حبيبتي نـجَـد

Part 28

-

الــســـاعـه ٠٠ : ٥ صَ

فتح الباب ابو عبدالله عشان يصحي العيال لصلاة الفجر : يلا ياعييييياللل قووومممموووووو صصصلاه صصلاه
قام عبدالله وهو يمسح وجهه وفيه نوم : سم سم
التفت ابو عبدالله و شاف فيصل مب موجود والتفت على عبدالله : تهاوشتو ؟
عبدالله تنهد بضيق : ايه
ابو عبدالله عقد حواجبه وبعصبيه : وليش الله يهداكم كم مره انا اقول لا تهاوشون انتو مع بعضكم انا اعرف احل المشكله و بذات فيصل لا احد يكلمه غيري تعرفونه صعب ما احد يقدر عليه ما اقول غير ربي يهداك بس !
عبدالله تنهد : ابشر سم
راح ابو عبدالله للمسجد وهو متضايق و قامو العيال لدوراة المياه يتوضون و بعد ما توضو و خلصو راحو للمسجد
و لقو فيصل يصلي جنب ابوه و هم قامو يصلون بالصف الثاني ، سلمو و انتظرو لين ما ابوهم قام و قامو معاه وكان فيصل جنب ابوه و العيال وراهم جو و راحو يفطرون
ابو عبدالله ابتسم : اليوم اول يوم داوم يا عبدالله ما اوصيك شد حيلك ياوليدي عاد
عبدالله ابتسم بفرح : ابشر من عيوني
التفت ابو عبدالله لعبدالعزيز : اقول انت طميهيّر ما ودك تعرس بعد ؟
ضحك عبدالعزيز : قريب ان شاء الله قريب
ابو عبدالله انصدم : ماشاءالله ومن الي تبغاها ؟
عبدالعزيز استحى : الي ابغاها يا يبه منا وفينا
ابو عبدالله بحماس وهو عارف كل شي : مين ؟
عبدالعزيز : نجد بنت عمي سعود
ضحك ابو عبدالله : نجد مطوله يا ابوك وبعدين نجد ما هيب راضيه بك ابد بنتً تبي وحده من نفس طبقتها
نقز عبدالعزيز و بحماس قال : لا لا يبه راضيه فيني و تبيني
عبدالملك و مرام شرقو بالاكل و ماتو ضحك على عبدالعزيز
عبدالله وهو جنبه قرصه بخفه وهو يهمس : وجع يالبزر اثقل
ابو عبدالله عقد حواجبه : وش دراك انها بغايتك ؟
عبدالعزيز ابتسم : يا يبه ياحبيبي يعني نجد بنت عمي و اعرفها و شفها مع خواتي ماشاءالله علاقتهم قويه مع بعضهم و تحب الديره و معليها بنت سنعه و محتشمه وما بلاقي مثلها ومع نفسه ( اي والله ما بلاقي مثلها الي خطفت قلبي خطف ) و بعدين يا يبه ما بغيت اخذ من بعيد يعني ابي وحده منا وفينا
ابو عبدالله هز راسه برضى : يصير خير ان شاء الله هي هالسنه تخرج صح ؟
داليا بحماس : اييه اييه يبه هالسنه باذن الله تخرج
ابو عبدالله ابتسم : اجل على خير
عبدالعزيز قام وقال : اكرمكم الله
و طلعو وراه العيال بالحوش و لقوه ينط و يركض بالحوش
عبدالله وهو ميت ضحك : يلا لا تبلانا اعوذ بالله هذا وشو كل ذا حب يا اخوي اعتق نفسك يارب نوير تحبني زي عزوز
ضحكت مرام : ما يحتاج تدعي ياحبيبي هي حابتك بدون لا تدعي ابد
ضحكت داليا : اييه يا حبيبي وبعدين ياروحي ترا نعرف انك تحبها بس مسوي ثقيل
التفت عبدالله وعقد حواجبه : وجع انتي وياها فضحتوني
ضحك عبدالعزيز وهو يشيل داليا و يدور فيها بقوه : اخخخخخيييييييرررررااااااا اخخخخخييييييررراااااا
داليا ضربته بقوه : وجع يالمخبول نزلني نزلني اخلص ياويلي راسي يعورني اهخ
نزلها عبدالعزيز و رجع يركض و يضحك وهو يحمد ربه بفرحه توسع الدنيا كلها ، الجمه و وقفه ابوه الي جاء
ابو عبدالله عقد حواجبه وضحك : اعوذ بالله و الجنان ياربي كل ذا خبال ولا عشانك بتزوج لو اني ادري انك بتسوي كذا و بتفرح هالوّن كان زوجتك من زمان و خلصت منك
ضحك عبدالملك : اي والله كان زوجناه نجد من زمان
التفتو عليه العيال كلهم بصدمه وكذلك ابو عبدالله ، عبدالملك حس على نفسه انه جاب العيد و سكت و كتم ضحكته
التفت ابو عبدالله على عبدالله : يلا انت ياوليدي رح البس و تجهز لا تاخر عن دوامك يلا
ابتسم عبدالله وراح يتجهز : ابشر
التفت ابو عبدالله على العيال : و انتم يالسملق دام ما عندكم شيّن تسوونه امشو معاي يمّ العزبه اكرفكم
عبدالملك بتمثيل : ودي اجي معاكم بس والله ..
ابو عبدالله قبل لا يكمل كلامه : اقول بس سد فمك  و هالحين تمشي قدامي وانت ما تشوف الطريق يلا !
عبدالملك عقد حواجبه : طيب يبه بطني ابي امي تسوي لي مرمريه تكفى بطني تعورني و امس باليل قلت لامي بطني تعورني و قالت نم و بكرا اسوي لك مرمريه
ابو عبدالله بعصبيه : عبدالملك بتشمي طرقٍ عن خشمك ولا شلون يعني ما اعرف تسذبك انا !
عبدالملك كان بيستسلم بس جت امه وهو عارف انها بتشبك معاه و ضحك مع نفسه وقال : هذي امي اسالها اذا ما انت مصدقني !
ام عبدالله عقدت حواجبها : وشوه شبلاكم ؟
ابو عبدالله التفت لها : ولدتس يقول ان بطنه يعوره صدز ؟
ام عبدالله رفعت حاجبها وعصبت من كذب عبدالملك بس ما هان عليها تفضحه و تاففت وقالت : اييه بطنه تعوره و بسوي له شيّن يهجد بطينته
ابو عبدالله تنهد : ايه خلاص تقلع يلا فيصل وعبدالعزيز تعالو معاي
عبدالملك ضحك : طيب مافيه سلامات وليدي تقلع علطول ؟
ابو عبدالله ابتسم وضحك : ودك تتمحط بالهخيزرانه ؟
ضحك عبدالملك بخوف : لا لا خلاص ما ابي لا سلامتك ولا هم يحزنون يعطيك العافيه بس اهم شي الخيزرانه توخر عني
ضحك ابو عبدالله والعيال معاه وطلع عبدالله وهو ما هو داري عن شي بس عارف ان الموضوع به هواش بين عبدالملك و ابوه و ابتسم وراح شغل السياره و توجهه لشغله الي كان محل حق عطور ، وصل و توجهه يمّ المحل
دخل عبدالله والتفت على الموظف الي معاه : ياسسر يا مرحبا والله يا هلا ومسهلا
ياسر التفت بصدمه و طلع له يحضنه وضحك : هلاببكك يا بعدي اخبارك و شلونك ؟
عبدالله ابتسم : والله بخير و على ما يسّرك انت شخبارك يا ولد علومك علمي بك يوم زواج اخوك رشيد من بعدها ما عاد شفتك بمكان شدعوه غاط ؟
ضحك ياسر : لا بس تعرف يعني الواحد ينشغل بحياته انت وش جايبك هنا ، سكت شوي بعدها شهق وقال ، لا لا تقول تشتغل هنا ؟
ابتسم عبدالله : هالله هالله اشتغل هنا و ابشرك بعد ابعرس
ضحك ياسر بصوت عالي و شهق وحضنه : مبروك مبروك يارب الله يتمم لك على خير واخيرا يا عبود ما بغيت تزوج يا اخوي عسا ربي يبارك لك يارب بزواجك
ابتسم عبدالله وشد عليه : يابعد قلبي انت اللهم امين وياك يارب والعقبال لك يارب
ضحك ياسر: حرام عليك عمري ١٩ اصبر شوي علطول تبي تزوجني !
ضحك عبدالله : حتى ولو عمرك ١٩ رجال رجال معليك
ابتسم ياسر : ياقلبي انت لا خلى ولا عدم
عبدالله مبتسم و يسولف مع ياسر وهو مستانس بس صدمه دخول مطلق ولد ابو مطلق الي ابوه معاديه وسكت
مطلق منصدم : السلام عليكم
عبدالله عقد حواجبه : عليكم السلام
ياسر تنهد بضيق وهو نسى يقول لعبدالله عنه : عليكم السلام هلابك مطلق وراك ياخوي طولت هالمره ؟
ابتسم مطلق : والله تاخرت بالنومه شويات
خلوني اعرفكم على مطلق
-