🔥🔞صغيرة الاغا🔞🔥بقلمي✏سوسو✏92
طلع صباح جديد عليهم خرجو سارة داوها لغرفة عادية وهوا طول الوقت قاعد جنبها شادلها يدها طول الليل مغمضش عينو يستنى فيها تفطن اصر على جماعتو يروحو كانو حابين يبقاو معاهم كي شافوه مصر راحو وقالولو صباح يرجعو الا جابر فضل يقعد هنا قعد بالتخبية عليهم حابب يطمن عليها ويروح..فالغرفة قاعد عند راسها شادلها يدها بدات تفطن بشوي وتعيط عليه باسمو شوي وحلت عينيها قابلها واقف جنبها
رحيم:الحمدالله على سلامتك اقلبي
سارة:رحيم ولدنا واش صرالو وحطت على كرشها حس بغصة في حلقو على ولدهم وعلى حالها اكثر
رحيم:ولدنا اعمري ربي مكتبوش لهاد الدنيا حب يختابر صبرنا وقوة امانا
سارة:يعني مات وبدات تبكي
رحيم:اشش موش مليح ليك البكا اعمري مزلنا صغار ونعوضوه نشالله انتي برك طيبي وارجعي كيما كنتي
سارة:اسفة مقدرتش نحافض على ولدك الاول سامحني
رحيم:منحبش نزيد نسمع هاد الكلام منك انتي اهم عندي من عشر ولاد المهم انتي رجعتيلي بخير هبط لعندها باسها من شفافها وقعد عند راسها شادلها يدها
سارة:هاد الجبس ويكتا نحيه راه يقلق فيا
رحيم:مزال مبانش نشالله مطوليش بيه قوليلي احبي كاش حاجة توجع فيك
سارة:قلبي يوجع فيا على ولدي لي راح قبل منشوفو
رحيم:واش قلنا اعمري نشالله نعوضوه وقف وحط يدو على كرشها مكمل يحكي
رحيم:وعد احبي الا منعمرلك هاد الكريشة صبيان وبنات انتي شديلي حالك وارجعي كيف ماكنتي..هدرتو جابتلها الضحك ضحكت بالصوت وهوا نزطل منها حط راسو على جبينها يتنفسو فرد هوا عينيهم لزوج مقابلين بعض بلا ميخمم غطس في شفافها يبوس ويمص وهيا متفاعلة معاه مبعد منها حتى حتاجو للهوا لزوج قعد جنبها عالكرسي يدو في يدها دخلو عليهم جابر واسوم ويعقوب معى سامر لي غير فاقو صباح جاو لعندهم
سامر:اوو بنت العم مشاء الله عليكي حتى ونتي مريضة تجنني شاف فيه مخنزر قريب يقتلو
يعقوب:هههه انا بانتلي هيا راح تنوض ونتا تاخذ محلها
اسوم: ان شاء الله من فمك لربي خويا خليه يستهل
رحيم:شفت راهم قالولك بلا منحكي انا اتلم احسنلك
سارة:خلولي وليد العم في حالو هدا خويا الوحيد
سامر:ياسلام عليك هاي الفحلة لي توقف جنب خوها ماشي كيما شي ناس ينساو بالخف العشرة
رحيم:سامر والله يديا يحكو فيا اش رايك نجربهم فيك
سارة:لا دخيلك غير خليهم عندك يديك عندك يااغا
جابر:سارة كيف صرتي انتي مليحة دور رحيم ويعقوب وجهم ليه تع منيتك
سارة:انا مليحة عمي شكرا تبسم يعقوب لتحت على كلمة عمي وقفاتو عند حدو
اسوم:ويكتا راح تخرج
رحيم:راح تقعد ايام هنا حتى يبراو جروحها
سارة:اععع منحبش نقعد فالمشفى خليهم يخرجوني
رحيم:لا مستحيل تخرجي منا حتى تشفاي مليح ونا راني معاك مصباح لليل
سارة:شفتو دخلت لهنا حامل راح نخرج بلا ولدي وهبطت راسها حاسة بغصة تع بكا الكل غاضتو من كلامها اما رحيم قلبو تزير عليها وعلى حالتها عارفها مراحش تنسى بهاد السهولة اما راح يدير المستحيل باش يوقف معاها وينسيها فكلشي
💞Sou Søu💞
