🔥🔞صغيرة الاغا🔞🔥بقلمي✏سوسو✏111
جا صباح جديد عليهم رحيم خرج مالدار بكري مزال غياب صغرونتو مأثر عليه حتى ولقلها اما مزالت بعيدة عليه فضل يلهي روحو فالخدمة خير حتى يشوف كيفاه يرضيها ويرجعها لعندو..عند سارة فاقت صباح عملت روتينها وخرجت فطرت معاهم بالساكت كلات زوج لقمات برك قدما حاولو معاها مرت عمها وعمها تاكل مقدرتش كملو فطرو وخرجت هيا ورنوش لعند المحامي...فالفيلا عند اسوم صبحت نايظة فرحانة نزلت لتحت لقات فطور واجد قعدت فطرت عمرت كرشها مليح بعدها عيطت لطيفة جي لعندها باش تساعدها شوي دخلت للمطبخ لعند سامية لقاتها موجدة كلشي حلت فمها فبها...
اسوم:ويكتا لحقتي عملتي كل هاد الشي انا وين كنت
سامية:كنتي راقدة هههه فقت صباح عالفجر بديت نطيب فيهم وهاهم واجدين مزال العشا برك درك نبدا فيه
اسوم:برافو عليك والله طلعتي شاطرة مخليتيلي حتى حاجة نديرها
سامية:اصلا انتي عروسة لازم متمسي حتى حاجة سمعو صوت الباب يندق راحت اسوم تفتح قابلوها بسمة ويوسف سوطات عليها تحضن وتبوس وهوا مراقبهم مخلوع فيهم
اسوم:هكا هنت عليك منهار تزوجتي محوستيش عليا
بسمة:ابنتي خليني نعيش ايامي ههه واش ندير بيك
اسوم:صار هكدا صحا فيك في شهر نساك فيا
بسمة:اسكتي برك نساني حتى في اسمي هههه
يوسف:كملتو تحضان ولا مزال رجليا نملو. منكم
بسمة:هههه اسفين نسينا روحنا توحشنا بعض
اسوم:هههه عندك الحق ادخل يوسف معانا للداخل
يوسف:لا رايح للشركة العشية نشالله نرجع قرب من مرتو باسها من راسها وخرج غلقو الباب بعدما راح ودخلو للداخل شوي ولحقت لعندهم لطيفة بداو يوجدو فالحالة تماك اسوم معاطية فرحتها لحد واخيرا وصل اليوم لي شحال وهيا تستنى فيه انها تصير على اسمو... عند سارة ورنوش لحقو لعند المحامي دخلو لي غير شاف سارة تسطى بجمالها بقا يبحلق فيها كي المجنون رنوش فاقت عليه نحنحت وتكلمت تفيق فيه
رنوش:استاذ هدي بنت عمي لي قتلك عليها جات باش تبدالها فالاجرؤات تع الطلاق
المحامي:مشاء الله عليها الف واحد يتمناها تقلقت سارة من كلامو ونظراتو ليها
سارة:ونا منسحق حتى واحد يتمناني من غير راجلي تحرم عليا الرجال كامل جيت لهنا باش نمضي على اوراق الدعوى ادا ممكن
المحامي:ماشي انتي ريحي حالك درك نجيبهملك ومتخميش راح نسرع فالجلسة باش تصيري حرة جابلها الاوراق مضاتهم وخرجت بزربة حاسة روحها مخنوقة مهيش عارفة واش راهي دير لحقت عليها رنوش لقاتها واقفة ترد فالنفس جبدتها حضنتها وهيا مكانتش من المعاكسين حضنتها اكثر واطلقت العنان لدموعها تبكي بالشهقة
رنوش:واش عملتي في روحك قتلك متسرعيش زيدي خمي مليح
سارة:خلينا نمشو منا ضاق نفسي فالمكان هذا راحو ركبو في تاكسي راجعين لدار...عند رحيم كان قاعد فالشركة غاطس فالخدمة حتى دخلت عليه السكرتيرا خبراتو انو كاين لي طالب يشوفو سمحلها دخلو وهوا عدل قعدتو دخل عليه محامي سارة قعد مقابلو وتكلم معاه وهوا يتبع فيه
المحامي:انا محامي الانسة سارة***ستكلفت بدعوة الطلاق تاعكم..خبط يدو عالمكتب خلا لي مقابلو يقفز من بلاصتو تكلم صاعر معاه
رحيم:اولا مقتلكش اقعد ثانيا @@@ الدعوى منيش عطيها حتى اهمية ثالثا اخر مرة نزيد نشوفك هنا عندي ولا خرجت في طريقي راح نقصلك رجليك تحب تتفاهم روح المحامي تاعي اتفاهمو
المحامي:اما هيا لي جات لعندي وطلبت نطلقها منك جبد ورقة من محفظتو وحطها مقابلاتو هدي لازم عليك تمضيها باش نبداو فالدعوى يحكي ويرجف من خوفو منو حطلو الورقة وهرب من جنبو خلاه جانن عالخر يسما دارت رايها يبست راسها وعملت لي حبت عليه ماشي خليها تلعب راح يوريلها اللعب على اصولو جبد تيليفون عيط للمحامي تاعو فهمو في كلشي وواش يدير وكوبا عليه شاف الورقة رفدها قراها دارها في جيبو وخرج معصب هبط ركب فطونوبيلتو وديمارا لوجه ماشي معروفة اطيه يريح راسو ويعرف يخمم فهاد المشاكل كامل مكفاش امو ومرت عمو وعمو زادت كملت عليه هيا راسو حاسو راح ينفجر من كثرة التخمام
💞Sou Søu💞
