حبيبتي نـجَـد

Part 7

-
الســاعـه ٠٠ : ٤ صَ

قام ابو عبدالله كالعاده وتوضى وراح دق باب البنات عشان يقومون يصلون وطلع للحوش وهو متجهه يمّ غرفة العيال طبعآ فك الباب على كبره ولع اللمبات وطف المكيف وقام ينهادهم
ابو عبدالله : يالله يالله قومو قومو صصلوووو قببل لا ينصصلى علييكم يالمتسحدييين يالله الله يهداكم
راح ابو عبدالله يمّ المسجد وترك العيال للحين متسدحين
فيصل : لا اله الا الله ماني قادر اقوم احس جسمي متكسر بشششكلل
عبدالله : انا احس اني خلاص انتهيت جسمي كله يعورني
عبدالملك : اخ حتى انا احس رقبتي ملوّيه تعورني وربي
عبدالعزيز : ياربي وانت ربي كل شي فيني متكسر ماني قادر اتحرك
عبدالملك : اخ كلنا متمصعين تمصع
عبدالله : الله يقلع بليسك ياملوك هههههههههههههههههههههههههههههههه
عبدالملك : ملوك بعينك مين ملوك اسمي عبدالملك
فيصل قام : اخ قومو بس لا يجي ابوي يمحطنا تمحط
عبدالله : اي والله يلا قومو
قامو وهم بل يالله يالله يمشون من تعب أجسامهم توضو وهم لأول مره ما يتحارشون
عبدالملك : حلاله من جقمك يا فيصل وخلاك تعرف كيف تاخذ نعالي نزلهم قلعه تقلعك
فيصل : اقول الخلا بس والله ما انزلهم لو تموت
عبدالملك قام يناقز وهو منقهر : ابي نعالي جبهم يالسلوقي لا تخليني الحين افصل عليك
عبدالله : اووه لا تصجونا ترا حنا يالله نتحمل إنفسنا ناقصينكم والله
عبدالملك : خله يجيب نعالي التسلب ذا
عبدالله : خلاص فيصل عطه نعاله فكنّا منه لا يغثنا
فيصل وهو يحذف النعال : خذ خذ الله ياخذك
عبدالعزيز وهو يضرب فيصل : بسم الله عليه عوذا
فيصل وهو يضرب عبدالملك : بسم الله عليك
عبدالله : مهبل وربي امشو بس خلونا نصلي
عبدالملك وهو يحضن فيصل : اخوي العزيز يخاف علي الله كيوت
عبدالعزيز : وشو كيوت؟
فيصل : يعني شي لطيف
عبدالله : اقول انت وياه اتركو بعضكم ما جاكم الحب إلا الحين الشيبان يناظرونكم
عبدالملك وهو يترك فيصل : عوذا من منك ومن الشيبان
عبدالعزيز وهو يضرب عبدالملك : اص اص
دخلو المسجد وجلسوا وعبدالعزيز كعادته يقرأ قرآن وعبدالله يستغفر وعبدالملك كذلك يقرأ قرآن وفيصل للأسف نسى نفسه ونام وقام على رضخّة رجل عبدالله وهو يصحيه بعد ما شاف نظرة ابوه له قام فيصل وهو يتلوّى من الرضخّه الي جته وعبدالعزيز وعبدالملك قامو يضحكون عليه
عبدالله وهو يحاول يسكتهم : اص اص انت وياه لا ارضخكم كلكم الحين
سكت عبدالعزيز وكمل قرآن بس عبدالملك الي عجز يسكت حاله كل شوي يضحك ويحاول يغطي حاله بشماغ فيصل الي جنبه
عبدالله : عبدالملك تلايط لا تفشلنا اص خلاص
عبدالملك وهو يشاهق من الضحك : عجزت عجزت
-
ابو ناصر عند ابو عبدالله : عيالك عجيبين ياخي هههههههههههههه
ابو عبدالله : ايه بإذن الله بعلمهم العجب
ابو ناصر : لا يا ابو عبدالله لا تقسى عليهم وكلش الا عبدالعزيز ابد تراني اغليّه بالحيل
ابو عبدالله : يا ابو ناصر والله عجزت فيهم ابيهم يصيرون رجال ثقال يعرفون الثقل مب زي كذا والتفت يمّ عياله بالله شف شف هذا قام يتلوى من الضحك وشف هالشيبان كيف يناظرونهم ويناظروني
ابو ناصر : معليك هو انت ليّا رجعت لا تهاوشهم فهمهم ان ما يصلح الضحك بالمسجد
ابو عبدالله : يصير خير ان شاء الله ، خلنا نكمل قراءه اشغلونا
ابو ناصر : اي والله
-
واحد من شيبان الديره اسمه ابو غزيل : هي انت وياه ورا ما تصكون حلوقكم ترانا بمسجد
عبدالله : معليش يا عم اعذرنا
عبدالملك : وانت وش تبي منا؟
ابو غزيل : وش قلة الحياء ذي ترد علي بأسلوب تسذا وانت مقلق راحة المصلين انقلع ببيتك صل لا تجي هنا تغث الناس
عبدالملك : والله الي يحترمني احترمه وبعدين مب انت الي تحرم الناس من بيوت الله
عبدالله : خلاص خلاص حصل خير
عبدالعزيز : اقول يابو غزيل ترانا حاشمينك عشان كبر سنك ولا كان لنا رد ثاني
ابو غزيل : ايه واضح ماشاءالله الاحترام هالسلوقي يرد علي وهو رافعٍ راسه انا كلامي مب معاكم كلامي مع ابوكم شكله ما عرف كيف يربيكم ويخليكم رجال
عبدالملك : لا الحمدلله ابوي ربنا ازين تربيه وطلعنا ارجل من ناس واجد نعرفها
ابو غزيل : وشو يعني تقصدني؟
عبدالله : يابو غزيل خلاص عاد ماحد قصدك وانت الله يهديك بعد لا تجلس تكلم بنا
دخل الإمام وهو متأخر واعتذر عن تأخيره
ابو غزيل : لا بإذن الله انا كلامي مع ابوكم
محد رد عليه وتجاهلوه وقامو عشان يصلون ، كبّر الإمام وكبّرو المسلمين معاه وصلو