🔥🔞صغيرة الاغا🔞🔥بقلمي✏سوسو✏133
طلع صباح عليهم لحق وقت الصبوحي راحو اهل اسوم لدار اهل سامر دخلو رحبو بيهم النسا في جيهة والرجال في جيهة وصلو العرسان لقاوهم بالزغاريت وسامر يظرب فالبارود فرحان بمرتو دخلو للداخل قعدت اسوم بين النسا الكل عينيهم عليها فرحتها باينة من عينيها جهزولهم فطور ملوكي يليق بأهل الاغا كملو فطورهم وبداو الناس يروحو دخلو الرجال للداخل كل واحد راح لجنب مرتو نطق يوسف معاهم
يوسف:اجماعة احنا صار الوقت راح نودعوكم لانو راجعين المانيا نكملو شهر عسلنا تعرفو خليناه نص
يعقوب:اووو بصحتك متراطيش اخويا
سامر:ههه بصحتك حتى حنا غدوا صباح مسافرين
رحيم:ونتم وين رايحين
سامر:احنا رايحين للترك هكا حبت اختك
يوسف:شحال راح تقعدو تماك يمكن نجو ليكم
سامر:راح نقعدو شهر والله فكرة حلوة جو لعدنا
يوسف':اوكي نشالله الاسبوع لخر نجو لعندكم فرحو البنات بزاف بهاد الخبر شحال وهوما حابين يروحو معى بعض لترك وقفو الكل خرجو راجعين لديارها ودعو بعض وراحو...راكبة جنبو وساكتة موش من عادتها عارف واش بيها حتى هيا كأي بنت متمنية تروح شهر العسل هوا خمم فهاد الشي وراه موجد رحلة طويلة ليهم صونا تيليفونها قطع الصمت عليهم جبداتو تشوف شكون لقاتو رقم غريب هزت غير سمعت صوتو الدم نشف في عروقها كوبات تجري
عادل:الو سارة حبي توحشتك غلقت تيليفونها وخباتو شاف فيها لقا وجها اصفر حبس طونوبيل على جنب وجبدها لعندو جابها في حجرو يمسح على خدها
رحيم:شبي صغرونتي علاه متغشة هكدا
سارة:اها مبيا والو جيست حاسة بتعب برك
رحيم: درك نلحقو للقصر نريحو شوي الظاهر تعب تع ليلة لبارح خرج فيك باسها من شفافها ورجعها لبلاصتها كمل يسوق...مر اسبوع عليهم بسمة ويوسف راحو لالمانيا وسامر واسوم لترك عايشين حبهم معى بعض اربعتهم كل واحد يتفنن فحبو لثاني جابر وسهام من هداك اليوم رجعو كوليوم يتلقاو كلما يتلاقا بيها يشريلها هدية تع ذهب ولا الماس تعود على بعض مزال برك جيب توقيعو بلا ميفيق سارة صارلها اسبوع موش مليحة حاسة روحها فاشلة ومكمل عليها الاتصالات لي كوليوم يلحقوها من عادل خافت باش تحكي لرحيم وميصدقهاش ديما قاعدة على اعصابها متوترة هوا.حاسس بيها عارف عندها شي مقلقها ومعرفش وشنوه قاعدا معى لطيفة فصالون يحكو حتى نطقت
لطيفة:اطفلة شبيك حالتك راهي للاسوء مريضة
سارة:لا موش مريضة منيش عارفة وشبيا ديما فاشلة
لطيفة:لا تكوني حامل اعملي تاست باش تعرفي روحك حلت عينيها من الفرحة نسات حكاية الحمل خلاص
سارة:زعما صح نكون حامل
لطيفة:خلي نخرج خمس دقايق نجيبلك تاست ونرجع
سارة:ميرسي احبي راح نتعبك معايا
لطيفة:مكاين حتى تعب وقفت خرجت لبرا وهيا قعدت متوترة حابة تكون حامل شوي ورجعت ليها حطاتو في يدها ووقفت طلعت لغرفتها لطيفة موراها دخلت لدوش تعملو شوي وخرجت لبرا بقاو واقفين لزوج يشوفو فيه حتى بداو يطلعو الإشارات تعلن عن جية ولد فالطريق ضحكت من عينيها وحضنت لطيفة بفرحة والثانية فرحانة بيها
سارة:الحمدالله طلعت حامل نستنى بفارغ الصبر رجعت رحيم ونخبرو اكيد راح يفرح بهاد الخبر...لحقت العشية وسارة تستنى بفارغ الصبر فرجعة رحيم من برا باش تخبرو رجع من الشركة تعبان الشغل كلو عليه وعلى يعقوب فغياب سامر ويوسف طلع لغرفتو دخل لقا تيليفونها يصوني وهيا مكاش سمع صوت الما من الدوش عرفها دوش
رحيم:سارة اقلبي تيليفونك يصوني نجيبولك
سارة:لا كملت جاوب هدي اكيد وحدا من البنات راح رفدو لقا رقم بلا اسم جاوب الشي لي يسمعو خلا الدنيا تظلام في وجهو والعصب يركبو من ساسو لراسو
عادل:سارة احبي توحشتك توحشت نسمع صوتك علاه ديما نعيطلك متهزيش عليا كوبا عليه موش حابب يزيد يسمع كلمة وحدخرا بقا شاد التيليفون في يدو خرجت من الدوش شافتو واقف وجهو احمر من العصب سرطت ريقها وقربت منو حطت يدها على خدو
سارة:شبيك احبي علاه معصب هكدا نطرلها يدها
رحيم:من ويكتا يعيطلك هداك @@@ وعلاه معنديش خبر انا
سارة:موش كيما فاهم انتا درك نفهمك عيط عليها
رحيم:كيفاه ماشي فاهم ااه قتلك متخبي عليا والو ولا مقتلكش زير عالتيليفون فيدو كسرو من قوة العصب رماه فالرض جابو فتات فتات وخرج وصل للباب
رحيم:انتي كذبتي عليا قاعدا فرحانة بإتصالاتو ونا كي اليهيم معاك خلاها واقفة الدموع على خدها طربق الباب موراه وخرج
💞Sou Søu💞
