حبيبتي نـجَـد

Part 60

الـسـاعــه ١٢ : ١٢ نِـصف الـيّـل
الـبـارت الـخـتـامي ، حبيبتي نـجَـد ❤️

—————————————————————

بعد ٣ شهـور يـوم الجـمعّـه ، بيـت ابـو عـبـدالله و الشتـاء دخـل عليـهـم :

الكل متجمع من حريم و عيال و احفاد وجالسين بالحوش مع الاجواء الشتويه ، الا داليا مو موجوده معهم
و مع السواليف و الضحك ..
ابوعبدالله تنهد : اقول يا عبدالله وانا ابوك ابغاك انت و عبدالعزيز على العصر تروحون تشيكون على العزبه من زمان ما احدً راح لها ، ولا شيّك عليها !
ابتسم عبدالله : ابشر ابشر يايبه
تنهد فيصل : اقول يبه بتروح لعرس طارق ولد ابو مطلق ؟
ابتسم ابو عبدالله : اكيييد كيف ما اروح ، كلنا بنروح باذن الله رجال و حريم !
ابتسم فيصل وهو يهز راسه : زييين اجل
جت داليا من داومها وهي حاطه اللابكوت على يدها وهي تدخل عليهم وتدور بقوه ، وبعدها وقفت وهي تسوي حبتين : دخول رايييق يسبب حرايييق !
صرخو مسعود و ذياب ومسك و زايد بفرحه وجو يمّها يبون يضمونها : عمممه
داليا فتحت يدها لهم : ييامممررحببببا كتاكيييتي
ضحك عبدالعزيز بقوه : لا اله الا الله ياربي تزوجت وللحين مهبوله مستحيل تعقل ، استغفرالله ياربي !
ضحكت داليا : يبو وجّد لا تطقطق علي ترا بتجيك بنت واستلمها والله !
نجد ضحكت : لا تكفيييين
فصخت نقابها داليا وهي تجلس : شخباركم ياهلي شعلومكم عساكم طيبين ؟
ضحك عبدالله : والله معلينا ياقلبي انتي شلونتس ؟
ابتسمت داليا : والله معلي الحمدلله ، ام تالا هييييه
التفت مرام الي حامل بشهرها الثاني ، و تتحوم على داليا : يالله داليا قومي روحي وربي كبدي تنحّام !
داليا طارت عيونها ، واشرت لها ام عبدالله تسكت
قامت داليا وهي تجلس قدامها : والحين وشلون كبدتس يابعد كبدي انتي ؟
ضحك عبدالعزيز بقوه : ياممهبببوله المراه توحم ، حرام عليتسسس !
قامت داليا هجت يوم شافت مرام مسكت شنطتها بتصفقها فيها ، وانهارو ضحك الكل عليهم ..
بعدها بدت التجهيزات و اجواء التجهيز للعرس مستحّله البيت ، الكل يتجهز بيروح للعرس من رجال و حريم

-
بـ شقة عبدالعزيز :

نجد وهي تعطر بعد ما خلصت من كل شي ، جاء عبدالعزيز وهو ينفخ على كسرة العّود عشان تشتعل
تنهد بضيقه : اسمعي انتبهي على نفستس تكفين انا طالبتس ، اجلسي و استريحي ولا تعبين عمرتس واهم شي يانجّدي اهم شي لا ترقصين ولا تمشين كثير !
ابتسمت نجد له بطمانينة : قلببي تطمن والله ما راح اتعب نفسي ولا برقص معليك والله ، ياحبيب قلبي انت
ابتسم بحنيه : تبين اسوي لتس شي اطلع عبايتس؟
ابتسمت نجد : ايي يارووحييي !
ابتسم بقوه وهو يحط يدينه على عيونه : من عيييوني هذي قبل هذذي ياشيخه تدللي يا ام وجد تدللي واطلبي !                                       
ابتسمت نجد بامتنان كبير وهي تشوف عبدالعزيز وحرصه عليها وكيف يداريها بكل حاجه ومتحملها بكل حالاتها , ولا عمره اشتكى او عصب من تقلبات نفسية نجد مع الحمل , تنهدت حُحب و امتنان كبير لربي انه يجازيها بشخص كذا : ياكبببببر الحححُب ياعزوز وقسم بالله انك انت عيوني الثنتين و روححي الي احيا بها وقسسسم بالله اني احبك فوق الحُب الي تتخيله يابعد طوايفي انت الله لايخليني منك وقسم بالله يانننننني اعششققك عششق ما تتخيله !
ضحك بقوه وابتسم , مع تقلبات نفسية نجد كانت تجيها مرات تصرح بحُبها لعبدالعزيز وتقوله عن كل المشاعر الي تحملها بداخلها  وياكثثثثر مايحب عبدالعزيز هالممرات ييدوخ فيها من ابتسامتها له ونظراتها له وعييونها تلمع من المشاعر الي بداخلها وهي واقفه وميّله راسها ، منظر مثل كذا كثييير على قلب عبدالعزيز ولا يقدر يتحمله بدون لا ياخذ حقه منه ، قربّ منها خطوتين وهو يناظرها بنظرات تحمل مشاعر من اعماق اعماقه نظرات حُب عميييق يحمّله بداخله وياما صرح فيه عبدالعزيز لجميع الناس ولا اخفاه بداخله ابداً ، ابتسم وهو يلتهم شفايفها بطريقته الي اعتادت عليها نجد وصارت تهوى هالطريقه بششكل ، واخذو وقتهم ..