🔥🔞صغيرة الاغا🔞🔥بقلمي✏سوسو✏70
كملت عملية رحيم خرج الطبيب طمن صحابو وقعدو يستناو فيه يخرجوه شوي وشافوهم مخرجينو يسحبو فيه فالسرير قلبهم دم عليه عمرهم والا شافوه بهاد الحالة طول عمرو واقف جبل ميهزك ريح عمرو لا بين ضعفو لحد اليوم يوصل لهاد الحالة وجهو هارب منو الدم ومغيب ماشي جايب خبر وصلوه للغرفة حطوه عالسرير وخرجو دخلو لعندو وقفو عند راسو تكلم معاه
سامر:وينو هاد@@@ تع يعقوب عاود عيطلو
يوسف:انا عرفت وينو درك نزيد نعيطلو ..جبد تيليفونو عاود عيطلو غير صونا ريبوندا عليه كان قريب للقصر راجعين من مشوارهم
يوسف:وينك ياوحد @@@
يعقوب:خير واش صار
يوسف:الهم نتا خوك قريب مات ونتا ماشي جايب خبر نفتح السبيكر بالغالط سمعت كلامو قلبها قريب يوقف من الخوف بداو دموعها يسيلو
يعقوب:وشبيه رحيم انطق ا@@@ وينو درك
يوسف:حاولو يقتولوه..قبل ميكمل هدرتو جاه عياطها بإسمو خايفة عليه يعقوب ملقا ميقول وهوا حالتو كيفها نطقت بسيف معاه
سارة:يعقوب خويا تعيش اديني ليه نشوفو ربي يخليك جاهم صوت يوسف
يوسف:اهدو متخافوش هوا بخير يعقوب جيبها معاك وارواح هوا محتاجها جنبو رانا فالمشفى*** كوبا عليه من غير ميزيد حرف دور الطونوبيل وعاود ديمارا بأقصى سرعتو للمشفى يطمن على خوه..مسافة الطريق وكانو قدام باب المشفى هبطو يجرو لزوج لقاو رجالو كلهم تماك دخلو للداخل وراولهم غرفتو وراحو لعندو وصلو ليها فتحو الباب ودخلو قابلهم راقد كيف الميت وجهو صفر موصول بخيوط السيروم جرات لعندو تتطمن عليه حطت يدها على خدو تتلمس فيه ويعقوب موراها يشوف فيه صحابو واقفين موراهم يتبعو بالسكات حالتهم الكل حالة عليه دار يعقوب ليهم معصب...
يعقوب:واش صرالو شكون لي عمل فيه هاد الشي ونا علاه معنديش خبر مالول
سامر:قلب تيليفونك من الدقيقة لي سمعنا وحنا نعيطولك ونتا مرفدتش علينا تذكر وقت هبطو وخلاه فطونوبيل سكت مزاد حتى كلمة محبش يسأل عالحادث قدام سارة دار يشوف خوه ومرتو لي حالتها حالة تبكي الحجر...
يعقوب:سارة خلي واحد من الرجال يوصلك انا هنا
سارة:موحال نروح ونخليه انا قاعدة معاه حتى يخرج منا واحد ميقدر يبعدني عليه تحكي ودموعها يسيلو خلات قلبهم مقسوم عليها.. مرت ساعة عليهم وهوما على حالهم يستناو فيه يفيق صوت بكا سارة برك لي ينسمع فالغرفة قاعدة عند راسو وشادتلو يدو يعقوب واقف مقابلو ويوسف وسامر واقفين عند الباب بدا يتملل في بلاصتو فتح عينيه جاتو ضبابة عاود غلقهم وفتحهم ونطق بإسم سارة جاهم صوتو تنطرو اربعتهم من مكانهم لعندو اما هيا غير سمعت صوتو رجعتلها الروح وقفت تجري ليه حطت يدها على خدو تتفقد فيه
سارة:حبيبي انتا مليح طمني عليك احكي سمعني صوتك حس روحو مات وقت سمع صوتها رجعتلو الحياة
رحيم:اشش اهدي اعمري انا بخير متتقلقيش روحك سارة قربي مني نقولك شي دارت كيما قاللها وهبطت راسها لعندو غير قربت رفد يدو بسيف جبدها ليه وباسها من شفافها بعدت تجري عليه حاشمة من لي معاهم بقاو حالين فامهم فيه وفي جرأتو بالخف رجعلهم عقلهم وبداو يصفرو عليه ثلاتهم
يوسف:اي قلبي الصغير لايتحمل راني باير معاك يااخي حس بيا شوي
سامر:واش يحس اخو السيد رجع مالموت وغير فطن رجع لعوايدو راحت علينا حنا
يعقوب:امشي تلعب انتا وهوا خلولي خويا ومرتو
رحيم:بلع انتا وهوا عمر الشاقي باقي شاف في مرتو وسألها كيفاه جات لهنا
رحيم:سارة اقلبي شكون جابك لهنا كيفاه عرفتي
سارة:جيت معى يعقوب
يعقوب:منا ورايح راح نخدم شوفور عند مرتك شاف فيه مخنزر ونطق معاه
رحيم:يعقوب قرب عدلي المخدة قرب ليه غير شافو قدامو تقاوى على روحو وطلع راسو ظربو بدماغ لراسو خلاه يبعد مرهوج حطت سارة يدها على فمها مخلوعة وخايفة على يعقوب اما سامر ويوسف اطرشقو بالضحك عليهم
رحيم:هدي حق مجبتها لهنا وسط كل هاد الرجال
سارة:هوا معندو حتى دخل انا لي قت...شاف فيها مخنزر خلاها تسرط باقي كلامها
رحيم:وصلها للقصر وصباح ارجعو راهم هنا هاد الزوج يبقاو معايا ليوم
سارة:لا والله منروح لحتى بلاصة الا ورجلي على رجلك منيش متحركة
رحيم:تمام خلوها هيا هنا ونتم ارجعو لدياركم
يوسف:شو يااغا حابب يخلالك الجو معاها عالعموم انا معندي حتى واحد يستناني راح نبقا هنا نقعد قدام غرفتك ادا حتجت شي خبرني يلحقك فالحين
سامر:مشات معاك اصاحبي حتى انا قاعد معاك
رحيم:يعقوب انتا ارجع للقصر باش ميتقلقوش وصباح ارجع راهم هنا
يعقوب:لقيتوني غير انا لي لازم نرجع وراسك مني رايح غير قاعد هنا راح نعيط لاسوم نخبرها انو جاتنا خدمة مستعجلة ونتا وسارة بايتين برا وصباح يعرفو وحدهم لي صار
رحيم:اعملو لي تحبو اخرجو عليا برك خلوني معى مرتي
سامر:خلاصت علينا بتقليعة ضحكو معى بعض وخرجو ثلاتهم خلاوهم وحدهم
💞Sou Søu💞
