حبيبتي نـجَـد

Part 21

-

وصلو البيت ونزلو البنات و راحو داخل وعبدالله راح للمجلس وهم يضحك على نوير و نظراتها وهو الي عارف و فاهم انها تحبه بس ما يفكر فيها ابدا كزوجه ويعتبرها هي و ارياف مثل خواته وشايب فكرة الزواج من راسه
جو البنات ولقو العمه هثله موجوده راحت داليا تسلم عليها و دخلو بعدها نوير وارياف بعد ما نزلو عبايتهم بغرفة البنات و زينو اشكالهم وسلمو وجلسو
نوير بهمس لـ مرام : ذي الي لابسه مزلط مين ؟
مرام بتقرف : ذي عبيروه بنت عمتي هثله
نوير باشمئزاز : وعييه معليش يعني بس وش هالبس تفشل !
مرام ضحكت : ممره يع
قربت منهم ارياف : يراسي وش هالكفش عش عصافير مب شعر يعني ذي تسريحه بالله ولا وش ؟
مرام فطست ضحك : حسبي الله عليك يالكلبه
نوير ضحكت : وربي شعرها يفشل و لبسها يفشل بعد
بجهه ثانيه :
عبير وهي لابسه علاقي ومسويه شعرها كيرلي وتكلم نجد : جوفي واضح انهم يحشون فينا
نجد ناظرتهم وخرت نظرها بسرعه : معليك منهم اسمعي عطيني رايك بالفستان ذا عندي خطوبه لـ صديقتي بالرياض الجمعه الجايه واحس هيلب ماني قادره احدد وش البس !
عبير وهي تتدق بالفستان : ييّنن خوذيه بدون لا تفكرين
نجد ابتسمت : اجل كذا تم تم
عبير تضحك : امبيه وراي تطبيق باقي هالسمستر وبس خلاص اتخرج واصير احلى دكتورة بونس
نجد فرحت : اوووه ونناسسسه الله يوفقك يارب ويسهل عليك ان شاء الله اشوفك احلى دكتوره
عبير ضحكت : يابعد جبدي انتي ان شاء الله
قاطعتهم العمه هثله : يلا يمه عبير بنمشي
عبير قامت : يلا تمام
قامت عبير وضمت نجد بقوه وهم يمسحون دموعهم لانها بتروح للكويت خلاص ، فكو بعضهم وهم يمسحون دموعهم وراحو البنات يسلمون على العمه هثله و يودعونها
جت مرام وهي تركض تنبهه البنات : تغطن العيال بيدخلون يسلمون على عمتي يبنات
راحو البنات وتغطو وجو العيال دخلو وسلمو على العمه هثله و يودعونها و نوير مركزه على عبدالله وتحركاته ونجد تحاول انها ما تناظرهم وتصرف نظرها بالذات عن عبدالعزيز وعبدالعزيز الي كل شوي يتلفت يناظر نجد وهو يعرف يفرق زولها من بين البنات كلهم وعبير الي تناظر عبدالعزيز بس تفكر بكلام نجد انه يحبها و ما قدرت تكسر قلب صديقتها وخرت نظرها عنه عبير طلعت و طلع وراها عبدالله بسرعه
عبدالله بعصبيه : عبيروه
عبير التفت : نعم خير ؟
عبدالله : سبع هالخشه الي يشوف خشتس يشوف الخير مستحيل ، تذكرين يوم قلت لتس نادي لي عمتي هثله وما ناديتها ليش بالله كل هذا عوبيه وعناد يعني !
عبير ضحكت : والله نسيت ياخي شنو اسوي ؟
عبدالله : يلا تقلعي بس سبع ذا الوجه صدق
عبير وهي مكمله ضحك : اسفه وربي
عبدالله ناظرها للحظه ويتامل ضحكتها وهو نظره عنه وهو يستغفر ويقول مع نفسه : اعوذ بالله من الشيطان الرجيم ياربي زينها بعيني وهي ما تسوا اصبع رجلي
راح و نوير الي كانت حاضره كل شي وسكتت وراحت وحقدت على عبير اكثر و اكثر
راحت العمه هثله و عبير و البيت هدء والحريم كلهم بالصاله و نوير بعالم ثاني تخاف ان عبدالله يحب عبير مثل عبدالعزيز وهو يحب نجد بس ما سمعت وش كانو يقولون بس شافت عبير تضحك و عبدالله وقف لحظه يتاملها
و داليا و ارياف ونجد و ام نجد يسولفون سوالف اعتياديه
جت صلاة المغرب وقامو يصلون و جاء الخال علي و زوجته و ولده و جلسو لين نص المغرب و راحو للسوق واخذو البنات معاهم الا نوير عيت تروح وجلست مع البنات وهي صدق ما كانت تبي تجلس عشان عبدالله عشان مرام وسوالفها والبنات حسبوها عشان عبدالله
مرام ضحكت : امشي نتمشى بالحوش و اقولتس السالفه
نوير : لا والله مالي خلق اتحرك قولي لي تراني متحمسه اخلصي بسرعه
مرام : طيب طيب
نجد قامت : بنات الشبكه خايسه ياخي !
داليا : روحي بالحوش تصير قويه
نجد لبست نقابها : اوكيه باي باي
داليا ابتسمت وهي تلوح لها : باي بسوي لك شاهي ولي واجي اتمشى معاتس ياسويتي
نجد ضحكت : زين ياقلبوستي
راحت نجد تمشى وهي تسولف مع صديقتها بالجوال وطلع بوجهها صقر وهي كانت حاطه الطرحه على نص شعرها لان كان في فاصل بين الديوانيه و غرفة العيال وما توقعت ان العيال بيجون للغرفه بالعاده يكونون بالمجلس دايم
نجد يوم شافته علطول لفت وغطت نفسها وصقر بعد لف بس للحين حافظ وجها
صقر بخفه : اسف اسف معليش
نجد بعصبيه وهي الي متعوده على عيال عمها قبل لا يجون ينتحنحون : وش الي اسف مهبول انت ما تعرف تنحنح !
جاء عبدالعزيز بيروح للمطبخ وتنحنح و دخل وشاف الوضع
صقر انصدم : شبلاتس تفرقعتي يختي قلت لس اسف
عبدالعزيز باستغراب وهو شايف الوضع : نعم وش صاير ؟
نجد حست بامان وهي بسرعه تقول لعبدالعزيز بعصبيه : ذا الي مدري منهو دخل بدون لا يتنحنح كن البيت مافيه حريم ولا بعد يقولي اسف من انت اصلا ؟ ويوم لفيت ليش تناظرني ما صديت خير ان شاء الله !
عبدالعزيز لفت على صقر وهو وده يخنقه : خيير يالاخو محارمنا لف عنهم عشان ما اقطع عيونك و يلا تقلع
صقر يبي يبرر : طيب اسمع مني ..
عبدالعزيز بعصبيه : تقلع بس وثاني مره لا تبي تروح لمكان تنحنح البيت فيه حريم ولا والله يا صقير اني لا اقطعك تقطع
صقر ضحك وراح وهو منصدم
نجد وهي تناظر عبدالعزيز بفخر وكيف يدافع عنها بقوه وكانه ما يرضى عليها و حساسها بالامان يوم شافته
عبدالعزيز بصوت هادي ومريح : عساه بس سوا لتس شي ولا قالتس شي ترا انا ودي ازنّطه ذلحين خليني القا عليه زله بس والله لا اسويها
نجد ضحكت : لا ما سوا لي شي يخسى يسوي شي
عبدالعزيز ضحك : عشتي عشتي
جت داليا وقاطعتهم وهي يوم شافتهم ابتسمت وحاولت تخبي نفسها وتهج لكن قاطعها صوت عبدالعزيز وهو يناديها
عبدالعزيز يوم شاف داليا جايه مقبله : دلووييه تععاالي
داليا جت وهي مستحيه : سم وش تبي ؟
عبدالعزيز وهو يمد لها الصينيه : خوذي الصينيه بالله
داليا وهي تمد الاكواب لـ نجد : نجد امسكي الاكواب
نجد اخذت الاكواب و داليا اخذت الصينيه وراحت
عبدالعزيز : يالله مع السلامة
نجد ابتسمت : الله يسلمك
عبدالعزيز راح لـ صقر ركض وهو خلاص مقرر انه اليوم يذبحه و يقطعه ، جاء عبدالعزيز ودخل وهو يشوف ابوه و عمه جالسين وشوي بيقوم عشان صلاة العشاء راح جلس جنب عبدالله وهو يناظر لـ صقر بحقد
عبدالله وهو يضحك : اسم الله شبلاك عيونك بتطلع وانت تناظر الولد اركد
عبدالعزيز بعصبيه : ايه و الود ودي اروح ادفنه دفن
عبدالله عرف انه معصب : ليش وش هو مسوي ؟
عبدالعزيز : تخيل التسلب رايح للحوش الثاني و نجد كانت هناك تمشي مب متغطيه ويوم شافها ما لف وضل يناظرها اوريه اوريه والله لا افقع عيونه اخليه يعرف كيف يناظر معليك بس خل ابوي وعمي وخالي يطلعون اعلمك به زين
عبدالله ضحك : طيب حصل خير تصير عادي
عبدالعزيز بعصبيه : اي تصير بس مب على نجد اصلا حتى لو متغطيه لو شاف نجد يلف وما يحط عينه بعينها ويتقلع يشوف له صرفه !!
عبدالله ضحك : ياويلي تفرقعت علينا ياخوي هد هد
عبدالملك قرب منهم : انت شبلاك تسذا معصب ؟
عبدالله ضحك وهو يشرح له السالفه
عبدالملك عقد حواجبه : الله عاد شايف مين تراها نجد واذا شافها عادي تصير وخلاص يمكن انها حتى ما شافها زين بس لمحها ما تقول انها لفت من شافته خلاص اجل
عبدالعزيز عصب زياده : اعلمك شايف مين بعد شوي والله احطك عليه واطيح بكم جلد اعلمكم نجد مين يالكلاب !
عبدالملك خاف من عصبية عبدالعزيز وهو يعرفه اذا عصب ما يشوف الي قدامه : اقول يبه بروح معاك للصلاه بدري
عبدالله مات ضحك على عبدالملك
ابو عبدالله استغرب : ماشاءالله نزل عليك الوحي اسلمت الحين عرفت المسجد
ضحك عبدالملك وهو متفشل : شدعوه يبه
ابو نجد ابتسم : حرام عليك والله عبدالملك ماشاءالله تبارك الله ملازم المسجد وما يترك الصلاه بالمسجد
ابو عبدالله : ايه ما يتركها اكيد لان وراه مسعود لو ما وراه احد كان ما تشوفه حتى يطب المسجد
ضحك ابو نجد : بالعكس والله انه رجال
عبدالله وهو ميت ضحك : ايه ارجل الرجال ماشاءالله
عبدالملك ضربه بخفه : انطم بس
ابو عبدالله بعصبيه : هييه انت وياه اركدو شبلاكم وانت احترم اخوك الكبير عيب تقوله انطم اخوك الكبير ذا !
عبدالعزيز ضحك : يبه خلك منهم بس
ابو عبدالله التفت على ابو نجد وهو ياشر على عبدالعزيز : ذا الي ارجل الرجال وما يترك صلاته بالمسجد هو و عبدالله اما التويسات ( يقصد فيصل وعبدالملك ) ذولا ما بهم فايده
ابو نجد ابتسم : ما يحتاج عبدالعزيز ماشاءالله تبارك رجال بمعنى الكلمه كانك تبيه بالمواقف و بصلاته و دينه ماشاءالله وثقل و رزانه الله يحفظه يارب
عبدالعزيز ابتسم ابتسامه عريضه وهو مستانس على مدح ابو نجد له : تسلم ياعمي حق و واجب والله
عبدالملك ضحك : مالومك تستانس حبيبي ابوها و مدحك وش تبغى بعد
عبدالله ضحك : اكيييد لدرجة انه نساني ولا حتى ذكر اسمي
عبدالعزيز ضحك : اص بس اص انت وياه
اذا العشاء و قام ابو عبدالله وقام ابو نجد والخال طلال وعياله راحو معاه و جاء عبدالملك بيقوم يروح قرصه عبدالعزيز وجلس وهي يتمسك مكان القرصه ويتلوى ، عبدالعزيز يوم شاف انهم راحو قام وسكر الباب وقفله وشمر اكمامه وربط ثوبه و قال بعصبيه
عبدالعزيز: عبدالله وفيصل روحو بالزاويه
عبدالله وفيصل قامو بدون ما يقولون شي
صقر خاف : فيصل لعنبوك الخوه وين راحت !!
فيصل ضحك : انت من اصلا ما اعرفك ؟
عبدالعزيز قبل لا يرد صقر راح قمز عليه وهو يصفقه من راسه وعلى يدينه وعلى ظهره وهو يهاوش : ثاني مررره اذا سمععت بس بس طاري نجد تصد وتنقلع تسمع ولا اقسم بالله اني لا اكسرك
صقر وهو يضحك : يالله يا نجد ذي عساها لا تعود من نظره صفقتني خلاص راسي داخ خلاص انقلع عني وجع
عبدالعزيز راكب عليه ومكمل يكفخه
صقر تعزوى بـ فيصل : تكفى يافيصل فكني تكفى نخيتك
فيصل شاش : تحزم وانا اخوك تبشر
راح فيصل وبدون لا يكلف نفسه شمر اكمامه ومسك عبدالعزيز وشاله بيدينه و رماه على عبدالملك
وعبدالله ميت ضحك
عبدالعزيز : بسم الله انا كنت قاعد اكفخ الملوي ذا ما التفت الا والمبه بنص عيني وكاني مرتفع فجاه انخفس على ظهر عبدالملك اش فيه وش صار بي !
عبدالله ميت ضحك : يقلع بليسك كيف شلته كذا يامهبول
فيصل ضحك : خلاص صقر بوجهي لا تلمسه
عبدالعزيز جاء بيكمل ضرب على عبدالملك
وقف فيصل : لا لا ذا ما تلمسه ولا تقرب صوبه عبدالملك بعيوني لو سمحت تبي تصفق صقر كيفك انت وياه لكن عبدالملك ابد ابد لاتقرب له
عبدالعزيز قام وتخصر : ياسسالم انت هييه تراني اكبر منك واخوك الكبير تحترمني وبعدين خير انت موكل محامي عنهم كل ما جيت بضرب واحد جيتني تدافع تقلع بس يلا مناك
فيصل كذلك ما كلف نفسه يسوي شي بس مسكه وشاله و عبدالعزيز يمعط شعره وبعدين طشه جنب عبدالله
عبدالعزيز بعصبيه : وجع هيبتي وينها ؟
فيصل ضحك : بالشارع رح لقطها
عبدالعزيز التفت على عبدالله : خلاص انت سد فمك وش تضحك قم خذ دور الاخ الكبير صفقهم !
عبدالله وهو ميت : اهخ بطني حسبي الله عليكم ههههههههههههههههههههههههههههههههههههههههههه
عبدالملك قمز بخوف : يا شباب ما بقى شي على الاقامه مصخمه قومو قومو نتوضى نلحق بسرعه
بسرعه بدون اي ردة فعل قمزو كلهم للمغاسل واقامو وهم يروحون يركضون للمسجد وبسرعه يدخلون و لقو الصف الاول ممتلي وسكتو وصلو بالصف الثاني و عارفين ابوهم بيلعن خيرهم وخايفين ، خلصو صلاه وقام ابو عبدالله وقامو وراه عياله بسرعه وهم خايفين
دخل ابو عبدالله المجلس وشافه فوضى والمخدات مقطوطه بالقاع وهو يلتفت عليهم : سبع هالوجيه وغدان انتم وش هالهبال عساكم لا تقومون كل هذا خبال ما انتم رجال مهبل ولا جايني يوم اقامة الصلاه وانا يوم طلعت قلت لكم تلحقوني ولا وين مالكم علاج تضلون مخبل هيّن هيّن اوريكم باتسر عندي داوكم يلا هالحين روحو رتبو المجلس قبل لا يجون الرياجيل بساع انت وياه
عبدالله وهو متضايق من تهزيئ ابوه : ابشر ابشر
راحو وعبدالله يهاوشهم
عبدالملك : لا ياشيخ الي يشوفك ما يقول انك فاتح ثاغرك تضحوك !
عبدالعزيز ضحك : اي والله انك صادق
عبدالله بعصبيه : اقول والله اني ما انظف ولا اسوي شيّن انتم تنظفون انا جالس بمكاني ولا تحركت انتم الي تهاوشون
عبدالملك جاء بيهاوشه بس عبدالله ما عطاهم وجه وراح
عبدالملك عصب : هيه ورع انت وين طاس ؟
راحو العيال يمّ الديوانيه وهم يركضون ينظفون ويمسحون وعلى ما خلصو جو الرياجيل وجلس عبدالله يسوي القهوه وعبدالملك وعبدالعزيز بالمطبخ يعبون المحفظيات تمر ويسوون شاهي
جت داليا هي ومرام : هاي
عبدالعزيز : عليكم السلام
عبدالملك : هايات
مرام بعصبيه : سَمييه
جت سَميه : ايش يبغى ؟
مرام : روحي نظفي غرفتنا ولا تنوشيّن التسريحه بس السراير و الارضيه والدرج
سَميه بعدم نفس : طيب
داليا وهي تناظر عبدالملك : سبع هاليدين الله يقرفك ايدينك ليش كذا سود ما تنظفهم انت ولا تحط تمر بعد والله شكلهم بيتسممون بعدك !
عبدالملك عقد حواجبه : كولي تبن يديني انظف من وجهتس الباهت يلا انقلعي بس
داليا ضحكت : ماش والله
عبدالملك وهو يتفل من بعيد عليها و هج يمّ المجلس
  داليا بقرف : ولعنه يالسلوقي تفل علي انت وسعابيلك الوصخات وجعه يععع الله يقرفك ياشييخ
عبدالعزيز وهو يضحك : كلب والله سلوقي فعلا معليتس منه
راح عبدالعزيز يودي الشاهي ومرام وداليا جلسو يسون العشاء ويتهاوشون اذا راحت سَميه مين تمسك البيت
مرام وهي تضحك : انا شكلي بتزوج بس عشان افتك
داليا : عادي والله اجيبتس من بيت زوجتس تنظفين معي
مرام : لا والله خوش ماشاءالله يالزوج المسعد والله
وهم يسولفون خلص العشاء وحطوه و قامو يتعشون والخاله غاليه تحارش مرام وتضحك معاها وعلاقتها قويه مره بذات مع مرام اما داليا يعني علاقتها عاديه وشوي رسميه مب ذاك الزود يمكن تمزح عليها بس مب مره تمون عليها مثل مرام
خلص العشاء و شالته داليا ومن بعدها جاء الخال علي وجلس شوي هو و اهله وبعدين راحو للفندق وبعدين طفت انوار البيت كلها وكل واحد راح لغرفته عشان ينام و نامو والبيت هدء والناس كلها نايمه والبيت صار مظلم
عند الرجال ابو عبدالله قام وقامو معاه ابو نجد و الخال طلال وراحو ينامون والعيال بعد قامو راحو ينامون عشان بكرا جمعه ولازم يقومون بدري ويتسحبون ويلحقون على صلاة الجمعه وما يفوتونها و نامو