عندما تتقاطع الطُرق

الرحله الخامسة والعشرون

والان نبدأ بالرحله الخامسه والعشرون من قصه"عندما تتقاطع الطرق"

بقلمي:فاطمه القاف

امسح على وجنتي
خفف من وجعي ارجع لي حياتي قبل المُعاناة
كُن لي عونا لا تكُن لي هما من هموم حياتي.

لتنسون التصويت والتعليق بين الفقرات💗

—————-

لتين:
ما بيج فائده
انطيني موهبه اطورها بيج
شوفي اخوانج متميزين
ذيج راحت صيدله
وذيج راحت طبيه

من يحجون هيج ما اهتم بس الانسان يتذكرها بحاله الضعف وتأثر علي سواء شئت ام ابيت

اني ما اهتم وصدك ما اهتم بس مرات تحز بالخاطر
تكسر بواهسي تهين كياني اضحك على كلامهم بس بنفس الوكت اجاوبهم جواب يسكتهم
بس تبقى تأثر عليه

قبل ما ادخل الكليه
جنت خايفه
خايفه ادخل قسم ما احبه خايفه اعيش بمكان ما اتمناه
خايفه اعيش شي جنت من اسمعه اخاف منه
خايفه اتزوج انسان ما احبه
خايفه لا احب احد ميحبني
خايفه اكون موجوده بمكان احس نفسي بي غريبه
خايفه يطلعلي عراقيل بطريق حياتي
خايفه كلش ومن كلشي

اوي شعدي افكر بهيج اشياء
عفت كل افكاري بغير عالم وانتقلت لعالم القصص
بارت وره بارت هيج تخلص ايامي
بين محاضره الكترونيه وبين عدة بارتات من القصه
افشل تعليم هو الالكتروني.

اخلص القصه وانشر كم مشهد حبيته منها على الانستقرام

من بعد سفر ايليا كطعت تفكيري بي
بس اول ما اسمع اسمه بفد حديث
انتبه الهم واركز بدون ما انتبه على نفسي
التعويد اصعب من الحُب نفسه

يمكن اصعب شي رح اسوي هو نسيانه.
بس هذا الازم يصير

مهجه صارلي ايام ما اشوفها ولا هي تنزل اله نادرا كلش واكون اني ببيتنه

صفنت ويه نفسي ابتسمت واني اتذكر زيد من شاف ايليا يكول شحابه بي متكليلي

اني كاعده ليوره ساكته حاصرتني الضحكه
ميضم شي بكلبه شاف شي متغير بيه ينتبه ويحجي
شافني لابسه سويتر من سويترات عبودي لو حسوني ينتبه ويحجي

مدري هو صدك ميضم شي بكلبه
مدري يريدني انتبه على انتباهه

يمكن يحبني صدك ما ادري.
ما اريد احبه ولا احب غيره ما اريد اتعلق بأحد

ايام اني الح على ماما وبابا يجيبولي طير اربي
الطيور هيج متربعين بكلبي

جاسم قبل ميطير بفاتحة بيبي
جان يجي ياكل وياي
نخلص اكلي اطكله اصبعتين ويهز ركبته
وراها يجي يبوسني واني هيج اكزكز علي