حبيبتي نـجَـد

Part 32

-

الـســاعــه ٠٠ : ٨ صَ

قامت داليا على دق باب من ام عبدالله بقوه وقاومت النوم و قامت وهي معصبه وتبي تنام
داليا بتافف : عيوني ماما تكفين خليني انام حتى بالاجازه مقومتني من صباح الله ليش ياروحي ؟
ابتسمت ام عبدالله : والله يا ماما ان رفيقتس جايه بالطريق
داليا فزت و مسكت يدين امها بوناسه : اممممااننه !
ضحكت ام عبدالله على فزت داليا : والله يا ماما قومي يلا و البسي و الحقيني المطبخ و قومي اختس بعد
داليا ابتسمت بفرحه : زين زين ابشري
راحت داليا تقوم مرام : قومي ياخبله نجد بتجي
مرام بعصبيه وهي ما تحب احد يقعدها وهي مب شبعانه نوم : طيب وش اسوي لها تقلعي من عند راسي اف !
داليا ضربتها : بتقومين يالتبن ولا والله غير اقومتس بطريقتي بساع قومي !
قامت مرام تصارع النوم : هم توهم مشو ولا شلون ؟
داليا عقدت حواجبها : مدري عن امي قالت لي انهم جايين بالطريق وبس بسرعه قومي اخلصي
قامت مرام وغسلت وجها ولبست و راحت لامها و داليا بالمطبخ تشوف وش يسوون
ام عبدالله ابتسمت : خلاص يبنات مابقى شي كل شيّن جهزناه
ابتسمت مرام بفرح وهي ما لها خلق تسوي شي : زين
جاء عبدالعزيز الي مشتط و فرحان وهو يرقص و يغني بطرب : ياعيييوني انتي اجمل شي ما اقدر اوصفه ياعيييوني كل وصفٍ في جمممالك مختتتلف !
جاء من وراه عبدالله و كمل : ياعيييوني العيون و سلهمتها خاطفه ياعيونني تخدر الوجعان لو لحقه صصلف !
ضحكت مرام : يا الله الحبيباه رهيبين وربي خلاص حبيبي عالاقل بينو شوي انكم ثقال ياربي
عبدالله ضحك : لا ياشيخه مسويه انتس ما تحبين تراتس مكشوفه لا تحاولين تخبين !
مرام عقدت حواجبها : هاهاي مالقيت غيري طبعاً لا
عبدالعزيز ضحك : وششوه لا حبيبتي اذا انتي تكابرين ترا عيونتس تكلم وتفضحتس ميّر خليتس زينا اكشفي الي بصدرتس ومعليتس من احد ياوخيتي
ضحكت مرام بصدمه : شكلكم تخيلون براسكم يا حبايبي
داليا ضحكت : اتركو عنكم هالسوالف عمي سعود كم باقي عليه و يوصل ؟
ابتسم عبدالعزيز : يقول انه الان دخل الحفر و متوجهه يمّنا
ما كملو كلامهم الا و سمعو صوت ترحيب ابوهم وعرفو ان عمهم وصل
ابو عبدالله بفرحه : اررررررححححببببببووووو
وقامو عبدالملك وفيصل : يا الله انك تحيييه
وطلعو عبدالله و عبدالعزيز يسلمون : يا هلا يا هلا
ابو نجد : البببققققققى
اقبل ابو عبدالله يحضن ابو نجد بقوه و بعدها فكو بعض و جت نجد و كانت لابسه عبايه كحليه غامقه و متغطيه بالشيله وكانت نحفانه مره
نجد ابتسمت : اخبارك ياعم ؟
ابو عبدالله ما كان منتبهه لها : بخير جعلني فداتس انتي اخبارتس يا بنيتي عساتس بخير ؟
ابتسمت نجد وهي تبوس راسه : بخير دامك بخير ياحياتي
ابو عبدالله حضنها : بالاول مبروك التخرج يابنيتي وعساتس باعلى المراتب يارب ، طلع خمس ميه من جيبه ، وهذي هديتي لتس و علي قسم ما تردينها
نجد بترده بس باست راسه ثاني مره وحضنته : يابعد قلبي انت ما تقصر والله !
راحت ام نجد و نجد بعد ما سلمو داخل و كان عبدالعزيز يناظر نجد و يحترق غيره من عبايتها بس كان جامد
بدون اي مقدمات نجد دخلت تركض و قطت شيلتها و ارتمت عالبنات تحضنهم بقوه و جلسو يصارخون
ام عبدالله و ام نجد بعد ما سلمو بعضهم وهو يهاشونهم : بس انتي وياها وقطع ان شاء الله اقصر اصواتكن
دخلو بالمقلط و جلسو و جابت داليا الفطور
ام نجد ابتسمت : لا والله تقهوينا و افطرنا ما يحتاج ياحياتي
داليا ابتسمت : شدعوه خاله ها بس شوي نقنقي
نجد فزت : انا ابي انقتق
مرام التفت بصدمه وهي تمسك يدها : انتي اص ياويلي ماشاءالله والجسم عطيني الخلطه حجيه كيف كذا نازله ولا بعد تبارك الله مره بيضانه مفتحه عطيني الخلطه بسرعه !
ضحكت نجد : سر سر ماني قايله
مرام طقتها بخفه : وجع خير قولي مالتس داعي
ضحكت ام نجد : انا استاذن والله اني تعبانه و ابي انام ميته نوم بروح انام وانتي جوجو اذا تبين تجين تعالي
ابتسمت نجد : زين ماما
وقامت ام عبدالله : حتى انا والله بقوم اخذ لي قيلوله
راحو ام عبدالله و ام نجد وما بقى غير البنات
قامت نجد وفصخت عبايتها وفكت شعرها و كانت لابسه بلوزه سوداء واسعه و ليجنز اسود ضيق وقامت تدور عندهم : تشوفون انتي وياها لما اقولكم ابدو معاي دايت و عنايه شوفو كيف صرت وانتم خلكم كذا دببه !
ضحكت داليا بقوه وهي تبعد الكم عن يدها : تشوفين اللمعه انتي وياها والله اني قطنه و توحيد اللون شوفي شوفي
مرام ضحكت : يلا اتخيل اشكالنا يوم العرس بنطلع شق
ابتسمت نجد بفخر : اكيد حبي اكيد
داليا تنهدت : نجد
التفت نجد عليها : سمي ؟
داليا ضحكت : بعض الناس جاها واحد رجال بمعنى الكلمه تقرين معاني الرجوله من جلوسه و تقدم لها اكثر من مره و رفضته وش رايتس بهم ذولا ؟
ضحكت نجد بقوه : ايه قلتي لي ، التفت على مرام ، من جدك مرام ترا زين والله ادري انك خايفه بس مب لدرجة ترفضينه انتي استخرتي ؟
مرام تنهدت بضيق : ايه استخرت و ارتحت مره بس قلت لابوي اني ما ارتحت من الخوف الي فيني احس الزواج يخوف و مسؤوليه كبيره يختي
ابتسمت نجد : شدعوه ياقلبي مالك داعي ترا عادي واضح الرجال انه زين و عندك مليون دليل والله وبالذات جاب ابوه يراضي ابوك هذي بحد ذاتها دليل انه يبيك و شاريك وافقي يا بنت الحلال و اتركي عنك الخوف خلاص
ابتسمت مرام براحه : ان شاء الله يصير خير اذا رجع تقدم بوافق
نطت داليا بفرحه كبيره : اححححححلللففففيييي !
ضحكت مرام بصدمه : اي والله ان شاء الله بوافق
حضنتها داليا بقوه : و اخيرا يعني بيصير عندي اخت متزوجه ما بغيتي يا بنت الحلال
نجد ابتسمت : ان شاء الله ما يصير الا كل خير ، الا اصبرو المشغل كل شي وش بيصير عليه يبنات !
ضحكت مرام بقوه : اسكتي اسكتي يبنت الحلال وربي انو ضعنا ضيعه مو طبيعيه لو تدرين عن حالنا الفتره ذي تموتين ضحك ما صرنا نجلس بالبيت نركض يا على فساتينا ولا على تخرجنا بس الحمدلله قدرنا نخلص كل حاجه و عبدالله بعد مصخم طاير بشقته ياثثها و طاير بين تجهيزات القاعه و حرفياً تعرفين وش معنى ضايعين مو طبيعي البيت كله كان مستنفر بشكل مو طبيعي يا بنت الحلال بس زين ان عبدالعزيز موجود يمسك عن عبدالله اشياء كثيره وربي وقف معاه و مسك تجهيزات القاعه والعشاء و العرس كله مسكه
ضحكت نجد : اكيد هذا اول ولد يعرس عندكم بتضيعون اكيد
داليا تنهدت : الفستان لحاله طلعو روحنا مترنا خطوط الحفر ما لقينا شي زين هنا بالديره لين ما رحنا يمّ الحفر و المولات و الحمدلله ياربي لقينا بعد عناء تخيلي ثلاث ايام ورا بعضها بالسوق نركض ندور فستان و كعب و يلا خلصنا الحمدلله وربي حرفيا كان عناء عسا العرس بس ينتهي على خير
ابتسمت نجد : اي والله والله يوفقهم كيوت عاد نوير و عبدالله احسهم لايقين مره !
ضحكت مرام : اي والله ، الا انتي جهزتي ؟
نجد وهي تلعب بشعرها : الحمدلله خلصت كل شي ما بقى شي لي بسرعه خلصت اصلا !
ابتسمت داليا : وناسه احس ياربي متى يجي العرس بس !
ضحكت نجد : ابي ارقص لين ما رجلي تطيح
مرام ضحكت : اكيد وربي غير احلل ابو العرس
ابتسمت داليا : عسا بس ربي يوفقهم و يتمم عليهم
ابتسمو مرام و نجد : اميين
وكملو سواليفهم عن العرس و تجهيزاته وش بيسوون فيه
فجاه رن جوال مرام و كان المتصل لمياء رفعت الجوال
ردت مرام بابتسامه : هلا لمياء
لمياء بصوت ضايق : هلابتس مروم
مرام ابتسمت : سمي امري بغيتي شي ياقلبو ؟
لمياء بضيق : انتي تدرين ان مطلق شاعر و قصايده كلها بتس ؟
مرام شهقت بصدمه : ياغببصصصه انتي وش دراتس من قالتس طيب و كيف عرفتي !
لمياء بضيق : حبيبتي المشكله مب هنا المشكله اني مب انا بس الي ادري الديره كلها تدري وكلهم يتكلمون بتس و به
مرام بضيقه وهي مكتومه : طيب قولي وش يقول بي !
لمياء ضاقت وبدت تقولها عن قصيدة مطلق الي كلها حزن و عتاب لـ مرام ابتدت تكلم بصوت ضايق :