حبيبتي نـجَـد

Part 23

-

قام عبدالعزيز بعد حزن طويل و شاف ان الساعه ١١
الصباح واخوانه كلهم قاعدين وهو لحاله نايم قام بسرعه و راح لدورات المياه ( يكرم القارئ ) وتوضى و راح يصلي صلاة الفجر و قام وطلع و راح للديوانيه و ما لقى احد و راح
المقلط و لقا اخوانه كلهم هناك يتقهوون راح حب راس ابوه وجلس وباستغراب قال
عبدالعزيز : ليش جالس هنا يبه خالي طلال وينه ؟
ابو عبدالله تنهد : خالك طلال مشى للرياض من الساعه ٨ الصبح
عبدالعزيز عقد حواجبه : افا ليش شدعوه ؟
ابو عبدالله : والله هذي الدعوه !
عبدالعزيز تنهد : طيب ليش ما انتم مصحيني لصلاة الفجر مخليني نايم ؟
ابو عبدالله بحده : والله اني كنت انهادك بس عييت تقوم و استغفرت ربي وخليتك تقوم لان واضح من وجيهك تعبان
عبدالعزيز ابتسم وراح حبه على راسه : ياقلبي انتي لا ثاني مره صحني معليك مني تعبان ولا ماني تعبان
ابو عبدالله ابتسم يوم شاف عبدالعزيز اخلاقه زينه و بذات يوم ما رضى انه ما صحاه لصلاة الفجر : ابشر ابشر
التفت عبدالعزيز على عبدالله الي يتقهوى وهو مبتسم : لا تقول ان صقير وخالتي عاليه مشو بعد !
ضحك عبدالله : لا يا ابن الحلال بس خالتي عاليه راحت هي وياه للسوق يتقضون و يتشرون
عبدالعزيز ضحك : زين زين يالله انا بطلع للعزبه من زمان ما جيتها مين يخاويني يعيال ؟
ابو عبدالله : وشوله تروح يا ابن الحلال ارتاح ادريس هناك وانا اصلا رايح بعد صلاة العصر يمّها و باخذ معاي فيصل وعبدالملك وانت وعبيدان خلكم بالبيت
عبدالعزيز ضحك : لا يا يبه انت تعرفني اني ما اقدر اخليها بيد هالمّلوي حتى لو انه اميّن و زين تعرفني ما يرتاح قلبي الا اذا مريت الحلال وشفتهم وتاكدت
ابو عبدالله ابتسم برضى : زين ياوليدي الله معاك
عبدالعزيز التفت على العيال : مين يخاويني ؟
عبدالملك صد علطول وسوا نفسه مشغول و فيصل سوا نفسه يكلم وعنده شغل
عبدالله قام علطول : انا خويك ياخوي لو جار الزمن عليك
عبدالعزيز ابتسم : حيييكك يابعد طوايف خلاني
عبدالله ابتسم وبهمس قال له : والله ما ضنتي ياحبيبي اني بعد طوايف خلانك ابد
ضحك عبدالعزيز وبهمس : لا والله انك تسوا ديره بعيوني
عبدالله ابتسم و ربت على كتفه : يلا مشينا ؟
عبدالعزيز ابتسم : توكلنا على الله ، يالله تجلسون بالعافيه
ابو عبدالله ابتسم : يعافيك ياحبيبي
راح عبدالعزيز وعبدالله وهم ماسكين طريق العزبه و مشغلين شيلاتهم المعتاده ومروقين ، وعبدالعزيز الي مهما سوت به الدنيا ولفت فيه يحزن بس مستحيل يطول حزنه بسرعه يضحك وينسى كل شي و ما يحب يحزن الي حوله ابد وبذات اهله و يحب يفرحهم دايم ويضحكهم
وكملو طريقهم للعزبه

-

بالريـاض ببيـت ابو نـجد :

من وصلو دخلو البيت و راحت نجد تشيل الشناط مع ابوها وتنزلها و راحت فوق لغرفتها وفتحتها وشافت الغبار ونزلت عبايتها و نزلت لقت امها منهاره من كمية الغبار الي بالبيت
نجد ضحكت : اهخ يا ماما كنت جايه اقولك ابي منظفات بس واضح من عيونك انك الان تعانين
ام نجد ناظرتها : والله معليش الحين انا طافيه ابي اروح انام وبكرا يحلها الف حلال
نجد ناظرتها بياس : هقوتك كذا ؟
ام نجد تاففت : وش نسوي يا ماما البيت وش كبره كيف تبينا ننظفه الحين امشي بس خلينا ننام وبكرا ننظفه ونزينه بسرعه خليني انام لي كم ساعه قبل صلاة الفجر
نجد ضحكت : خلاص تمام يالله مشينا ، الا صدق ابوي وينه
ام نجد ضحكت : ابوتس ابوتس حبيبتي من نزل الشناط حط رجله و راح لغرفته ركض ينام
نجد ضحكت : ياحياتي هو والله ما الومه من التعب كلنا نمنا الا هو يسوق حتى ما خلاني امسك عنه الطريق
ام نجد حطت يدها على صدرها وضحكت : ياويلي عشان تخفسين بنا علطول
نجد عقدت حواجبها : افا لهدرجه سواقتي مب زينه يعني ؟
وهم وصلو غرفهم قالت ام نجد بتعب : اقول بس خلي عنتس سواقتس وروحي نامي
نجد ضحكت : طيب طيب ياقلبي يلا تصبحين على خير
ام نجد ابتسمت : وانتي من اهله
نجد دخلت غرفتها و راحت لبست بجامتها و راحت فتحت ثلاجتها الصغيره و لقت فيها عصير و بطاطس اخذتهم وجلست على التلفزيون و جلست تاكل و تتابع وفجاه يدق جوالها وتجيها رساله من امها استغربت وفتحتها
ام نجد : جوجو طفي شاشتس و نامي الساعه صارت ٢ نامي يالله واتركي عنتس الجوال بعد
نجد : ابشري هههههههههههههه
فعلا نجد طفت التلفزيون و راحت انسدحت على سريرها وتلحفت و جلست تابع على جوالها لين ما نامت