عندما تتقاطع الطُرق

الرحله الثامنه

والان نبدأ بالرحله الثامنه من قصه"عندما تتقاطع الطرق"

بقلمي :فاطمه القاف

مَا كُنْت أُومِن بِالْعُيُون وَفِعْلُهَا
حَتَى دهتني فِي الْهَوَى عَيْنَاك.

————————

دزت الصور بالكروب وما اشوف اله.......

رجال وراهم ممبين منه شي بس ضاربه الشمس بأتجاهه وشويه صفحه وجهه مبينه

قربت الصوره اكثر اريد اشوف اوضح يربي هذا هيئته تشبه مُتيم !

غلقت التلفون كلت ممعقوله شسالفه كعدت على القنفه خليت ايدي على خدي وصفنت...

شافوني الجهال ضحكوا عليه ويكولون

الصفنه مو الج لابو صابر

-وخرو من وجهي لا ابتلي بيكمممم

ضحكو وعافوني فتحت التلفون مره ثانيه بس ممبينه الصوره بس اني مشايفه عنده هيج تيشيرت
قابل شنو اني شايفته بكل ملابسه؟هاي شبيه شدخربط

خابرت مرايم

مهجه: اكلج صوريلي المكان عدل

مرايم:هي كبور شصورلج

مهجه:المكان كلهه اي شي صوري

مرايم:حايره بيج اني هسه

مهجه:بربج حبابهههه

صورت كبر بيبي ومقبرت العشيره

-شسوي بالكبور صوريلي المكان اليمه

-شلون حسويلج بلوك

-حبابههه

-هسه غير تفهمني شصور

-يم المقبره

دقيقتين ودزتلي فديو جان مبين يمكن كل كبور المقبره بس ولا بشر

-اريد اشوف بشر مصورتلي بس كبور

-تره اني مكاعده بمنتزه وتريدين بشر هي هاي المقبره

-بعدي التلفون اكثر

شافتهه ومجاوبت واني ضليت الوب وحدي وكلسع ارجع اشوف الصوره واقربها اكثر

علما مره من هاي المرات قربتها اكثر ولمحت ساعة مُتيم

كمزت من مكاني حجيت بصوت عالي
ايييي هاي ساعته دائما يلبسهااا

كعدت واني اباوع على الصوره زين هو شعده هنا؟ زين خاف مو هو

شمرت التلفوون على جهه :اوي اني شعليه بي اجه ولا مأجه اني شكو يجوز جاي على احد گرايبه