عندما تتقاطع الطُرق

الرحله العشرون

والان نبدأ مع الرحله العشرون من قصه"عندما تتقاطع الطرق"

بقلمي:فاطمه القاف

—————

واشوف ذيج الشوفه زيد وتيم ومُتيم واكفين على شكل مثلث
تيم واكف يم زيد وكبالهم مُتيم

اخذت كرفه حب من لتين

مهجه:مشهد يحبس الانفاس

دغتني بجتفها
-المشهد صامت كلشي مدنفتهم خابري مُتيمج كليله نريد نسمع

-دروحي بيج خير خابري زيد

-اوي يطبج مرض لعد خلينه هيج مشهد صامت
بس شفتهم تتحرك لا احنه المفتهمين ولا احنه المستمتعين

نكرز الحب ونجمع الكشور على السياج ومادين روسنه

لتين:اكلج نكسرت ركبتي هذا وسيم شدعوه هيج مسوي عالي

-مو وكت السياج شوفي

زيد يباوع بخباثه مجتف ايده يشوف مُتيم وتيم الليحجون بتركيز وانفعال

احتد النقاش بينهم دخل زيد بيناتهم يفاكك

مهجه: اشتعلت الاجواء
اخذت كرفه ثانيه منها
-اكلج شو هذا زيد مزين شعره

لتين:اي عفته يومين تهستر زايد

-بس طالع حلو

-اي طالع اجنبي كيوت

-خل يسمعج هيج تحجين بعد ميزين اصلا
سكتنه شويه بعدين تذكرت :البارحه شفته شنو معنى الوشم

-سألته يكول بلا معنى بس مبين جذاب اكيد عنده فد حدث بسنه ٢٠١٨
بس يا ترى شنو هذا الحدث محد يعرف..

-ويجوز رقمين مختلفات واول حرفين من اسمج هو داكهن

غصت الحبايه ببلعومها ضربتها على ظهرها
-الله الله شبيج

باوعت علي عاقجه وجهه وعيونها حمر من الغصه
-وجع هو هيج اليصدمني بس لا ممعقوله

ضحكت هي باوعت عليهه بأستهزاء
-شكو تتمضحكين

-تذكرت اول موقف بيناتنه من جرحته بأظافري
يكول اسبوع كامل اني البس تيشيرت ردن طويله بعز الحر علمود ميبين

-هاي شمسويه بي لعد

رفعت جتفها وكالت يستاهل وحيل بي