عندما تتقاطع الطُرق

الرحله الخامسه

والان نبدأ الرحله الرابعه من قصه"عندما تتقاطع الطرق"

بقلمي:فاطمه القاف

ماذا لو احببت طبيبه واصبحت ابتسامتها
افضل علاج؟
——————————————————-
ابتسمت واني اذكر الحاله وشلون چنت خايفه

مهجه:صبري هسه احجيلج...

رحت جبت كلاصين مي فتحت الباب اريد ادخل
وكفت بمكاني من شفت مُتيم داخل بحاله صرع

متمدد بالكاع وداخل بنوبه صرع وجسمه يختض

عود اني الدكتوره ولازم اعالجه هسه اريد احد يجي
يعالجني من الخوف الاني بي

رحت ركض على الدكتور هيثم الي مشاركني بالعياده
عنده خبره اكثر مني

مدكيت الباب كبل دخلت وهو جان مركز بشغله بالحاسبه باوعلي بتفاجأ شلون افتح الباب هيج

-دكتور اس اسفه بس المريض دخل بنوبه صرع

-اي على كيفج شبيج مخبوصه

-ما ادري خايفه

-هسه انشوف ان شاء الله ماكو شي لتخافين

طلع ابره من المجر مالته وراح ورحت وراه اشوف شيسوي

شاف مُتيم بالكاع كعد يمه بهدوء و ضرب الابره بالوريد

دقايق اذا مو ثواني وهدأ مُتيم وشاله وخلاه على السرير باوع عليه

-هاهيه خلص لتخافين شدعوه هيج
-دكتور راح گلبي اول مره اشوف هيج حاله

-بما انه هو چبير بالعمر ودخل بهيج حاله ومبينه هاي الحاله مو اول مره تصير بس نادرا تصير
ف ممكن يكون مدمن انتبهي واخذي معلومات
وحاولي تعالجي بصوره صحيحه
لان الادمان المخدرات يأثر بالخلايا العصبيه ومرات هذا الشي يقودهم الى الجنون و فعل الجرائم بالمستقبل

-وشلون طريقه علاجه تكون؟

-حسب حالته وبما انه هو مو مريضي ولا اعرف حالته ومشاكله شنو علاجه انتِ تكتشفي مو اني

-مماره عليك هيج حاله قبل؟

-صارلي سبع سنين بهل مجال مار عليه مُراجعين اشكال الوان بس كل واحد تختلف حالته عن الثاني وماكو اي ربط بينهم لان كل واحد عنده مشاكل تختلف وطريقه مواجهه للمشاكل تختلف ف ما اكدر اكلج عندي هيج حاله

-هااا
ابتسم على ال هااا مالتي

-وهسه اكو سؤال ثاني؟

-لا سلامتك واسفه تعبتك

-بالخدمه اني

راد يطلع من الغرفه وعطت بصوت
-دكتور مكتلي شوكت يكعد؟

-هههه هسه كلنه عندج سؤال

-حسيت بفشله معرفت شجاوب شافني سكتت ابتسم