🔥🔞صغيرة الاغا🔞🔥بقلمي✏سوسو✏145
عند سارة بعدما خمت مليح تذكرت شي تبسمت
سارة:لو سمحت ممكن تمدلي تيليفونك شوي دار ليها الشوفور مدهولها وهيا كتبت ميساج لرحيم
سارة:رحيم انتا وينك وين راح نتلاقاو جيست بعدما قرا رحيم هاد الميساج مفهم شي من كلامها زرب عيط عند الشوفور
رحيم:سارة احبي انتي وين شكون قالك راح نتلاقاو
سارة:علاه مكاش منو هاد الكلام انتا وين
رحيم:انا فالشركة اعمري
سارة:ماشي خليك تماك درك نجي لعندك
رحيم:تمام احبي اطيني الشوفور نحكي معاه عملت كيف مقاللها ومدتلو التيليفون يحكي معاه
رحيم:خمس دقايق تكونو اذا تأخرتو عارف واش نعمل فيك كوبا معاه والثاني زرب فسواقتو باش يوصل فالوقت...وصلو للشركة طلعت ديراكت لمكتبو فتحت الباب ودخلت لقاتو واقف رايح جاي غير شافها فتحلها يديه وهيا جرات لعندو دخلت في حضنو
سارة:رحيم اكيد نيتهم يفرقونا والله خايفة بعدها عليه شدلها وجها بيديه
رحيم:اشش عمرك لا تخمي فهاد الشي اعمري انا معاك واحد مراح يقدر يفرقنا اجي نقعدو واحكيلي بالتفصيل قعد عالكرسي وجابها في حجرو وهيا بدات تحكيلو بالتفصيل لي صار معاها وهوا يسمعلها باهتمام العصب ركبو اما محبش يبينلها خايف عليها
رحيم:انساي اعمري الحكاية خمي غير فيا وفي ولدنا قبل مجاوبو صونا تيليفونو سامر عيطيلو هز عليه يحكي
رحيم:واش اصاحبي توحشتني واقيل
سامر:اسكت على @@@ قالك اليوم عاملين لمة بنات وحدهم وراح يروحو يباتو في دارنا والرجال ممنوع يكونو معاهم
رحيم:امشي @@@ قال نخليها تروح تبات وحدها قال موحال يصير هاد الشي المهم امبعد نتلاقاو نحكو كوبا معاه ودار ليها قاللها على لي قالو سامر
سارة:ياسلام راح نسهرو لصباح معنتها والله توحشت قعدة البنات
رحيم:سمعتي واش قتلو ممنوع تباتي بعيدة عليا لصقت فيه اكثر تدحنس عليه وتمشي في يدها على صدرو تهيج فيه
سارة:بلييز حبيبي والله حابة نروح نوعدك اليوم برك
رحيم:سارة انتي حابة تهبليني طالبة المستحيل اعمري عارفة منقبلش طلعت راسها ليه ذبلتلو عينيها
سارة:كون نقولك على خاطري وخاطر ولدنا عدى يدو على شعرو عارفة خاطرها كبير عندو
رحيم:ماشي انتي لي فزتي عارفة ندير الموحال على خاطرك احبي اما وعد اليوم برك لي تباتي في دار اخرى باستو من شفافو من فرحتها وقفو خارجين معى بعض حبسهم صوت تيليفونو يصوني جبدو يشوف شكون لقاه ميساج فتحو لقا صور فيه دخل فيهم عينيه لونهم تبدل العصب ركبو من ساسو لراسو من الشي لي يشوف فيه زاد لحقو ميساج
***:شفت مرتك وين ونتا قاعد تخدم مجايب خبر لشي زير عالتيليفون في يدو قريب يقسمو على زوج شافت حالتو قربت منو
سارة:شبيك ياروحي واش وصلك باش تغير لونك مردش عليها اصلا مسمعش كلامها حطت يدها على خدو فاق على لمستها شدلها يدها باسها منها وتكلم
رحيم:مكاين شي اعمري حابة تخص الشغل خلينا نخرجو هداك هوا نحطك عند عمك ونروح نشوف الجماعة شدها من يدها وخرجو معى بعض ركبو فطونوبيل وديمارا وهوا حالتو حالة نيران شاعلة داخلو شكون هدا لي راه يلعب بيهم هكدا الا ميلقاه وقتها يفرجيهم
💞Sou Søu💞
