🔥🔞صغيرة الاغا🔞🔥بقلمي✏سوسو✏103
وصل رحيم للفيلا دخل لقا اسوم ولطيفة تماك
رحيم:واش مزلتو ديرو هنا
اسوم:راح نبقاو هنا حتى ترجعو انتم للقصر
رحيم:لا مراحش تبقاو هنا ارجعو للقصر
اسوم:رحيم تعيش والله القصر مراهش ينطاق
رحيم:اسوووم ويكتا قلت كلمة وعاودتها اقعدو فانهار قدما حبيتو اما فليل راح تروحو للقصر حابب نبقى وحدي هنا افهميني
اسوم:خويا تعيش شوف حالتك كيفاه راهي عالاقل كول شوي باش تقدر تبقى واقف على رجليك وتحوس عليها
رحيم:معنديش نفس روحو اعملولي قهوا وخلو واحد من الرجال يوصلكم ااا اسوم غدوا نشالله ونتي جاية جيبيلي شوي من قش سارة لازم وين نكون تكون ريحتها معايا متنسايش خلاهم وراح اما اسوم قلبها تقطع على حال خوها وصل بيه العشق لهاد الدرجة متلوموش حتى هيا راهي تحب وعارفة احساس العاشق كيفاه دخلت للمطبخ هيا ولطيفة يعملولو قهوا...عند يعقوب مزال مور عمو يتبع فيه شافو دخل في طريق القصر عرف انو رجع للقصر مراحش يروح لبلاصة اخرى عاود دار وراح لعند خوه...وصل جابر للقصر فضل ميروحش ليوم يشوف سارة راح ينقص روحات وجيات لعندها خايف يفيقو بيه الناس ويبداو يسألو واش عندو تماك باش راه يروح دخل لداخل ملقا حتى واحد جاتو الخدامة تجري لعندو
جابر:وينهم اهل القصر
الخدامة:مدام فايزة ومدام كريمة راهم مراض وايناس في غرفتها والباقي منعرفش
جابر:ماشي حظرولي العشا مي قبل جهزولي زوج كيسان عصير الليمون جيبهملي انا فصالون حركتلو راسها بايه وراحت اما هوا دخل للصالون قعد جبد من جيبو علبة تع دوا يشوف فيها ويتبسم بخبث
جابر:والله لا نخليكم جنو من عمايلكم فيها خلوني نبرد قلبي فيكم مبيد يدور ليكم رحيم وقتها تشوفو العذاب تع الصح (السيد يهدر على اللفعات ونسى روحو ياو شايب تع الصح😂) جابولو الليمون وخرجو قطر قطرات من الدوا فالكيسان لزوج وطلع ليهم سبق مدو لكريمة شرباتو وزاد راح لفايزة شربهولها وهيا مستغربة من تصرفو معاها...فالفيلا عند رحيم بعدما راحت اسوم ولطيفة دخل يعقوب طلع ديراكت لغرفتو حاسس روحو مكسر من التعب بقا وحدو فصالون شاعل سيڨارو في فمو والقهوا قدامو شعل البيسي وبقا يعاود فالمشاهد كل مرة يحبسو في لقطة لين تعب من التفكير خلاه يمشي وحدو غمض عينيه وعاود حلهم شاف شي زرب حبسو. وعاود رجعو للور بقا متبع باهتمام حتى شاف السيارة مشات حبسها يشوف نتبه للوحة السيارة تبسم كيفاه مفاقش لهاد الشي من لول جبد ورقة كتب عليها رقم اللوحة عاود مشاه وبقا يشوف حتى شاف سيارة عمو مشات مور سيارة الخاطفين كبس بونية على يدو معصب حتى بياضو صباعتيه بقا يتبع فيه ويتأكد من شي لي يشوفو شافو كي بقا يتبع فيهم زاد تأكد الي هذي عملتو محبش يضعف ماشي وقت الضعف لازم فالاول يرجعها بعدها يحاسب كل واحد فيهم عاود رجع المشاهد للور قبل ميخطفوها شافو كي خرج من المشفى وركب فطونوبيلتو عمل اتصال بتيليفونو وبقا تماك يراقب متحرك حتى شافهم رفدوها وديماراو باش مشا موراهم الشي لي يشوفو مستحيل يدخل لعقل الواحد اما راه شاف بعينيه وكلشي ثبت عليه خليه فرحان بعملتو جايو يوم ويتحاسب غلق عالمشاهد صارو يركبولو العصب فتح دوصي اخر فيه تصاور صغرونتو وحدها ومعاه جبدهم وبقا يشوف فيهم كل صورة يبقا يتمعن فيها حاسس روحو يحتظر في بعدها مقدرش على فراقها كل صورة يشوفها يزيد المو اكثر ويتوعد فلي كانو السبة وفرقوهم على بعض... عندها هيا كانت راقدة وهيا تحلم بيه يدور عليها ويعيط بإسمها وقت وصلت لعندو لقاتو مجروح وكان ينزف الدم من كل جسمو نزلت لعندو حطت يدها على خدو تتأمل فيه سارة:انا جيت ياروحي
رحيم:درك نموت مطمن عليك مدامني شفتك بخير واغمي عليه بدات تعيط وتضبح بإسمو اما هوا مفطنش فطنت ومزالت تعيط بإسمو الدموع شلال على خدها
سارة:رحيم وينك توحشتك زعما صح سمحت فيا ولا غير كلام هذا دخلت عليها سامية تجري تشوفها طمنت عليها وقت لقاتها قاعدة
سامية:انتي مليحة
سارة:لا موش مليحة حابة نشوف رحيم توحشتو
سامية:اهدي درك وصباح نزيدو نحكو هاكي اشربي دواك مقبيل كنتي راقدة مشربتيهش عطاتها شرباتو. قعدت عالسرير معاها
سارة:راني نحس هاد الدوا هوا لي راه يعمل فيا هكا
سامية:هدو مهدئات فقط اخطيك من دوا درك احكيلي شوي عليك وعلى رحيم كيفاه كنتي عايشة معاه تبسمت سارة وبدات تحكيلها مرة تضحك مرة تبكي حتى كملت حكات كلشي غير كملت رقدت الدوا خذا مفعولو اما سامية بقات مستغربة يعني كل هاد الحب بينهم وفرط فيها بدات تشك فالحكاية لازم تعرف الصح
💞Sou Søu💞
