حبيبتي نـجَـد

Part 12

-

جت ام عبدالله وهي معاها الدّله : دللووو يممه تتعالي بسسّاع
جتها داليا تركض : هلا يمه أمري
ام عبدالله مدت لها الدّله : خوذيها يابنيتي غسليها
داليا اخذت الدّله : تمام ماما
راحت داليا تغسل الدّله و نجد كانت تتمشى بالبر ومرام تشتغل مع ام نجد يسوون مصابيّب
جاء عبدالله : هلا والله خاله حصه اخبارتس شلونتس شخبارتس والله اني مشتاق لتس بالحيل
ام نجد قامت : هلابك ياعيوني بخير نحمد الله اقسم بالله مب كثري ماشاءالله كبرت والله غديّت رجال
عبدالله ضحك : افا يا خاله اجل انا قبل وش كنت؟
ام نجد ضحكت : كنت ها ها رجيّل
مرام ضحكت : لا معليتس غدّى رجال وترك المهياط و الزحف و زان و زانت علومه
ام نجد ابتسمت : صغير ولا كبير كله حلى
عبدالله ابتسم : ياحياتي انتي تسلمين
ام نجد : يسلمك يارب
عبدالله : اقول مرام انا بروح هالحين للبقاله ليّا احتجتو شي كلميني
مرام : تمام
عبدالله : يلا اجل انا استأذنكم مع السلامة
ام نجد : اذنك معاك ياحبيبي
مرام : خاله عطيني الزيت
ام نجد عطتها الزيت : يازينه يا هالعبدالله حليّل وطبعه حليّل ودي ازوجه نجد والله
مرام التفت بسرعه : لااااا ابدا لااااااا ولا تفككريين خاله تككفيين
ام نجد استغربت : بسم الله شبلاتس انتي؟
مرام : لا تزوجين نجد عبدالله
ام نجد : وليش ان شاء الله؟
مرام حكت رقبتها : والله يا خاله مدري شلون اقولتس الحين؟
ام نجد : لا تستنفرين طاقتي بسّاع قولي لي
مرام بهمس : اييه عبدالله يحب وحده ويعشقها مره و ناوي يتزوجها قريب
ام نجد حطت يدها على راسها : عوذا اسم الله عبدالله عبدالله طلع عنده هالسوالف وخزيّاه
مرام ضحكت و مع نفسها : ياربي شوهت سمعته بس يلا عوافي اهم شي ما تزوجه نجد ولا عبدالعزيز بيذبحه بمكانه
ام عبدالله : يلا يا دالييا ما صاررت كل ذاا تغسلينها ؟
داليا جت ومعاها الدّله : هاتس هاتس
ام عبدالله بدت تسوي القهوه وداليا جلست عند ام نجد ومرام تسولف معاهم
ام نجد وهي تناظر نجد : ياربي هذي وين بتروح مهبوله لا يصير بها شي ، دلويه روحي ناديها ياعيني
داليا قامت : ابشري خاله
راحت داليا يمّ نجد : خالتي تبيتس
نجد : وش تبي فيني؟
داليا : مدري عنها والله روحي شوفيها
نجد زفرت بضيق : ياربي طيب الجو ما يتفوت ابي اتمشى
داليا : تعالي اوريتس نيقانا
نجد : منجدك؟
داليا : اي والله من جدي امشي بتستانسين
نجد : مدري والله بس يالله تمام
راحو نجد و داليا يمّ شبك الغنم و كانت جلسة الرجال مقابلتهم ، دخلو الشبك وبدو يشوفون النياق
نجد راحت يمّ ناقة عبدالعزيز : الله ذي شسمها؟
داليا ضحكت : لو قلت لتس بتطيرين من الفرحه
نجد : امانه شسسمها؟
داليا : اسمها نجد
نجد انتفضت : تمززححيين؟
داليا : وقسم بالله
نجد ابتسمت : الله تهبببل
داليا : انتبهي لا تنجفتس بس
نجد : بركبها
داليا : مهبوله انتي تبين تكصم ضلوعتس؟
نجد : تراني خيّاله على فكره يعني متعوده عالامور ذي لا تخافين
داليا : اجل براحتس
نجد : طيب اللجام وينه؟
داليا : وش اللجام؟
نجد : ياربي كيف اوصف لك اوكيه تعرفين الحبل الي نحرك فيه الجمل؟
داليا : اها قصدتس السراج
نجد : شنو السراج لا ياعيوني اللجام
داليا مدت لها اللجام : هاتس هاتس بس
نجد بدت تركبه على الناقه : يالله بسم الله
داليا خايفه عليها ونجد سمت وركبت وشافها ابو عبدالله
ابو عبدالله : ياويلي ذي وش تسوي؟
ابو نجد ضحك و بصراخ : عاششتتت بنننتتييييي
ابو عبدالله : مهبول انت لو طاحت وتكصمت ولا لو شافها احدٍ من الرجال؟
ابو نجد : معليك معليك نجد بنيتي خيّاله واذا شافها احد عادي لا هي مسويه شي عيب ولا حرام
شافها عبدالعزيز وعيونه طارت وفز قلبه وهو يناظرها ويبتسم ويضحك ويحاول يخفي ضحكاته بشماغه عشان ما ينتبهون له
ابو عبدالله : ياويلي ما تغار على محارمك انت؟
ابو نجد : يا وخيي هذي ماهي بـ غيره اني احرمها من اشياء طبيعيه هذا مرض عقلي اني احرمها بدافع الغيره ما يصلح ابدآ
عبدالله ابتسم : للأبد يا عمي احب كلامك وعقليتك
ابو نجد : شكراً شكراً ياحبيبي
عبدالله : عفوآ ياعمري
عبدالملك : بس ماشاء الله عليها ركوبها صحيح
عبدالعزيز التفت قبل لا ينطقون الناس : ليش ان شاء الله وانت تناظر بها ما تستحي يالسلوقي؟
عبدالملك انصدم : بسم الله شبلاك؟
عبدالعزيز عصب : اقول بس نزل نظرك عيب استح و ان شفتك تمّقل بها والله لا اشلع عيونك من مكانها
ابو عبدالله : وهو صادق اخوك عيب لازم تغض بصرك عن الحرمه
ابو نجد : بسم الله شفيكم اكلتوه ما قال شي قال بس ركبوها صحيح
عبدالعزيز قام وهو معصب وعبدالله قام وراه علطول
عبدالله : بسم الله شبلاك قمت؟
عبدالعزيز بعصبيه : يرحم لي امك سد فم عبدالملك ذا لا ادوس على راسه خير ان شاء الله يمدحها ولا قدامي بعد قدامي شكله يبيني ادفنه وهو حي !
عبدالله ضحك : يالمهبول كل ذا بس عشانه قال ركبوها صحيح ياويلي يا عبدالعزيز حتى على خواتك ما غرّت كذا !
عبدالعزيز وهو يمسح على دقنه : انا قلت لك سد فمه سد فمه ترا والله تعرفني ما اتحمل ابدآ ياخي
عبدالله : خلاص خلاص انت هّد بس وكل شي ينحل لا تخاف بإذن الله
عبدالعزيز : استغفرالله ياربي
عند نجد الي بدت تمشي بالناقه : ييممه يخوف
داليا : ها ذلحين لقمتي يا مصخمه
نجد : لا يا بنت الحلال بس قصدي انو من زمان ما ركبت خيل عشان كذا احس اني متوتره
داليا ضحكت : حبيبتي تراتس راكبه ناقه مب خيل
نجد ضحكت : ايوه معليش خانني التعبير والله
نجد مرّت من عند ابوها : بابا شففننييي
ابو نجد وهو يصورها : الله يحميتس يا بابا
داليا حزنت شوي يوم شافت ابو نجد وتعزيزه لـ بنته وهي ابوها كل شي عنده عيب وما يصلح وش بيقولون عنا الناس بكرا ، صدق انها حزنت بس ابدا ما حسدت نجد على ابوها وبالعكس فرحت لها
نجد : دلو شرايك تركبين من بعدي؟
داليا : لا ياحياتي ما اقدر
ابو عبدالله بعصبيه : لا انا بناتي ما يركبون نياق و يتمشون بهن ما عندنا هالسوالف
نجد ضاقت ملامحها بس ابو نجد أشر لها بمعنى لا تهتمين وضحكت وراحت تمشي وراها ابو نجد يصورها وهو يضحك
عبدالملك : يبه شدعوه قلت للبنيه كذا ؟
ابو عبدالله : خلها تعرف كيف تستحي قدام العرب تمشي بالناقه ولا همها احد ماشاءالله ولا والابو يصفق لها مكيّف وتبي اخليها لها تخلي بنتي تصير شروّاها اكيد لا
داليا : شدعوه بابا عادي احس
ابو عبدالله : لا طبعآ ما هوب بعادي
داليا بكسرة خاطر : طيب
عبدالملك شافها منكسر خاطرها : دلو تعالي معاي
داليا راحت وراه : هلا
عبدالملك : ضاق صدرك من كلام ابوي؟
داليا : لا ذا ابوي متعوده عليه وش اسوي يعني !
عبدالملك : ياحياتي انتي بس ابي الي تفهمينه انو الكل يعرف الفرق الشاسع بين ابوي و عمي سعود فـ لا تستغربين ترا عمي سعود كأن عايش عمره كله بالرياض وتربى بالرياض الا ابوي عاش بالديره وتربى على طبايعها و عاداتها عشان كذا تشوفين ابوي و عمي مره بينهم فرق عمي واعي و فاهم و ابوي شخص تربى على العادات والتقاليد !
داليا ابتسمت : ياعيوني انت ادري وفاهمه والله
عبدالملك حضنها : ياقلبي انتي
جاء عبدالله : خوش خوش وانا مالي حضن؟
جته داليا تحضنه : ها حضنتك لا تزّعول
مرام جت : شوفو جبت مصابيب
عبدالملك مد يده يبي ياخذ : الله ابي
مرام وخرت الصحن عنه : يالمشفوح خير ان شاء الله تقلع يلا بس سويته لأبوي وعمي مب لك
عبدالملك : يالحيوانه حبه ما تضر
مرام : اقول بس يلا مناك
عبدالملك يلحق وراها : عطييينييييي
مرام : باحلامك الورديه
عبدالملك قام يركض ومرام قامت تركض تهّج عنه
وراهم العيال يضحكون
جت مرام تركض يمّ الجلسه وحطت الصحن وجاء عبدالملك يبي ياخذ
مرام : والله ما تاخذ
عبدالملك : اقسم بالله لا اخذ
مرام : ورب الكعبه ما تاخذ الشغله عناد انا عشقي العناد حبيبي والله ما تمّسه يلا بس
عبدالملك : يالتسلبه عطيني ما تسوا علي حبه وجعوه يالحيوانه !
ابو عبدالله : اسم الله اسم الله شبلاكم انهبلتو
عبدالملك بتحلطم : يبه شف بنتك ذي معيّه تعطيني حبه وحده من هالمصابيب
مرام : اي والله ما تذوقها يلا طس عني
ابو عبدالله : مرام بلا خبال وخلي اخوتس ياخذ منهن
مرام : يبه لا ما ابيه ياخذ منهم
ابو عبدالله بعصبيه : انا قلت لتس ياخذ يعني ياخذ لا تكسرين كلامي
مرام نفست وراحت وتركت الصحن
عبدالملك اخذ حبه وهو يقول : ما تسوا علي هالحبه والله
داليا ضحكت : ابلع ابلع بس
عبدالملك : خلاص ما ابي يلعن بليسها حاسدتني عليها كلها حبه وش بتضرها فيه
داليا : عاد مرام وش تسوي بها هي كذا ربي خلقها
عبدالله ضحك : اليوم عدوتها بتجي كيف تبي تكون أخلاقها هي زين ما صفقتك بس
عبدالملك : النفيّسه بتجي اليوم صح يووه نسيتها
داليا : ياربي يا كرهي رافعةٍ خشمها تدبل التسبد
عبدالله : مو تدبل التسبد بس الا ترفع الضغط ياشينها شيناه عجزت اتقبلها هي و شمعوطه ذيتس
عبدالملك ضحك : من شمعوطه؟
داليا ضحكت : من غيرها يعني نجد
عبدالملك : افا اسكت لا يسمعك عبدالعزيز اقسم بالله يدفنك بمكانك
عبدالله غمز له : واضح مين الي كان بيندفن بمكانه عبدالملك : وش قلت انا قلت ركوبها صحيح ما قلت شيٍ ثاني بس اخوك يفسر الشي على مزاجه
داليا : ليش وش صاير؟
بدا عبدالله يشرح لها وهو ميت ضحك
عبدالملك : تشوفين مب انا الغلطان !
داليا : ياويلي ما توقعت عزوزه ذا يطلع غيور لهدرجه
عبدالله : ايه حبيبتي غيور بس ما تطلع غيرته الا على نجد
عبدالملك : هو الحين زعلان مني؟
عبدالله : احمد ربك انه ما رضخّك ياحياتي
عبدالملك تافف : ياربي اراضي مين و اخلي مين؟
داليا ضحكت : عز الله البلشه والله
نجد جت و دخلت الناقه بالشبك و قعدتها ونزلت
لقت عبدالعزيز متلثم وجالس بالزاوية
نجد لوّحت بيدها له : سلام
عبدالعزيز ابتسم وعيونه تلمع : وعليكم السلام ياهلا
نجد ضحكت : ليش قاعد هنا؟
عبدالعزيز وخر الشماغ : لاني احب المكان ذا مره اذا تضايقت او زعلت
نجد : افا متضايق من وشو؟
عبدالعزيز ضحك ومع نفسه : عشانتس متضايق ما ابي احد يناظرتس ولا حتى ينطق اسمتس غيري ابيتس لي انا لحالي ما ابي احد يشاركني فيتس ابي احطتس بقلبي واسكر عليتس بس ذا الي ابيه والله
نجد طقت أصبعها : هلو هاي عبدالعزيز انت معي؟
عبدالعزيز قام : ايه معاتس معاتس
نجد : ما قلت ليش شفيك متضايق؟
عبدالعزيز ابتسم : كذا متضايق
نجد ضحكت : اووه الإنسان يتضايق كذا بدون سبب واو صراحه اول مره اسمع هالمعلومه
عبدالعزيز ابتسم : اقول ما ودتس تطلعين؟
نجد : لا ذي طرده واضحه كذا تطردني هههههههههههههههههههههههههههههههه
عبدالعزيز : لا والله اخسي مية خسوّه اطردتس بس بصكر الشبك عشان ما يهجن !
نجد ضحكت : تمام تمام
طلعت نجد وهي تمشي مع عبدالعزيز : اقول عبدالعزيز اخوك اء اء اتوقع اسمه عبدالملك ..
عبدالعزيز انتفض : ايه شفيه؟
نجد ضحكت : شفيك شفيك خلني عالأقل اخلص كلامي طيب
عبدالعزيز : لا بس وش تبين فيه يعني؟
نجد : ايه وش يدرس؟
عبدالعزيز بنبره حاده : ليش يهمتس؟
نجد : لا بس مجرد فضول
عبدالعزيز مقدر يقسى عليها أكثر : يدرس هندسة إلكترونيات
نجد : ماشاءالله الله يوفقه
عبدالعزيز : ايه ، يلا انا استأذنتس بروح
نجد زل لسانها : الله معاك ياعمري
عبدالعزيز التفت وابتسم ابتسامه عريضه : ها؟
نجد مسكت فمها : اقول اذنك معاك اذنك معاك
عبدالعزيز ضحك وقام يركض يمّ العيال
نجد مع نفسها : اومييققادد ياويلي وش قلت انا والله اني مهببووووله
عبدالعزيز جاء يمّ العيال وهم يمسك يد عبدالله و يهزها بقوه وهو يضحك ومستانس : ععععبببددالله قاللتتت ليييييي الله مععاكك ياعمممري والله قالت ياعمري والله اقسم بالله اني ما اتخيل والله قالتها لي والله وقسم بالله
عبدالله انتفّض : بسم الله وشبلاك بعد؟
فيصل ضحك : وش وش وششوو قالت لكك ياعممرريي اعترف صارح هذا خلاص
عبدالملك ضحك : اقسم بالله مهبول وين اخوي الي ما تأثر فيه مرّاه ولا هم يحزنون اثاريك طلعت طقوع
عبدالعزيز : يالتسلب انا طقوع تهبى والله ! هههههههههههههههههههههههههههههههه
عبدالله : يعني هي ذلحين قالت لك شمعوطه الله معاك ياعمري؟
عبدالعزيز ضرب عبدالله : وجع وش شمعوطه تسب حبيبتي نجد قدامي؟
عبدالملك دف عبدالله : لا لا ياعبدالله قلنا امسك لسانك
عبدالله ضحك : ييوه زلت لسان معليش معليش
عبدالعزيز ابتسم : عوافي عوافي لك بشميها بس لاني مروق مره ، اقول فيصلوه وين سماعتك؟
فيصل ضحك : ليش وش تبي فيهم؟
عبدالملك ضحك : بيروح يسمع اغاني شيرين و أليسا هههههههههههههههههههههههههههههههه
فيصل صفق يد عبدالملك : شكله والله هههههههههههههههههههههههههههههههه
عبدالله و عبدالعزيز : من هذلن انتم وش تخثردزون؟
عبدالملك : خذ خذ سماعتي ابرك من سماعات فيصل كلها شمع اذنه تلوع التسبد وربي
فيصل ضرب عبدالملك بخفه : لا ياشيخ تراك انت اكثر شخص تستخدمها حالبهم حلب خف علينا بس
عبدالعزيز اخذ سماعة عبدالملك : يعطيك العافيه يا الزّلم
عبدالملك ابتسم : يعافيك يا وّلم
راح عبدالعزيز يتمشى بالبر ويسمع اغاني محمد عبدُه والعيال يناظرونه وهو يركض و مستانس ويذبون ويضحكون عليه