عندما تتقاطع الطُرق

الرحله السابعة

والان نبدأ الرحله السابعة من قصه "عندما تتقاطع الطرق"

يقلمي :فاطمه القاف

قلبي كان حُرا وانسجن بحُبك المتعب

——————

اي رضا وهذا كل الصار

-صارلي ساعه شحجي هناا؟

-يلا مع السلامه

-مع السلامه....

يوم الاربعاء:

توجهت للمطبخ اشرب مي وصلت لباب المطبخ وتوقفت كل مكان بهذا البيت
بي حنيتها وصوتها محد يكدر يعوضني عنها

ملحكت اتونس واستمتع وياها من وره فد انسان مقته وكرهته كره الموت ما اسامحه لو يموت كبال عيني

كرهني بأجمل ايام حياتي فرقني وصارت حواجز بيني وبين اخويه كله بسببه امي ملحكت اتمعن بأيامي وياها من وره هذا الانسان

عيب للانسان من اسمي هذا الشخص انسان

توقفت بباب المطبخ عيني نملت دموع واني اذكر مواقفي وياها وسوالفها الحلوه علمود تضحكني وره يوم مُتعب

رحت شربت مي وكعدت على الكرسي
خليت ايدي على راسي دلكته بقوه احاول اخلص تفكير بأي موضوع بس شيفيد؟ كلشي ميفيد

وره معاناة دقائق فكرت بيها

ليش هيج افكر بيها وخايف عليها وكل تفصيله بيها
اتذكرها ؟ شامات وجهه المتفرقه متروح من بالي

كلامها الي تنرفزني بي ببرودها مينسي

كطع عليه تفكيري وهو يفوت للمطبخ وعلى وجهه ابتسامته المكروها الي امقتهه

عقجت وجهي بأنزعاج اول مشفته
وهو طبك حواجبه وباوع عليه مستفسر حالتي

-شبيك هيج كاعد ؟

-كمت من مكاني توجهت للسنك غسلت الكلاص
قبل ما اطلع كتله

-اتوقع ميخصك
تقرب مني يريد يلزم وجهي
ابتعدت عنه وصحت بصوت عالي

-لتذكر تصيررر اب هسه براسييييي
لتذكرررررر

صعدت للغرفه واني شايط من الاعصاب اصيح بصوت عالي يسمعه

-دمرني وكرهني بأجمل ايام حياتي وجااااي هسه يريد اذكر هو اب اذا هيج الابوه اني متبري منهااا

حاولت اغير تفكيري لغير موضوع وجان اول موضوع افكر بي هو "مهجه" ورضا شسوه

كعدت على الجربايه هدأت نفسي شويه
اتصلت على رضا مجاوب بعدين دزيت رساله

" شصار و شعرفت؟"

جاوبني بعد نص ساعه تقريبا

رضا:تتوقع اخوك هيج يسوي؟