عندما تتقاطع الطُرق

الرحله الخامسه عشر

والان نبدأ بالرحله الخامسه عشر من قصه "عندما تتقاطع الطرق"

بقلمي:فاطمه القاف

اين انت ؟
قُل لي
اني ارى في كل مره اتمشى في شوارع عراقي
وجهك في كل شخص
ابتسم اليه واقول ياليتك هذا انتَ
فقل لي اين انتَ؟

اذا متوصل التعليقات ٢٥ بارت مفيش🙂
——————————

نهارت اعصابي حتى بالشركه والشغل يفضله عليه؟

مسمعت جواب تيم كبل طلعت من البيت وسويت الشي الي خله حواجز بينه...

رحت لرضا يدليني على هذا الولد الي يبيع مخدرات

رضا: شتسوي بي؟

مُتيم: لتدخل انتَ

تقرب مني واشر بأصبعه على دماغي...

-لتصرف تصرف غبي خوش؟

وخرت اصبعه بنتره
-معليكك بيه

مشيت وهو يمشي ورايه لحد ما وصل بمستوايه

-فهمني شتسوي بي؟

-اريد اصير مدمن معليكك

-هاي العايزه

-هسه شنو تكلييي لو ادبرها انيي؟؟

-اول شي كلي التسوي واثق منه

زفرت نفس
-اي واثق

تمشينه مسافه مو بعيده كلش و وكفنا كدام بيت قديم...

رضا:هذا بيته

تقدمت للباب ودكيتها انتظرنه شويه وفتح الباب
واتفقنه وكتله الفلوس باجر تجيك
هو مصدكني خليت جنسيتي يمه
وكتله اذا مجبتلك الفلوس تعال افضحني يم ابويه اخذت الحبوب

و رجعت للبيت جان ابويه كاعد يشرب چاي وتيم يقره يمه باوعولي من دخلت وسديت الباب

سلمان: تعال اشرب چاي

-كم مره كايل ما احب الچاي؟

تيم رجع يقره ومهتم الي...

رحت للغرفه وكعدت محتار الي رح اسوي صح لو غلط؟ اخويه هو لو عدوي عقلييي مديكدر يميز ...

خليت الحبوب بالمجر اليمي و واخذت بندول وشربته راسي وبديت ادلك لنفسي بحركه دائريه
وينج عنيي؟ جنتي تسوين هيج كلما راسي يوجعني
تعلمت التدليك منج،زين كليلي هسه وينج؟

حضنت نفسي بنفسي ومددت على الجربايه بوضعيه الجنين

كليلي هسه الرح اسوي صحيح؟
زين اذا مو صحيح شنو الصحيح ؟
جنتي تكليلي هذا اخوك سندك
هو يكول عليه نفس الشي؟

نمت بعد تفكير...

كعدت الصبح فتحت البرده و شفت الطلاب من الشباك رايحين للامتحان...

غمضت عيني بتعب
هاي السنه قررت الغيها وامتحن على السنه الجايه يرجع تركيزي شويه

طلعت من الغرفه وبيدي الحبوب
ابويه جان ديبدل يروح للشركه
وتيم رايح للامتحان...