عندما تتقاطع الطُرق

الرحلة الثانية عشر

والان نبدا بالرحله الثانيه عشر من قصه "عندما تتقاطع الطرق"

بقلمي:فاطمه القاف

——————-

فتحت عيني بصدمه من كالت

" اكو واحد مخبل عندج اسمه مُتيم اريد تمرضي وتخبلي بالزايد"

طلعت من جيبها شي ابيض مبين مخدرات او هيج شي
خلته كدامي عالميز وكالت: وخلي هذا بالعصير او المي اليشربه

بعدين غمزت وكملت كلامها:وكلشي تريدي حاضرين احنه من هاي العين قبل هاي

هي تحجي واني صافنه بصدمه ما اعرف شحجي وشجاوب باوعت عليها بأشمئزاز

كمت من مكاني وصحت عليها واني اشر بأيدي بأتجاه الباب :كومييي طلعيي بره

ضحكت بصوت عالي وبقت كاعده عوجت حلكها وكالت:دكعديي يا گلبييي خل نتفاهم اكثر
شتريدين بيت ؟سيارة؟؟ الي تريدي يمج يصير

بعدني واكفه وصافنه عليها وعلى كلامها حرت ما بين اطلع اعصابي عليها وما بين اهدء واخذها بالكلام

لزمت راسي وفركته بأصابع ايدي بقوة وكعدت
وهي لازمه التلفون وتعلج بشكل مقرف

بعد تفكير لثواني كلت: انطيني رقمج افكر بالموضوع

غلقت التلفون وباوعتلي وضحكت ضحكه ادبسزيات :اي هيجج يا گلبيي ليش تتعبيني من البدايه

كالت وهي تاخذ الشي الابيض من الميز: وهذا من نتفاهم تمام ونتفق اجيبلجيا زين كلبيي

ردت اكلها طاحظج وحظ گلبج بس استغفرت وبلعت الموس وسكتت

كامت من مكانها سوتلي حركه باي وراحت سدت الباب

اخذت نفس بعمق من شفتها تطلع وبقيت صافنه وحايره مدري شسوي

اكول لمُتيم و نشوف شنسوي بعد...

لتين:

مرت الايام عادية بين تفكيري بالكليه بعد شهر دوامي واروح مرحلة ثالثه هندسه مدني

معدلي چان بالسادس تسعين بس بوقتنه هذا التسعين ولا شي

توسلوا بيه توسل اروح اي قسم من المجموعه الطبيه
بس جوابي جان"المجموعه الطبية صعبه واني مو كده"