🔥🔞صغيرة الاغا🔞🔥بقلمي✏سوسو✏114
تعشاو في جو كلو فرح وضحك قدرو ينساو همومهم ولو شوي كل واحد واش عندو مشكلة اما نساوها ليوم وحبو يفرحو معى اصدقائهم...وقفت سارة بعدما كملو العشا رايحة لدوش تغسل يديها وراولها وين وخرجت مالعندهم جات تدخل للتحت لقاتو مغلوق طلعت للفوق اكيد كاين فالغرف كان قاعد معى الرجال حتى لمحها طلعت للفوق استأذن منهم وراح لاحقها وقفت على اخر درجة متحس غير بإيد جبدتها عرفتها ايدو حافضتها بصم شدها مزير عليها ودخلها للغرفة ردخها معى الباب قريب قسملها ظهرها لاح يدو موراها غلق الباب بالمفتاح حط يدو على فخذها دخلها تحت الروبة وقرصها بكل قوتو منو خلاها تعيط
رحيم:عيطي منا لغدوا واحد مراح يسمعك الغرف عازلة للصوت...صار اشاطرة طوالو رجليك وليتي تروحي عند المحاميين ترفعي دعوى عليا مكفاكش هاد الشي خارجة بالقصير الناس الكل شافت جسمك وزيد قاعدة في وسط الرجال كي الق@@@ رجل على رجل فخاذك الكل على برا
سارة:مرحتش وحدي للمحامي رنوش كانت معايا والله هايليك وسقسيها تهدر وتترعد بالخوف خلاتو يتبسم دخلاني
رحيم:لقيتي غير هداك @@@ توكليه
سارة:اففف ابعد عليا ايه لقيت غير هداك وزيد ندير واش نحب ونلبس كيما نحب انتا معندك حتى علاقة بيا ياك راح نطلقو كلامها عصبو لاقصى درجة تكلم جانن معاها
رحيم:لليوم مزلتي على اسمي ومدام راكي على اسمي تمشي على حسابي وواش نقولك ديري والله اسارة ونزيد نسمع بيك حطيتي رجلك برا ورب العزة غيرا قصيتهملك وعلى لبستك مزال حسابك معايا حابة عالطلاق ماشي كيما تحبي راح نطلقو اما اعملي حسابك متقوليش وقت نطلقو يخلالك الجو تماك راح تشوفي واش معنتها اللعب معى الاغا رحيم جبد ورقة من جيبو ومضاها قدام عينيها وهيا تبع فيه
رحيم:هاي رب الورقة راني مضيتلك عالطلاق في ظرف اربع ايام نكونو مطلقين ودرك اخرجي عليا منيش حاب نشوفك ولا نسمع صوتك...حست بغصة في حلقها حابة تترمى في حضنو وتقطع الورقة هديك اما جات صورتو بين عينيها نهار كان يعيط عليها قدام اهلو فتحت الباب وخرجت تجري هبطت لتحت اما هوا بقا واقف يتبع فيها كان حابب يخليها هنا عندو يغلق عليها الباب ميخليهاش تخرج مالعندو حتى تحط عقلها في راسها اما لا كرامتو فالعب صبرو عليها عندو حدود حط يدو على رقبتو معصب شوي وهبط لعند الجماعة وصل لتحت لقا الدنيا فارغة تكلم معاهم
رحيم:وينهم الجماعة
يعقوب:راحو لدارهم محبوش يسهرو هنا
سارة:كيفاه يروحو ويخلوني هنا هدو جنو
اسوم:ايي سارة علاه انتي عند ناس غرابة خليكي بايت اليوم معايا هنا
يعقوب:والله جبتيها اقعدي باتي هنا وصباح نوصلك انا
سارة:منحبش نقلقكم خلوني نروح احسن وزيد مجبتش حوايجي معايا
اسوم:حوايجك نصهم راهم لفوق جبتهملك حطيتهم فالغرفة تع زوجك
يعقوب:شتي ها كلش ساهل خليكي هنا احسن تبسمت معاهم ملقات متقول قدام عنادهم جاو ماشيين يرجعو للصالون تكلم معاههم مالور
رحيم:انا خارج خلي نوصلك في طريقي نخاف تتقلقي كي تباتي هنا..خاوتو بقاو يشوفو فيه بصدمة بسيف باش قنعوها وهاد الشي علاجالو وقت قبلت هوا رفض اما هيا شدت في روبتها مزيرة عليها حاشمة من الموقف لي نحطت فيه ودعتهم وهبطت راسها مشات جيهة الباب عينيها مغرغرين بمدوع تبعها خرج لبرا وهيا موراه اسوم ويعقوب موراهم لحقوها حتى باب الطونوبيل شافوها كي ركبت وهوا ديمارا بقاو واقفين شوي برا
يعقوب:كل واحد فيهم اعند من الثاني
اسوم:صح والله راح يضيعو حبهم في باطل..فالسيارة راكبين جنب بعض فالسكات كل واحد فيهم يشوف فالثاني لتحت لتحت كل واحد منهم متمني الطرف الآخر يحكي ويقول كلمة اما لزوج عندو محبوش يهدرو وصلها لدار عمها غير هبطت مستناهاش دقيقة وديمارا بقات واقفة تشوف فيه حتى غاب على عينها اما هوا كان يشوف فيها مالمراية كيفاه واقفة تبع فيه شعرة وكان راح يحبس ويرجع ليها اما مقدرش فظل يمشي خليها تشبع من عواقب عملتها
💞Sou Søu💞
