حبيبتي نـجَـد

Part 59

-

بـعـد يومـيـن ٠٠ : ٤ مَ عـصـراً :

مرام و نجد وباقي البنات وتقريباً البيت كله محتاس ، بحكم ان داليا بتجي الان هي و زوجها و اول مره تجي بيت اهلها بعد عرسها ، و اكيد ابو عبدالله بيسوي لـ عنقوده واخر عياله ، عشاء لها ويعزم عليه اهل الديره
تنهدت اثير وهي تجي لنجد الي ما تطيقها : نجد مرام تقول المبخره الذهبيه ويينها ؟
نجد عبست : شوفيها هناك بالدرج البني
راحت اثير واخذت المبخره وطلعت لـ مرام يرتبون الصاله ، و نجد جالسه تسوي القهوه والشاهي والخ ..
جاء ذياب : خاله نجد ؟
ابتسمت نجد : عييوني يناس ؟
ابتسم ذياب الي من صفاته الحنيه و الحنان عكس مسعود الي ربما يعتبر جاف : الله يخليهم يارب
ابتسمت نجد وهي تعض شفتها وشالته : اهخخ اعشقك !
ضحك وهو يكمل : طيب خاله عمي يقول ، متى تجهز القهوا ؟
ضحكت وهي تلتفت عليه من انتبهت نطق كلمة القهوه : عييد عييد وش قلت الققهوا ؟
ابتسم باحراج : نطقتها غلط ؟
ضحكت بقوه وهي تبوس خدها وتضمه بقوه : احببك ياخخي وش سوييت بقلبي انتتت !
جت اثير يمّ المطبخ عشان تاخذ بعض الاغراض : ذياب ماما وش جابك هنا ؟
ابتسم ذياب : عمي عبدالعزيز ارسلني ، وايه صح يمه ترا ابوي قالي اقولتس انه يبيتس بالحوش الخلفي
شهقت اثير وهي تسكر حلقه : ياوييلي !!
ضحكت نجد بقوه وكملت : معليه عادي متعودين ترا كذا عاد عيال عمي مسعود هذي حركاتهم روحي روحي بساع
ضحكت بإحراج : لا جد معليش السموحه والمعذره
ضحكت نجد : ما صار شي عواففي !
طلعت اثير وتركت نجد الي تلعب مع ذياب وتضحك معاه ، وطلعت من الباب وشافت ظهر فيصل : لبيه قلبي ؟
ابتسم فيصل وهو يجيها ، ويحاوط خصرها : وينتتس مختفييه ؟
ابتسمت اثير : كنت مشغوله والله مع البنات اشتغل معهم ، ليش بغيت شي !
ابتسم بخفه : لازم يكون عندي شي عشان اقابلتس ؟
ضحكت اثير : لا اكيييد من حقك بعد ، بس والله اني مشغوله ولازم يعني نلحق الاشغال وكذا
ابتسم بخبث : طيب اسمعي بعد العشاء نطلع الشقه ؟
ابتسمت اثير بحياء ضربت صدره بخفه : فييصل ياكككللب !
ضحك بقوه : اهخخخ ضربتس هذي كانها مسحه على صدري تصدقين ، ييياربي انك تلطف بقلبي اهخخ !
ضحكت وهي تمسح دقنه : اقول وش رايك بس تروح تحدد دقنك وشنبك لانه بدا يكثف ويطلعك شايب
ابتسم فيصل : ليه عسا ماهوب عاجبتس ؟
ابتسمت بخبث وضحكت بغنج : يعنني تعرف عشان لما نجي نقرب ، ناخذ راحتنا اكثثثر وكذا !
ضحك بقوه عليها : اقققععدد ام ذيياب مانتي بهينه والله
ضحكت وهي تبتعد : يلا قلببي مع السلامه احبببك
ابتسم بقوه وهو يمسح وجهه: اهخخخ ياقلب فيصل وعيييونننه يادلوعته وحبيبته ، اموووت بتتسس اعشقتس
ابتسمت بقوه وحياء ودخلت داخل ، وكانت اثير مستحله قلب فيصل بقوه ٤ سنين وهو على هالحال ما يقدر يبتعد عنها ومكتفي فيها حيييل و يعششققها لحد الجنون ، ما احد يدري كيف قدرت تسوي فيه كذا ولكنها قدرت تحول فيصل لـ انسان ثاني حتى عصبيته خففت بششكل
-
وصلت داليا هي وناصر ونزلو ، و اكيد اعتلت الاصوات عند الحريم و الرجال بالترحيب و التهليّ بالعرسان
ابتسمت داليا بحياء وهي تجلس : الله يسلمكم يارب ويعافيكم ، تسلمون جميع !
و السواليف و الضحك اخذت اجواءها عندهم
بعدها بكم دقيقه دخلت خطيبة عبدالملك ومعاها امها وخواتها الاثنين ، وحان الوقت الي اعرف فيه خطيبته ..