🔥🔞صغيرة الاغا🔞🔥بقلمي✏سوسو✏57
اليوم نهار جديد طل عليهم كل واحد فيهم راح لشغلاتو سارة نهار بكلو قاعدة معى البنات يخططو رحيم فايق وعارف بكلشي مخليها على راحتها يشوفها واش تعمل خرجت فايزة رايحة للكوافيرة كيف عادتها تلمو البنات استغلو الفرصة دخلت بسمة لغرفة امها راحت للخزانة تاعها لقات صندوق جبداتو فتحاتو خذات كل الذهب تاعها مخلات حتى شي رجعت الصندوق لبلاصتو وخرجت بلا واحد ميشوفها راحت لغرفة سارة لقاتهم يستناو فيها داروه في ساشي خباوها هبطو لتحت لقاو نعيمة داخلا تحوس على فايزة دخلوها لداخل سارة مشافتش كامل في وجها جات بسمة ليها
نعيمة:بسمة يعيش بنتي وينها يماك نسحقها
بسمة:ااا يمكن في غرفتها نطلع نشوفهالك
نعيمة:لاخليك انتي مرتاحة انا نشوفها طلعت للفوق للغرفة وبسمة جرات لعند البنات خبرتهم انها طلعت خذاو الساشي وهبطو اربعتهم يجرو خرجو من غير واحد ميحس بيهم ركبو فطونوبيل وديماراو اسوم تسوق بيهم..طلعت نعيمة للغرفة دخلت عيطت عليها ملقاتهاش جات خارجة تلاقات بايناس وجها نخطف
ايناس:انتي واش تعملي هنا
نعيمة:جيت نحوس على يماك ملقيتهاش تهدر وتتلعثم في هدرتها
ايناس:شكون سمحلك تدخلي لغرفة يما اخر مرة نزيد نلقاك طلعتي لهنا هربت من قدامها تجري في طريقها تلاقات بفايزة لي رجعت
فايزة:ااا انتي هنا
نعيمة:وي هنا لازم نحكو
فايزة:مشغولة درك عندي خدمة نهار اخر ارجعي
نعيمة:راكي تتهربي مني ونا ونقولك الا مندمك على شي لي درتيه فيا وفي ولدي واش طلبتي مني نفذت الا مناخذ حقي منك ثالت مثلت وخرجت معصبة مالعندها شافت فيها فايزة بسخرية وطلعت لغرفتها...عند البنات وصلو لوجهتهم لي هيا دار اهل سارة هبطو من طونوبيل وقفت سارة على برا تشوف فيها بغصة تذكرت كلشي مر عليها فهاد الدار وقفت اسوم جنبها تساند فيها تبسمت معاها وراحت طبطبت فالباب فتحتلها اختها الصغيرة لي غير شافتها سوطات عليها تحضن وتبوس توحشتها قعدو مدة وهوما في حضن بعض كانت اختها بالحق غير هيا لي كانت تحوس عليها وتحبها بعد شوط بوسات وتحضان بعدت عليها
سارة:انا جيت نشوفك بالسر عمري عندك تخبري شي حد اني جيت ولا منزيدش نجي
اختها:اكيد مراحش نخبرهم لانهم راح يظربوني انتي خليكي كوليوم جي لعندي
سارة:اكيد اقلبي خليني ندخل نشوف غرفتنا لي كانت دارت للبناة غمزتهم ودارتلهم اشارة براسها على غرفة بوها تبسمو بيناتهم ودخلو لداخل وسارة دات ختها وراحت معاها للغرفة دخلو معى بعض قعدة عالسرير وختها جنبها فتحت ساكها جبدت شوي دراهم حطتهملها في يدها
سارة:خلي هدو عندك اقلبي خبيهم مليح متخلي حتى واحد يشوفهم راح تحتاجيهم في قرايتك اعملي بيهم ليكور متنسايش عندك بيام هاد العام مبقاش وجوزيه ان شاء الله تربحي وقت تربحي نخبر رحيم نبعتوك مدرسة خاصة كيما كنتي متمنية واش قلتي
اختها:اكيد موافقة اختي ربي يخليك خرجيني من هاد الدار ولا قولي جحيم
سارة:متخافيش لي صار فيا عمري لا نخليه يصير فيك كونك هانية درك انا نروح ايام ونزيد نرجعلك التهاي بقرايك احبيبة خرجت لبرا لقات البنات كملو شغلهم يستناو فيها ودعت اختها وراحت ركبت معاهم
سارة:طمنوني واش عملتو
بسمة:ههه متخميش كلشي ماشي كيما خططنالو حطيناهم وسط حوايجها لي يجي يحوس شوي يلقاهم ضحكو معى بعض وكملو طريقهم وصلو للقصر دخلو بتخبية كيف خرجو
سارة:انا درك نخليكم نطلع نرقد شوي ادا كاشما صرا اطلعو نوضوني
اسوم:يابنت معندكش بزاف ملي نضتي مراكيش ترقدي فليل ولا وشبيك
سارة:احمحم ناسية اني متزوجة نبات سهرانة معى زوجي لصباح اقلبي
اسوم:تفيي الطفلة تسوفجت راحت فيها
سارة:احح قلبي نهار جربي خبريني ونشوف حالتك
لطيفة:لا الطفلة راحت فيها اطلعي لغرفتك ترقدي احسن متوصفيلنا كلش
بسمة:انا وراسك احكيلي جغطة برك
سارة:واش نحكي واش نقول خلي كي تجربي تعرفي بنفسك المعنى الحقيقي للحلاوة ظربتها اسوم بساكها. هيا طلعت تجري لغرفتها تضحك عليهم تفرقو كل وحدا وين راحت يستناو فايزة تفيق بذهبها لي تسرق
💞Sou Søu💞
