حبيبتي نـجَـد

Part 2

بداية اول يوم دراسه ودوامات :

-----------------

[ بيت ابو عبدالله بالديره ]
وبتاريخ ١ / ١ / ١٤٤٣ هـ

----------------

عبدالعزيز : يمه يا حبيبتي وين شماغي صارلي ساعه ادور عنه؟
ام عبدالله : قلت للخادمه تكويه شفه عند الكوايه
عبدالعزيز : يابعد عيوني انتي كفو اميمتي
ام عبدالله : حبيبي انت
عبدالملك وهو يعدل شكله : ايه ايه حبيبتس هو وانا وشو اجل؟
ام عبدالله : ياويلي يالغيره وانت بعد حبيبي وكلكم حبايبي
جاء عبدالعزيز وهو يقول لـ عبدالملك : يلا بس مناك محد حبيبها غيري وانت يالحبيب دور لك أحد يحبك يلا يلا
عبدالملك : كل تبن بس يالتسلب هذي حبيبتي انا
ام عبدالله : اقول اصبحو اصبحو و عينو من الله خير
جت مرام وتسلم وتحب راس امها : صباح الخير يا حلوين
ام عبدالله : صباح النور ياحلوه ، قبل لا تجلسين روحي جيبي الكرك عالنار يا بنيتي
مرام : ابشري ابشري
جاء فيصل وهو يقول : صباح الخير والدوامات
ام عبدالله : ياهلا تعال افطر
فيصل : ابشري ياقلبي ، وين العالم؟
ام عبدالله : عبدالله توه يقوم قاعد يصلي و مرام راحت تجيب الخبز والكرك وراحو معاها العيال للمطبخ و داليا تجهز
فيصل : ايه زين
جاء عبدالله : صباح الخير والنور والسرور
ام عبدالله : يا هلا وغلا
عبدالله وهو يبوس راسها : اخبارتس يا اميمتي؟
ام عبدالله : بخير ياحياتي
عبدالله : عساه دوم
جت مرام وهي تضحك هي و عبدالعزيز :
عبدالله : شبلاكم تضحكون؟
مرام : نطقطق على عبدالملك
فيصل : وين راح هو؟
عبدالعزيز : كالعاده راح يحارش داليا
ام عبدالله : ياربي من هالداليا هي وش تسوي؟
مرام : تجهز
ام عبدالله : صحيتها من الساعه ٥ الفجر عشان تصلي وتجهز و للحين مقابله المرايه ياربي
مرام : يمه خليها شدعوه
جت داليا وهي مروقه وكاشخه احلى كشخه : صباح الخير والنور والنوير وكل شي حلو
عبدالعزيز : الله الله يالزين وش الجمال ذا
داليا : عيوني انت تسلم
عبدالله : غريبه اليوم مروقه وحالتس عال العال وش عندتس؟
داليا : ابد والله مروقه و مستانسه من الله كذا
عبدالله : عساه دوم يا حبيبتي
داليا : الله يديم افراحك ياحياتي انت
عبدالملك : ايه سعلوه مروقه اكيد
داليا : اسمع انا مروقه و مستانسه لاتغثني على هالصبح عشان ما افصل عليك
مرام : خليه يولي وتعالي افطري
داليا : لا والله ياحبي توني ماكله
فيصل : ابوي وينه؟
داليا : جد والله بابا وينه؟
عبدالملك بنبرة استهزاء : بابا بابي دادي
داليا : يالله يالمغثه
عبدالله : يلا تجهزي والبسي عبايتس !
داليا : ابشر
راحت داليا تلبس عبايتها و تجهز
عبدالعزيز : ايه انا بقوم بعد اروح يمّ الغنم هههههههه !
فيصل فتح جواله وابتسم وعيونه تطلع قلوب : ايه خذ الخبز معاك انا ماني ماخذه