نبدأ مع رحلتنا الثالثه من قصه"عندما تتقاطع الطرق"
بقلمي:فاطمه القاف.
——————————————————-
احد راسمني اقرب الصوره اكثر اشوف التفاصيل
الرسمه وجهي بدون شعر وابسط التفاصيل جانت موجوده شاماتي البارزه بروز خفيف بوجهي
واماكنها المتفرقه بالضبط مرسومه بس اكو شامه وحدهغير مكانها
صفنت على الرسمه ايدي على خدي افكر
ضليت حايره منو هايه مدري هذا؟
وين يعرفني وهيج مركز بأبسط تفصيله بوجهي!
ضليت حوالي خمس دقايق اني صافنه على الصوره
والكلام الجواها ردت ادز واكول منو؟
بس نحذفت قبل ما اضغط إرسال
تجاهلت الموضوع او بالاحرى حاولت اتجاهله
لو ماخذه سكرين للرسمه حلوه والله
شغلت السياره وتحركت بالي يم الرسمه
وصلتني رساله من لتين
لتين:تعالي هالايام يمنه صارلج هواي مجايه
تعالي جمعه وسبت
مهجه:اشوف ماما واكلج عود
لتين:انتظرج عود علمود اكللهم
مهجه:لا لتكلليهم ينخبصون
لتين:زين
وصلت للبيت وماما تلكتني ببشاره
نيران:اليوم ابو الايجار اجه يريد الفلوس
وزيد عليها ميتين
مهجه:شنو يزيد؟ مو متفقين ميزيد وننطي فلوسه بأول الشهر وبعده مصار اول الشهر!
تعبت والله
نيران:شنسوي ما عدنه غير حل نتقبل الواقع
مهجه:من عابت لهيج واقع تعبت والله
وين ما اروح فلوس وفلوس
نيران:اشتغل اني اطبخ وابيع؟
مهجه:لا انتِ شتشتغلين
انتِ مال شغل
حجيت بيني وبين نفسي خل يعرف ابوج انتِ تشتغلين غير يعزينه ويصخمنه
رحت بدلت وصليت وحرت بالايجار
نزلت جوه تغديت وراها سويت الجاي وصبيته كعدنه نشرب ونسولف
نيران: شلونج اليوم بالعيادة؟
مهجه:نفس كل مره بس اكو مراجع غريب عجيب
نيران:شبي غريب عجيب
مهجه: ما ادري يجي يصفن بوجهي ويروح حتى ما الحك احجي وياه
نيران:هو انتِ طبيبة نفسيه شمتوقعه يجوج الصاحين؟
مهجه:ادري ماما ادري بس هذا غريب بشكل غريب
نيران:يمه سكتي احسن متعرفين تحجين
مهجه:بس تره اغلب العالجتهم او سمعت مشاكلهم چانت من وره كلام العالم والناس
يعني هم ما بيهم شي بشكل عام بس تأثير كلام الناس عليهم يخلوهم يجوني
نيران:محد يلومه من نكول كلام الناس ميرحم
مهجه:اي والله
زفرت نفس بهدوء واني انتظر اشمر القنبله
وانتظر صريخ ماما
أنت تقرأ
عندما تتقاطع الطُرق
Misterio / Suspensoعالجيني انقذيني من جحيم حياتي ترد عليه لا اعرف من انقذ هل حياتك ام حياتي؟ جحيمين مع بعضهما فكيف مصير قدرهما؟
