🔥🔞صغيرة الاغا🔞🔥بقلمي✏سوسو✏95
دخلت اسوم معى سامر للمشفى راحو لغرفتها دخلو ملقاوهاش استغربو خرجو يشوفها ويسألو عليها برا ملقاوش ريحتها شكو انها معى رحيم عيطتلو اختو كان وصل للقصر دخل بلا حتى واحد ميشوفو رفد البيسي تاعو وخرج راجع لعندها ركب فطونوبيل صونا تيليفونو شاف شكون ورد
رحيم:اهلا اسوم خير
اسوم:رحيم انتا وسارة معى بعض
رحيم:نن انا رجعت للقصر خليتها راقدة ودرك رايح ليها
اسوم:اما حنا فالمشفى وهيا مكاش حوسنا عليها ملقيناهاش
رحيم:حوسو مليح وين راح تروح انا جاي مسافة الطريق قلع باقصى سرعتو لعندهم طول الطريق يخمم وينها زعما خرجت من تماك وين راح تروح الف فكرة وسيناريو جاوه في راسو محسش بالطريق حتى لقا روحو قدام المشفى هبط دخل لداخل راح ديراكت لغرفتها كيما كانت لقا اسوم وجابر تماك
رحيم:مبانتش ملقيتوهاش
سامر:ملي لحقنا وحنا نحوسو عليها ريحتها مكاش
اسوم:حتى تيليفونها لقيناه هنا واغراضها هنا
رحيم:الحكاية فيها انى الغلطة تاعي انا لي كان ملازمش نخليها وحدها خصوصي بعد لي صار مقبيل
اسوم:علاه واش صار هنا احكيلي دخل يعقوب عليهم يرد فالنفس بعدما عيطلو سامر قال بلاك تكون معاه
رحيم:هاوليك يعقوب يحكيلكم خلوني فهمي
يعقوب:واش صرا وينها سارة
اسوم:شوفة عينك جينا نشوفوها ملقيناهاش
يعقوب:اكيد تكون خرجت منا كلو بسبتة يما ومرت عمي وزدت كملت عليها نتا
سامر:@@@ واحد فيكم يحكي لي صار راح تهبلونا تحكو غير بالالغاز
يعقوب:درك انا نحكيلكم.. عند سارة بعدما داوها من المشفى لحقو لوحد الدار صغيرة جاية وسط القرية وهيا مزالت فاقدة الوعي هبطو دخلوها لداخل لقاو مرا شوي كبيرة تستنى فيهم وراتلهم غرفتها حطوها عالسرير وخرجو حكا واحد من الرجال معاها
***:عندك ينقصها شي ولا كاشما يصيرلها المعلم يقتلنا
###:خليه مطمن راح نحطها في عينيا خرج وخلاها وهيا غلقت الباب موراه ودخلت لعندها قربت منها تشوف فيها
###:واش لي عملوه فيك لي ميخافوش ربي لقاوك صغيرا وبريئة دارو رايهم فيك خليك راقدة احسن متفطني وتنصدمي بالواقع المر تاعك غطاتها وخرجت لبرا تحضرلها شي صحي تاكلو لي وصاها عليها جابلها كل خير باش توكلها... فالمشفى بعدما حكى يعقوب كلشي اسوم حطت يدها على فمها تبكي
اسوم:مستحيل لا مستحيل يما تعملها ومرت عمي
سامر:سامحوني هاد المرة اذا صح هوما لي عملو هاد الشي مراحش يسلكو مني
يعقوب:مراح يسلكو من حتى واحد بعملتهم هذي رحيم قولي برك كيفاه طاوعك قلبك متصدقهاش لا وقاعد تعيط عليها تزيد توجع فيها علاه يعني
رحيم:@@@ حابين نجهل درك عمري لا كذبتها كنت نديرلها هكاك باش تتهدن خفت عليها من القلق
سامر:اما هيا فهمت العكس وهاي هربت منك
رحيم:موحال سارة تعملها نعرف صغرونتي عمرها لا تهرب مني وادا هربت تهرب لعندي نخبيها فحضني
اسوم:زعما المشفى ميكونش فيه كميرات مراقبة شافو في بعضاهم وتبسمو خرجو كلهم يجرو راحو لمكتب مدير المشفى دخلو لعندهم فهموه فلي صاير معاهم وهوا تفهم وضعهم وخصوصا هوما اغاوات القرية دخلهم لمكتب المراقبة خرج وخلاهم براحتهم بداو يشوفو فلكميرات رجعهم شوي لور حتى شافها خارجة لبرا الظاهر كانت تحوس على حد شافو السيارة لي وقفت عندها شافو كي حكات معى لي نزل منها بعدها هيا رجعت بالور راجعة للداخل حتى اغمي عليها وهوا قرب منها حملها وحطها فطونوبيلتو وديمارا بيها الكل متفاجأ شكون هدا لي لحق ليها وخطفها اما هوا بقا يعاود فالمنظر وجهو يتزير كبس بونية على يدو قريب يطرطق من العصب وقف صاعر قلب الدنيا كامل لي تماك مخلا حتى شي صحيح قربو منو يعقوب وسامر يهدو فيه طبعهم عليه قريب طاحو فالرض بقا مدة على حالو واش يجيه فطريقو يكسر حط يديه عالصور يرد فالنفس وصورتها وهيا مغمي عليها وحد هزها بين يديه مفارقتش خيالو
رحيم:الا منرجعك لحضني اعمري وعد الاغا رحيم لصغرونتو وهداك @@@ هوا ولي بعتو راح نخليه يشتهي الموت وميلقاهاش ورب العزة الا مندمهم على حياتهم وقت فكرو يقربو منك ويبعدوك عليا ونا اغا قرية *** كلمتي كلمة كيف الرصاصة ادا خرجت مترجعش راح نحاسب كل لي كانت عندو ايد فهاد الشي
💞Sou Søu💞
