حبيبتي نـجَـد

Part 48

-

الـسـاعـه ٠٠ : ٦ مَ :

بيت ابو عبدالله يعمّ بالضجه و العالم كلها مشغوله بحكم ان فيصل و الجوهره بيجون الان ، وابو عبدالله مسوي لهم عشاء بسيط ولكن عازم بعض الجماعه
داليا وهي جالسه تفير شعرها : نجد شوفي الدرج الثاني هناك افتحيه بتلقين المناكير به
ابتسمت نجد : طيب طيب ، الا صدق نوير وينها ياخي ؟
ضحكت داليا : لا تساليني وربي من حملت وهي جالسه بشقتها لا تنزل ولا تطلع ولا تروح ابد مدري عنها
ضحكت نجد : بتدخل الاشهر الاخيره ياحياتي عليها
تنهدت داليا بعد ما انتهت من شعرها : ياربي ابي اقصه و ارتاح منه دبل تسبدي وقسسم بالله
ضحكت نجد بخبث وهي تغمز لها : تممم حتى انا والله ابي اقص شعري ، نسويها ؟
ضحكت داليا بقوه : ليش لا بس اصبري كذا بعد كم يوم نروح للمشغل و نجبعه ، بس انتبهي لا تقولين لاي احد لا لـ عبدالعزيز ولا اي مخلوق خليها مفاجاه لهم !
ضحكت نجد بتوتر وهي تناظر داليا وهي تحط المناكير : معليش دلو حبيبتي انا اسفه بس عبدالعزيز لازم اقوله و اعطيه خبر لانه زوجي ما يصير ما اقوله
تنهدت داليا بعصبيه وهي تسوي مكياجها : ياويلي نجيّد تنرفزين ترا ما حنا مسوين مصيبه و طامّه كبرا على فكره كلها بنروح نقص شعورنا عادي ترا !
ابتسمت نجد بعدم اهتمام : والله صادقه ياشيخه خلاص اجل نتفق على يوم نروح فيه ونقص
دخلت عليهم مرام فجاه وهي مصغره عيونها : وش تقصون انتي وياها ؟
ضحكت نجد بصدمه : بسم الله ياربييي مراممووه !
ابتسمت داليا بتوتر : بنقص اظافيرنا و نسوي بدكير وكذا
ابتسمت مرام وهي تنزل عبايتها : ايييه ، الله يستر بس منكن انتي وياها تخرعون صراحةً ما خلصتو ؟
ابتسمت نجد وهي تنفخ على اظافرها : الا انا خلصت خلاص بس كنت احط مناكير على يديني
ابتسمت مرام وهي تشوف شكلها بالمرايه واخذت روج من داليا وهي تضبط روجها : وقسم بالله ما يمديني حتى اسوي مكياجي ولا ازين نفسي ، مطلق على راسي خلصي خلصي دبل تسبدي ياربي بغيت كذا الخّه بس جتني لحظة ادراك انه زوجي مو عبدالملك ولا عبدالعزيز !
ضحكت نجد وهي تخصر : لييش لا يكون بس قبل كنتي تصفقين عبدالعزيز بس ؟
ضحكت داليا بقوه وهي تحط الماسكرا : يييوه يوه مالحقتي عليهم شكلتس ياما و ياما ، كانت تصفقنا كلنا اصلاً بس اكثر اثنين عبدالملك و عبدالعزيز المساكين الي يتصفقون منها ، و يييوووه ياربي لما تجيها الدوره تعالي شوي الاسلوب اتحداتس تحملينها بس ياربييي !
ضحكت مرام بقوه وهي تضربها بخفه : يالوصخه استري علي تراني اختس فضحتيني ما بقيتي شي ما قلتيه
ضحكت نجد وهي تربع : ايييه وانتي دلو وش كانت مكانتس بالبيت ؟
ضحكت داليا : زي اي مكانة اخر العنقود بالبيت ، مدلعه من بين الكل و مستثنيه كذلك وكل شي ابيه يجيني كنت مدلعه مره مدلعه بالذات من ابوي صراحه !
ضحكت مرام : من ابوي و بس لا ياحيياتي مدلعه من الكل وبالذات عبدالعزيز مره يدلعتس ما كان يناديتس الا حبيبتي و دلوعتي تذكرين ، تخيلي يانجد قبل مره بايام الشتاء داليا كانت زعلانه تبي هوت تشوكليت و ابوي يبي ينام وقالها خلاص بكرا اجيب لتس تاخر الوقت بنام انا و زعلت لانها تبيه ومشتهيته تخيلي تخييلي الوصخه قومت عبدالعزيز من نومه وخلته يوديها تشري كوفي وكان باخر اليل والناس كلها نايمه الشوارع فاضيه مافي احد بعد
ضحكت داليا بقوه : طبعاً عبدالعزيز ما كان يدلعني اصلاً كان مغرقني بالدلع مررره ، وكنت انا وياه تعرفين الي اثنين بسروال واحد وقسم بالله بكل شي نتشارك فيه وكل اسرارنا عند بعض و نفضفض لبعض اصلاً اول من اعترف لهم بحبه لك ، كنا انا وعبدالله انا كنت جالسه احل واجباتي نادني و رحنا ورا البيت وعلمني وقالي كل شي
ضحكت نجد بصدمه : اوف لهدرجه علاقتكم كانت كذا ماشاءالله تبارك الله ، معليش دلو بس اذا علاقتكم كانت كذا ما تضايقتي ولا حزنتي يوم تزوجت عبدالعزيز يعني ؟
ضحكت داليا باستغراب : طبعاً لا اقولتس حجيه انا كنت معاه دايم و اعرف قد ايش هو يحبتس يعني ، ليش اغار اصلاً بالعكس مستانسه مره لكم ولاني عارفه ان مكانتي بقلب عبدالعزيز مستحيل تتغير ابداً ابداً !
ابتسمت نجد بقوه : ياروحي انتو والله الله يخليكم لبعض
يارب و يحفظكم ان شاء الله
ابتسمت داليا بقوه : اللهم امين ياقلبي و يخليتس له ويخليه لتس يارب ، و نشوف عيالكم بعد ياحبي
ابتسمت نجد وهي تقوم مع مرام : اللهم امييين يارب
طلعو مرام و نجد من الغرفه ، عشان داليا تغير لبسها
خلصت داليا وطلعت بعد ما زينت نفسها وكانت لابسه لبس بارز جسمها وكل مفاتنها وماسك على الجسم بقوه
شهقت ام عبدالله بصدمه : اسم الله انتي وش هاللبس يامصخمتي ؟
ابتسمت نجد بقوه و شهقت بصدمه : ددللووو تبارك الرحمن وقسم بالله غززال وش هالجسم بسم الله عليك !
ضحكت مرام : يييمه عادي لبسها حلو اصلاً مرتب ويجنن و دلو جسمها يجنن ليش ما تلبس كذا اصلاً صح عليها انها تلبس كذا تراها بنت عادي يعني !
تخصرت ام عبدالله بعصبيه : اقول بس روحي البسي شيً سنع و حلو يسترتس ماهو هذا الي تازتس ومطلع كل تفصيله فييتس عوذا ياربي دخيلك
ابتسمت داليا بترجي : ماما قلبي لبسي يهبل و حلو شدعوه ترا مافيه شي يعني كلهم حريم عادي لا تكبرين السالفه تكفيين الله يخليتس يا مامي
تنهدت ام عبدالله : ايه بس عند الحريم ياويليتس اشوفتس تطلعين به قدام اخوانتس تفهمين ؟
ابتسمت داليا بتصنع : ابشري من عيوني الثنتين
راحت داليا وهي تدخل الصاله وترتب معاهم و البنات ميتين ضحك على ام عبدالله وعصبيتها ، وبدو يتجمعون الحضور لين ما اكتملت الصاله من الحضور ، بعد كم دقايق من السوالف و الضحك بالصاله سكتو كلهم من دخلت ام الفهد و وراها الجوهره و اعتلت اصواتهم بالترحيب ، جت الجوهره لابسه فستان وردي بناتي حلو جداً مع ذهبها ومكياجها بسيط جداً ومبين ملامحها ومخليها ناعمه و بسيطه و زادها جمال ، سلمت الجوهره على الحريم وجلست جنب امها وهي تسولف مع الحريم
ضحكت مرام وهي جنب داليا : بالله ذا لبس ؟
ضحكت داليا وهي تشوف الجوهره : بدينا يا مرام ؟
مرام عقدت حواجبها ولفت عليها : وششو !
ضحكت داليا بقوه : من الحين قمتي تغارين من الجوج على فيصل سبحان الله دارت الاحوال و الزمان ، تذكرين لما كنتي تقولين لي انتي مره مبالغه بغيرتك من نجد على عبدالعزيز وحرام نجد حليله ليش تسوين كذا ومدري ايش تشوفين دار بك الزمن و صرتي مثليي حسي ايه حسي ، وبعدين بصراحه الجوهره تجنن ماشاءالله و رزينه و ثقيله وشوفي ابتسامتها كيف تهبل ، وترا عادي بتغارين منها فتره كذا وبعدين تخطين زي ما انت تخطيت !
ضحكت مرام وتنهدت : بالغتي بصراحه دلو بالعكس انا ماني غيرانه يعني بس بصراحه لبسها يفشل و ذهبها بعد مو حلو مخييس مره صغير و هادي مره هادي عوذا و مكياجها هادي ما يدل على انها عروس ابد ياربي
ضحكت داليا وهي تهز راسها : اييه اييه ، كل ذا وما تغارين اجل لو تغارين ياوخيتي وش بتسوين بتقومين عليها و تقطعينها قطعه قطعه وربي !
ضحكت مرام وهي تضربها بخفه : ياوصصخخه !
ضحكت داليا بقوه وهي تقوم تصب قهوه للحريم وهي تعدل بشعرها على ورا ، وكل ما تمر من عند مراه تمدحها
ام ناصر ابتسمت بقوه : تبارك الرحمن عليك ياحلوتي جميله جميله فاتنه مذهله فععلاً رشاقه و جسم وخصر نحيل و طول و شععرٍ طوييل بعد اسم الله عليك من كل عين حاسد يارب ، ماشاءالله يا داليا مره جميله انتي
ابتسمت داليا بقوه : حبيبتي والله ياخاله والله الجمال و الزين كله نلاقيه عندك مانتي مخليه لنا شي !
ابتسمت ام ناصر بقوه : يسلممو
كملت داليا تقهوي الحريم ، وبعدها جلست وهي ميته ضحك على وجهه نوير المصدومه من كلام ام ناصر
ضحكت نوير وهي تلتفت عليها بصدمه : ياويلي ذي من جدها ولا تمزح تكفيين دلو وقسم بالله اشك انها معتله مختلفه عقلياً وربي ، معقوله هي الي كانت تحش و تسفل فيتس تقول كذا ياويلي اسم الله اسم الله ييممه تخرع ورب الكعبه مو طبيعيه هالمراه وربي !
ضحكت داليا بقوه : بتعرفين ليش تقول كذا ، انا خلاص فهمتها و درستها زين عرفت حركاتها صرت اسلك لها
عبدالله وهو يدق على نوير : الو
نوير ردت عليه : هلا ؟
عبدالله : اطلعي لي انتي و مرام
تنهدت نوير وهي تطلع مع مرام و داليا ، و طلعو وشافو انه جايب العشاء
ابتسمت مرام : جفففو اخوي يالبى بس !
ضحك عبدالله : جفوتس ياوخيتي لباتسس
ابتسمت داليا وهي تخصر : ماشاءالله نسيت ان عندك اخت ثانيه بعد ولا شلون ؟
ابتسم عبدالله وهو يحضن داليا بقوه ، ونوير عقدت حواجبها بعدم اعجاب وهي تلتفت على الاكل
داليا وهي حاضنه عبدالله التفت على مرام وعيونها متوسعه بصدمه من حركة نوير ، تركت عبدالله و راحت يمّهم تساعدهم و تحط العشاء معاهم
مرام ابتسمت : نونه حياتي استريحي ياقلبي ماله داعي تشيلين وتحطين ترا عادي حنا نحط العشاء
ابتسمت نوير بكلافه وهي تتركهم و تروح الصاله
ضحكت داليا بقوه : وش عندها ذي مبلجمه ؟
ضحكت مرام وهي تقرب من داليا بقوه وتلعب بشعرها : حبيبتي اصلاً تذكرين انا من قبل لا اتزوج من زمان ، يوم جينا ننام وقلت لتس اليوم حضنت عبدالله و نوير ناضرتني بحقاره و لحقتها وقلت لها ترا انا دايم كذا مع عبدالله و اخواني وفهمتها ، هي ما تحب احد يحضن عبدالله ولا حتى يمدحه ومرات تبين انو ايه ترا عادي وهي تموت من داخلها من الغيره و مرات لا تبين لنا انو لا انا ما احب احد يقرب لـ عبدالله اصلاً اتوقع قد قلت لتس انا يوم طقتها بوجهي يوم قالت لي مرام رجاءً عبدالله انتي و داليا لا تحضنونه ولا تقربون له تبون تضحكون معاه من بعيد لـ بعيد انا ما احب احد يحضنه و يقرب له ترا !
ضحكت داليا بصدمه وقوه : وش قلتي لها انتي طيب ؟
تنهدت مرام وهي توزع اللبن : مدري ما قلت لها شي سكت من الصدمه و اللخمه و تركتها و مشيت تعرفيني ما احب همجيات الحريم و اصلاً انا وقتها مره كنت متقروشه و مالي خلق لها و لسوالفها
ضحكت داليا بقوه : ياحليلتس يا مرام ماش مانتي بفاهمه سوالف الحريم على نياتس ، كان قايله لها اصلاً ذا اخوي قبل لا يصير لتس زوج وقبل لا تدخلين حياته بكبرها وعلميها من الي علم عبدالله و عرفه عليها لولاتس كان هالحين تحلم بعبدالله حلم ، كلنا نعرف انتس انتي كنتي تاخذينها معاتس دايم لما تطلعين مع عبدالله مشوار على اساس انكن تبون السوق وانتي تسذوبه انتي وياها ، تبون بس عبدالله يلتفت لـ نوير و يشوفها و نجحتو وانا اصلاً ما كنت ابي عبدالله ياخذها اذا بالصدق نوير ما تناسب عبدالله من الاساس صراحه !
ضحكت مرام بصدمه : وانتي ماشاءالله وش عرفتس بكل هالسوالف وكيف تدرين و تعرفين يمه منتس اسم الله
ضحكت داليا بقوه : ترا عيوني ماهي مسكره وعندي اذان و اسمع و اشوف واضحه حركاتكم مره اساساً حتى الحمار يعرف مبتغاكم وشو وليش ، عموماً مو وقت حش و سواليف الحين امشي نقلط الحريم على العشاء
ضحكت مرام بصدمه وهي تروح تقلط الحريم عالعشاء ، تعشو الحريم و خلصو وبدو يروحون لـ بيوتهم علطول
وجلسو البنات بس يسولفون و يتكلمون
ابتسمت ميار بقوه : ترا يوم عرسي تحدد على فكره !
شهقت داليا بقوه : امماننه مييرو متى متى ؟
ضحكت ميار : ان شاء الله بعد ثلاث اسابيع يوم الخميس لازم تحضرون كلكم ياببننات ياويل الي ما تحضر !
ضحكت داليا : ما يحتاج اقول اني اول الحضور صح ؟
ضحكت ميار : اصلاً انتي باخذتس معاي شدعوه !
ضحكت داليا بقوه وابتسمت وهي تحضنها : ياحياتي انتي الله يوفقتس و يتمم عليكم بكل خير يارب !
ابتسمو البنات و قامو يباركون لها بفرحه و حماس