🔥🔞صغيرة الاغا🔞🔥بقلمي✏سوسو✏110
عند سارة بعدما تعبت من التخمام رقدت شوي فطنت على صوت رنوش تنوض فيها حلت عينيها لقاتها عند راسها تقعدت وحكات معاها
سارة:خبريني واش عملتي لقيتي المحامي
رنوش:وي رحت لعندو وقال لازم نتي تروحي ليه باش تمضي على اوراق الدعوى
سارة:اوكي غدوا نشالله نروحو ليه ياك تروحي معايا
رنوش:اكيد نروح معاك اما سارة خمي مليح قبل ميفوت الحال هدا رحيم لي يعشق اللرض لي تمشي عليها ونتي اكثر منو كيفاه راح تطلقو
سارة:وقت سحقيتو وقف معى اهلو وخلاني انا ياك عارفة حكيتلك كلش واش صار معايا افهميني
رنوش:فاهماتك احبي اعملي لي يريحك ونا معاك انا خارجة امي تنادي عليا خليكي هنا ارتاحي خلاتها وخرجت وهيا غرقت في افكارها...خبر سامر اسوم عالخطبة لي فرحت بزاف قريب تجنح من فرحتها وقفت بزربة لمت شوي من حوايجها وخرجت بالساكت راحت للفيلا عند خاوتها مهيش حابة تعكر مزاجها فالقصر وصلت للفيلا دخلت من الباب قابلتها مرا واقفة قربت منها مستغربة
اسوم:خير شكون انتي وواش تعملي هنا
سامية:الاغا حطني هنا ونا منقدرش نقعد بلا شغل نضت قلت نفرز شوي دنيا ونطيبلهم لقمة ياكلوها
اسوم:والله عملتي زينة العقل قوليلي تعرفي تعملي حلو واكل
سامية:اكيد نعرف نعمل كلشي تحتاجوه
اسوم:غدوا الخطبة والفاتحة تاعي واش رايك نتساعدو. انا ونتي ونعملو حلويات وغدوا نوجدولهم عشا
سامية:الف مبروك من عيوني نساعدك
اسوم:تمام نطلع نحط حوايجي ونرجع ليك نشوفو واش خصنا نبعتو الرجال يشرو طلعت للفوق حطت حوايجها فالخزانة ولبست حاجة خفيفة تع دار وهبطت لعندها بداو يكتبو واش يسحقو ويخمو واش يديرو.. عند سامر خرج من الشركة عالبكري راح لدارهم خبرهم على نهار غدوا نشالله
سامر:رنوش سارة جهزو حالكم تروحو معايا نختارو خاتم الخطبة
سارة:اسفة منقدرش نروح معاكم روحو انتم برك
سامر:منسحق حتى اعتراض حاب خياتي لزوج يروحو يختاروه معايا
رنوش:انا اذا مراحتش سارة منروحش انا
سارة:خلاص متحرموش نفسكم علاجالي راح نجي معاكم ضحكو معاها وهيا وقفت معى رنوش يجهزو حالهم...عند جابر خرج هوا الاول من الشركة يستنى فموعدو معاها بفارغ الصبر مر عالقصر بدل حوايجو وخرج عيطلها وين يلقاها خبراتو على عنوانها وهوا ديمارا ليها شوي وكان واقف قدام باب دارها شافها خرجت تمشي وتتمايل لحقت لعندو ركبت معاه فطونوبيل قربت منو باستو من خدو من ومن وهوا ميت بالسعادة نطق معاها
جابر:ايه خبريني وين حابة نتعشاو ونسهرو
سهام:عندي ثقة فاختيارك نروحو وين تحب انتا تبسمت معاه بكل رقة كملت عليه ديمارا بيها داها لمطعم شوي خارج عالقرية باش ميشوفوهش اهل القرية دخلو للداخل معى بعض قعدو على طاولتهم لي كان حاجزها طلبو اكل ليهم وبقاو يحكو شوي يتعرفو على بعض جابولهم الاكل بداو ياكلو ويحكو وهيا تحكي بكل دلع وثقة فالنفس خلاتو يعجب بيها غصب عنو كملو كلاو وقعدو شوي بعدها نطقت هبا معاه...
سهام:الظاهر فات الوقت خلينا نرجعو
جابر:واش رايك نباتو هنا كاين اوتال قريب منا
سهام:لا منقدرش خلينا نمشو بالعقل نزيدو نتعارفو وزيد مخبرتهمش فالبيت اني مراحش نرجع نخاف يقلقو
جابر:اوكي براحتك خلينا نمشو وقفو معى بعض قربت منو وشبكت يدها في يدو وخرجو لبرا كاين شكون كان متبعهم وخذالهم صور معى بعض ركبو فطونوبيل وديمارا مرجعها لدارهم وصلو جات تهبط شدها من يدها دارت تشوف واش يحب فاجأها بوسة لشفافها بعدت عليه تجري نزلت من طونوبيل تمسح في فمها وهوا ديمارا يضحك فرحان
💞Sou Søu💞
