حبيبتي نـجَـد

Part 14

-

جو ام عبدالله و ام نجد ومرام وهو يتخفّون بخوف دخلو وبسرعه راحو للصاله و لقو داليا و نجد يلعبون اونّو وفجأه يسمعون اصوات احد جاي وطلعت العمه هثله وعبير جيات
داليا : ويين اونّو ويينن؟
نجد : ياخي ققهررر دللوو ما يصير كذا
داليا : والله مالي دخل فزت عليتس عاد يالله بس
نجد ضحكت : حيوانه وربي تغشين من تحت لتحت
داليا : لا والله اني ما اغش بس انتي ما تعرفين تلعبين و فوق ذا كله تتهميني اني اغش عوذا
عبير تناظرهم بكرهيه وهي تشمق لـ مرام
العمه هثله : والله بنستاجر ابو عبير عيّا غير نروح فندق عشان نرتاح و انتو بعد ترتاحون
ام عبدالله : ياويلي يا ام عبير شدعوه والله راحتكم من راحتنا و ابد البيت بيتكم
العمه هثله : والله اصلآ بخاطري انام هنّي بس مقدر
ام نجد ابتسمت : ياحياتي انتي طيب نامي هنا وخلي ابو عبير ينام هناك
العمه هثله : لا طبعآ شنو اخليه لحاله هو بل يالله يسنّع روحه وهذا وانا معاه لو انا بعيده عنه وش بيسوي بعد ؟
ام نجد ضحكت : يووه الله يعينك عاد
العمه هثله : يالله عاد نستأذنكم تيّلسون بالعافيه
ام عبدالله : ياحياتي انتي اذنتس معاتس
عبير جت تبي تطلع : من لقى جلابه نسى احبابه
مرام قامت : اقول اذلفي بس اذلفي
عبير وهي تشمق لها : جبّح هالويّه
مرام بعصبيه : طسي عن وجهي يالله
راحت عبير وهي تمختّر بمشيتها و راحت العمه هثله و راحت عبير وراها ، وجت الساعه ١٠ اليل و بدت تطفي الانوار و البيت يهدى نجد وامها راحو ينامون بغرفتهم و داليا ومرام راحو لغرفتهم ينامون و ام عبدالله راحت تنام
نجد وهي متضايقه : ماما احس فيني كتمه
ام نجد اعتدلت : ياعيوني انتي ليش؟
نجد : عبير قبل لا تطلع قطت كلمه وراحت واحس اني تضايقت مره من كلمتها
ام نجد : ليش وش قالت لك؟
نجد : قالت من لقى كلابه نسى احبابه واحس اني مره متضايقه يعني
ام نجد وهي تمسح على رأسها : ياحبيبتي يا ماما معليك منها خليها توّلي وجعه توجعها وانتي ياقلبي ولا يهمك معليك منها التسلبه ذي !
نجد ابتسمت : تمام ان شاء الله
ام نجد : يلا ياحياة ماما انتي نامي نامي عشان نقوم من الصباح و نسوي فطور ونجلس بالحوش
نجد باست راس امها : من عيوني الثنتين
ام نجد : قلبي انتي يخليهن لي يارب
جلسو يسولفون مع بعض وش صار يوم راحو لعزيمة ام ناصر و شوي شوي بدو يغفّون و ينامون

-

السـاعه ٠٠ : ٧ صَ
قامت نجد و راحت لدوراة المياه ( يكرم القارئ ) وتوضت وجت صلت صلاة الفجر و بعدين قرت لها كم صفحه من القرآن الكريم و بعدين صفطت سجادتها وقامت اخذت أغراضها و منشفتها و راحت تتروش وطلعت راحت لبست دراعتها واستشورت شعرها و تعطرت وحطت مكياج خفيف و لبست حجابها و نقابها وطلعت برا وتلقا البيت هادي بس برا بالحوش ازعاج و صراخ راحت تطّل تشوف شسالفه شافت فيصل وهو يلاحق عبدالملك وضحكت
نجد : ياربي يا ذا الولد ياحلوه
داليا طلعت من الحمام ( يكرم القارئ ) : ماشاءالله مين الي يحلوه؟
نجد نقّزت : بسم الله
داليا ضحكت : شبلاتس شبلاتس
نجد ضحكت : خرعتيني مره
داليا : معلينا مين الي تقولين عنه يحلوه؟
نجد وهي تعدل نقابها : عبدالملك
داليا نقزت : وش تبين بـ عبدالملك؟
نجد : وش ابي فيه يعني ما ابي فيه شي بس بليز يالدلو ابي اخوتس ذا يصير زوجي
داليا حطت يدها على صدرها : ياغبصتي وشوله وش تبين به لا طبعآ عبدالملك من سابع المستحيلات نزوجتس اياه
نجد انصدمت : ليش ليش شدعوه ليش ما تزوجوني اياه الولد وعجبني ماشاءالله عليه جمال وكمال وفاهم وعاقل
داليا وهي تمسح وجها بصدمه : ياربي وانت ربي انك تعوّني عليها مهبوله وربي
نجد ضحكت : وش فيك انتي؟
داليا وهي تمسك يدها : نجد تمزحين صح؟
نجد : لا ما امزح
داليا وهي تشد على يدها : تكفين ارجوتس قولي انك تمزحين الله يخليتس ياشيخه تكفين
نجد ضحكت : والله ما امزح امشي امشي نسوي فطور بس
داليا وهي تربت على صدرها ومع نفسها : ياعمري عليك يا عزوزي البنت وطارت منك وش بتسوي بها ذلحين ياربي ياربي
نجد راحت وحطت الصينيه وبدت تحط الفطورات
و قامت سوت الشاهي وعلى ما تسوي جاء عبدالملك يبي يشرب مويه
داليا مسكته : نعم وش تبي؟
عبدالملك : بسم الله شبلاتس انتي بشرب مويه
داليا : مافي مويه تقّلع يلا
عبدالملك ضحك : شبلاتس انتي وشنوحتس على هالصبح تبين تهاوشين يعني ولا كيف؟
داليا : عبدالملك ضف وجهك لا افصل عليك اشرب مويه من جيّك ابوي
عبدالملك : لا ياشيخه انتي تبين ابوي يطرحنّي مهبوله لا طبعآ واكيد لا مالي خلق اتصفق والله خوش خوش وخري عني بس
دخل عبدالملك غصباً عن داليا وشاف نجد : صباح الخير
نجد ابتسمت : صباح النور
عبدالملك وهو يشرب مويه : شلونتس شخبارتس
نجد : بخير الحمد لله معلي انت اخبارك؟
عبدالملك : بخير دامتس بخير
نجد : عساه دوم يارب
عبدالملك : يديم عليتس الصحه والعافيه
نجد ابتسمت : امين يارب وياك
طلع عبدالملك وهو يشمق لـ داليا
نجد جت تركض عند داليا : يححللووهه يييههببل
داليا وهي ودها تبكي : بموت ياربي
نجد مستغربه : لا داليا انتي فيك شي وربي مضايقك اني اقول عن اخوك كذا تكفين اذا فيك شي قولي عادي والله ما ازعل والله
داليا وهي تنهّد : لا مافيني شي
نجد مسكت يديها : لا فيك شي فيك شي
جاء عبدالله وعبدالملك يسولفون مع بعض ويضحكون وهو شايل صينية القهوه بيوديها للمطبخ
داليا صرخت وهي تدف يدين نجد : يياااخختتييي ققلللتتت للكككك ماااافيييننيييي ششششي ماتتفففههمميين ولا تسستففههمميييين !
ن