🔥🔞صغيرة الاغا🔞🔥بقلمي✏سوسو✏99
طلع صباح جديد عليهم بدات تتملل سارة في بلاصتها حلت عينيها خزرت فالغرفة تشوف هيا وين عرفت الي هيا مراهيش فالمشفى فرحت دارت في بالها رحيم جابها وقفت تمشي بسيف دخلت لدوش تعافرت معى يدها غسلت وجها وخرجت قعدت عالسرير حاسة بشوي وجاع اسفل بطنها دخلت عليها سامية تبسمت معاها
سامية:واخيرا نضتي انا قلت نصرعتي
سارة:وين انا ونتي شكون
سامية:فالاول راح نجيبلك فطورك باش تشربي دواك بعدها نقولك وين انتي ااا على فكرة انا اسمي سامية انتي سارة صح حركتلها راسها بايه خلاتها وخرجت شوي ورجعت ليها هازة صينية في يدها فيها فطور ملوكي هدو كامل من توصيات جابر (شفتو وين تروح تلقا لي يدللها وحنا قاعدين نندبو عليها😂) حطاتو قدامها
سامية:ادا حابة شي معين نحضرهولك احبيبة
سارة:لا هدا يكفيني اصلا مراحش ناكل معينيش
سامية:لا لازم عليك تاكلي باش ترفدي صحتك وترجعي كيف كنتي مالقبل
سارة:ان شاء الله انتي فطرتي ولا نن طلعت عينيها فيها متفاجأة اول مرة واحد يسأل عليها عرفتها بريئة وقلبها طيب تبسمت معاها
سامية:كولي انتي فالاول بعدها ناكل انا
سارة:مراحش نقدر ناكل وحدي روحي جيبي ليك شاي وشوكة وارجعي تاكلي معايا والا مناكلش
سامية:لا دخيلك كلشي قابلاتو غير متاكليش لالا خرجت مالعندها جابت واش خصها ورجعت لعندها ياكلو معى بعض ....عند رحيم بعدما طلع صباح ركب فطونوبيلتو وديمارا رايح للشركة عيط في طريقو لرجالو سألهم ادا كاشما لقاو خبروه انهم ملقاو والو كوبا عليهم معصب وكمل يسوق طول ليل يخمم شكون لي قادر يعمل معاه هاد الشي شكون لي حب يفرقو على صغرونتو ملقا حتى واحد من غير شخص واحد ووحيد لي هوا عمو ليل كامل وهوا في صراع معى عقلو ونفسو عقلو يقولو هداك عمك موحال يخمم يعمل فيك هاد الشي عارف ادا عملها جنى على حالو مراحش يسلك منها على خير ونفسو تقولو اكيد هوا مكاش لي حاط عينو عليهم من غيرو حب يفرق بينكم باش يخلالو الجو معاها فالاخير نفسو لي تغلبت عليه وقرر يراقبو ماليوم يشوفو وين راه يروح ولا معامن يتلاقا عيط ليعقوب في طريقو
رحيم:وينك انتا مزلت راقد
يعقوب:هدا وين نضت انا فالقصر جيت ندي حوايجنا تعطلت كملت رقدت هنا اما شوي وخارج رايح للفيلا
رحيم:خلي اسوم ولطيفة يستكلفو بيهم انتا الحقني للشركة نحتاجك فشي كوبا عليه وكمل يسوق اما يعقوب كمل لبس حوايجو وهبط تلاقا بأختو فدروج
يعقوب:مزية لقيتك هنا اسمعي تلقاي حوايجي وحوايج رحيم واجدين فالفاليزات اديهم انتي ولطيفة لفيلة رحيم عندك تخبري حد عليها
اسوم:علاه رايحين لتماك واش صار قولي
يعقوب:راح نبقاو تماك حتى نلقاو سارة ورحيم حلف ميحط رجلو هنا الا وسارة معاه فهمتي عليا
اسوم:يعقوب كلام سارة لي قالتو على امي وفايزة زعما صح كان عندها الحق
يعقوب:وي ياخصارة كلامها كلو صح انا ملول صدقتها وتأكدت من كلامها وقت شفناهم فالكميرات حطت يدها على فمها كاتمة شهقاتها تحرك في راسها يمين وشمال
اسوم:علاه حتى يعملو فيها هاد الشي هيا مقربت لحتى واحد منا علاه عليهم
يعقوب:اشش يعيش اختي والله يسمع رحيم خبرتك يقتلني خلي هاد الشي سر بينا مراهش حاب يحكي فيه حتى يلقاها انا طالع درك متنسايش واش قتلك قرب منها حضنها حضن اخوي بامتياز يهدن فيها طبع بوسة على راسها وخرج مخليها موراه مخلوعة في امها ومرت عمها طلعت للغرفة تخبر لطيفة على مشوارهم
💞Sou Søu💞
