الصمت لي هوما فيها
اب سامر:اغا نظن عارفين علاه جينا ليوم جينا نطلبو ايد اختك لولدنا سامر على سنة الله ورسوله
رحيم:ونا موافق طالما هوما متفاهمين وقابلين معندي علاه نرفض الحب يجي مرة فالعمر ملازمش نفرطو فيه هدر وشاف في سارة لي كانت تبع فيه غير شاف فيها دورت عينيها للجهة الثانية
يوسف:يعني خلاص نقولو مبروك اجماعة
رحيم:وي بارك كيما حبيت وقفو الكل باركولهم جبد الخواتم من جيبو لبسلها خاتمها زادت هيا لبستلو خاتمو باسها من راسها
سامر:مبروك احبي واخيرا لبستلك خاتمي
اسوم:شحال ونا نستنى فهاد اليوم لي نلبس خاتمك قرب منهم يعقوب قاطع عليهم اللحظة الرومانسية ههههه
يعقوب:نزل ايدك على اختي مزال مصارتش مرتك
سامر:شوف اسيدي خمس دقايق وترجع مرتي شرعا وقانونا وحد معندو كلمة معانا ضحكو الكل على هبالهم شوي ودخل الشيخ وكاتب العدل قرب رحيم منهم رحب بيهم قعدو في وسطهم وبدا الشيخ يقرا في فاتحتهم غير كملو طلقت امو زغروتة وصلت لكل القرية من فرحتها زادو مضاو على عقدهم وعلات الزغاريت الكل فرحان ويباركلهم قربت سارة منهم باركتلهم سلمت على اسوم وزادت لوليد عمها سلمت عليه وحضناتو عملتها بلعاني فيه وهوا كان متبعها فكل لحظة شافها سلمت عليه الجنون لحمر دارو بيه عض خدو مالداخل معصب خرج من جنبهم دا الشيخ وكاتب العدل يتعشاو باش يروحو تلمو الكل على العشا الرجال في جيهة والنسا في جيهة شافت سارة سامية عندهم استغربت من قعادها هنا قربت منها سألتها والثانية فهمتها علاه جات لهنا زادت دخلت في حيط اكثر علاه حتى رحيم يقبل يجيبها لهنا
سامية:متستغربيش بزاف غدوا نشالله بربي نجي لعندك وين قاعدة ونفهمك
سارة:مراحش نقدر نصبر حتى لغدوا فهميني درك
سامية:درك منقدرش راهم كامل يدورو هنا غدوا نجي ونحكيلك نكونو وحدنا
سارة:شكون راح يجيبك لعندي انتي متعرفيش
سامية:نقول لاسوم جيبني متخميش عليا المهم انتي اخرجي درك تتعشاي معاهم وطمني بالك كلش راح يكون بخير تبسمت معاها وخرجت لبرا قعدت وسطهم بداو ياكلو ويحكو فرحانين بزواج اسوم وسامر طمنو على هدو الزوج مزالو يعقوب ورنوش نشالله يزيدو يفرحو بيهم ويطمنو عليهم
💞Sou Søu💞
