عندما تتقاطع الطُرق

الرحله الثالثة عشر

والان نبدا بالرحله الثالثة عشر من قصه"عندما تتقاطع الطرق"

بقلمي :فاطمه القاف

ومن هسه اتفق وياكم تمام؟ اذا البارت ميوصل ٢٥ تعليق ماكو بارت🙂💗
——————-

رحت ركض بأتجاهها واني اكول :لتفجعني بيها ربي

شفتهه كاعده بالكاع وملابسها متربه والقميص من مكان الطلقه مشكوك
لازمه چتفها بألم ودموعها تنزل دمعه وره دمعه

كعدت يمها صرت بمستواها وخرت ايدها من چتفها وكلبي يدك ويه كل دمعه تنزل منها وكل ونه
تشلع بگلبي شلع

الطلقه طاخه بجتفها شويه وصاير جرح بس مو عميق كلش

خليت ايدي على الجرح اتلمسه وايدي ترجف
وهي تكول بألم:ايييي دتأذينيي

ضغطت بأيدي عليها اكثر علمود اوقف النزف
خايف منها وعليها مشاعر ما اكدر اوصفها

باوعتلي بأنزعاج بين دموعها وكالت:وخررر ايدك اني اخلي ايديي

ونترت بأيدي من چتفها

وخرت ايدها من ايدي وصحت بعصبيه:هسه مو وكت عنادجج تره

كمت على حيلي وصرت مقابيلها

حچيت بصوت ناصي : تكدرين تكومين ؟

باوعت عليه والشمس ضاربه على عيونها وخدودها الورديه
حاولت تكوم مكدرت حيلها رايح مدري من الهبطه مدري من الوجع

مديتلها ايدي صفنت عليه وهزت راسها بمعنى لا

فركت وجهي بأنزعاج و استغفرت
لزمتها من زندها وكومتها بقوة

باوعتلي متفاجئه من حركتي وفاتحه حلكها تريد تحجي

خليت اصبعي على شفتها وسديت حلكها وكتلها:صعدي بالسيارة مو وكت لوم وعتب

دارت راسها عني وهي لازمه چتفها الينزف

رحت شغلت السيارة بسرعه واسوق بيها لاقرب مستوصف او مستشفى
وكل شويه اباوع عليه اشوفها متأذيه لو لا

وهي متقصر دموع بدموع شفت بطل المي كدامها فتحته وعيني على الطريق وعين عليها

انطيتها البطل شربت بدون متحجي شي
ودارت وجهه عني وضلت الطريق كله صافنه

بعد كم دقيقه من سياقتي المخربطه تبين توتري
وخوفي
وصلنه للمستشفى نزلت من السياره بسرعه ورحت فتحت الباب من جهتها