🔥🔞صغيرة الاغا🔞🔥بقلمي✏سوسو✏08
حالتها متسمحش يسألها اما مجبور يسأل مخو مالبارح محروق بالتخمام
رحيم:والشخص لي تحبيه وينو من كل هاد الشي سؤالو فاجأها ووترها مكانتش تستنى فيه يسألو
سارة:حتى هداك راح وخلاني وقت حتاجيتو ملقيتوش جنبي عندو ثلت اشهر ملي حرڨ لبرا ومعادش بان نهار خبرني انو رايح ترجيتو قتلو ادا تحبني صح اطلبني من بابا ولا اديني معاك هنيني من هاد المعيشة اما هوا رفض قالي شهر نروح ونرجعلك نكون كونت روحي وناخذك معايا اما هوت غدر بيا وراح
رحيم:وين كنتي تتلقاي بيه
سارة:عمري ادا تلاقيتو منهار لول لي شافني فيه كنت فالسوق معى مرت بابا طلب مني رقمي عيطتلو تع بنت عمي هيا لي كانت توصلي كلشي عليه حتى نهار راح مكلفش خاطرو يجي قدام دارنا يودعني انا منهار راح وغدر بيا قررت ننساه حتى اسمو نسيتو معدتش نخمم فيه خلاص ربي يسهل عليه كلامها عليه عطاه بصيص امل يرد قلبها يدق ليه
رحيم:يعني عندي فرصة اني نملك هداك القلب الحنين
سارة:انتا في يوم قدرت تعوضني على حرمان كل هاد السنين اكيد عندك فرصة
رحيم:مالا حطي كلامي حلقة في وذنك مراحش نزيد نعاودو انا واحد حراز منحب حتى واحد يقرب من ممتلكاتي وينك ادا كانت مرتي هاد الشخص ماليوم تنسايه ومنحبش حكايتو تزيد تنذكر هنا ونحظرك ادا رجع ولا حاول يتواصل معاك ومتخبرنيش هدا اول شي ثاني شي نحبك واش يصير معاك تخبريني انا ومنحبكش تكوني ضعيفة انتي مرت الاغا لازم عليك تكوني قوية اللبسة القصير والعرا ممنوع لتحت قدام الجماعة عندك هنا غرفتك وراه طابق خاص غير لينا البسي لي حبيتي حتى ولو تبقاي هكاك الشي لي يصير بيني وبينك يبقى هنا منلقاهش لتحت واي شي تحتاجيه خبريني انا وادا مكنتش هنا عندك اسوم ويعقوب بس مرت عمي وبنتها الكبيرة قدما تقدري اجنبيهم عندهم كلام يسمم البدن مفهوم واخيرا بلاصتك جنبي وين نكون نحبك تقعدي جنبي وفليل هنا حط يدو على صدرو ماليوم بلاصتك عندي في حضني منحبكش ترقدي بعيدة عليا مفهوم ولا نن
سارة:تمام مفهوم اما مقتليش وين شفتني باش عجبتك وحبيتني وكيفاه عرفت الي وافقت عليك
رحيم:ههه اليوم تعبنا معى الايام راح نحكيلك كلشي وعد خايف مخك الصغرون ميقدرش يستوعب
سارة:مخي كبير منيش صغيرا راني كبيرا
رحيم:واش رايك نجرب مخك في شي ونشوفو ادا كبير ولا صغير وغمزها😉 خدودها حمارو من الحشمة فهمت واش يقصد وهوا ضحك بالصوت عليها
رحيم:لا مبيك شي مخك كبير على ماتصورت جاها الضحك عليه هبطت مالعندو وتسطحت جنبو جبدها جابها في حضنو
رحيم:واش كنت نقول انا بلاصتك هنا منا ورايح معندك وين تروحي باسها من راسها لاح يدو طفى الظو رجعت الغرفة كلها عتمة كبشت فيه اكثر خايفة من الظلمة حس بيها عرفها خايفة زاد جبدها لعندو مزير عليها في حضنو
رحيم:اهدي اقلبي متخافيش انا معاك سامحيني اما منقدرش نرقد للظو ايام وتتعودي عالظلام لف رجليه على رجليها يدو مدورها على كتافها حست بالأمان في حضنو شوي وهدات ورقدت اما هوا بقا قاعد يخمم ويتفكر فكل كلمة حكاتها حلف الا مينسيها في كلشي عاشتو دموعها ذبحوه هيا صغيرا وعاشت كل هاد الشي راح يكون ليها الام والاب والاخ راح يكون كلشي في حياتها مراح تحتاج لحد منا ورايح عارف راح يواجهو صعوبات في حياتهم خصوصي فارق العمر هيا صغيرا ومزالت تتصرف ببرائة المشاكل لي عاشتهم صح كبروها قبل وقتها اما تبقى كأي بنت تحب تعيش هوا مراحش يمنعها مي لازم تعيش كلشي معاه اليوم عرف كلشي عليها مهمتو راح تسهال باش يوصل لقلبها ويخطفو بعد ساعتين من التخمام قدر يرقد واخيرا
💞Sou Søu💞
