حبيبتي نـجَـد

Part 34

-

الـسـاعـه ٠٠ : ٤ مَ العـصـر :

داليا بصوت عالي عند راس مرام : يالبزر قومي يلا عاد
قامت مرام وهي تمسح وجها : داليا ولعنه وش تبين !
داليا شهقت : يامصخمتي حجيه انتي بوعيتس ولا شلون يا ماما اليوم ملكتس مستوعبه هالشي يعني ؟
قامت مرام بسرعه و استوعبت : تكفين ياويلي جد !
قامت مرام وهي متوتره و تروشت بسرعه و طلعت ولقت داليا مزينه كل شي و مولعه الفيّر و حاطه المكياج
داليا بعصبيه : تعالي انطقي خليني اسوي شعرتس بسرعه
جت مرام و جلست وهي ميته ضحك وبدت داليا تسوي شعرها و بعدها سوت مكياجها وكان خفيف مره و مرتب
و راحت مرام وجلست داليا تسوي مكياجها
جت نجد وهي تنفخ على مناكيرها : بنات عندكم تراكي فضيه و ناعمه ؟
داليا ابتسمت : افتحي الدرج و شوفي
نجد التفت على مرام وشهقت : ياحححللووك ماشاءالله ربي يتمم عليك ياحياتي ياحظ مطلق الي بيدوخ علينا اليوم
ابتسمت مرام : ياقلبي انتي بوسسات
ضحكت نجد واخذت التراكي و راحت لغرفتها و البنات كملو يتزينون ، واخيرا خلصو الكل على صلاة المغرب
جت الخاله عاليه : دلو ابيتس تحطين لي مناكير حمراء
داليا طلعت المناكير : ابشري ياحبي
جلست داليا تحط لها وجت مرام وهي تصور نفسها
الخاله عاليه ابتسمت بشهقه : اخ ياحظه ماشاءالله تبارك الله تهبلين و كلتس حلى
ابتسمت مرام بحياء : ياعيوني انتي ياخاله والله انك الحلا كله
خلصو و راحو البنات للصاله و جت ام مطلق و وبناتها و استقبلوهم ام نجد و ام عبدالله والخاله عاليه ، وجلسو ودخلو البنات بعدهم وسلمو عليهم و بعدها بشوي دخلت مرام وسلمت عليهم و جلست جنب البنات بحياء

-
عــنـد الــرجــال :

دخلو ابو مطلق وعياله و ابو ناصر عياله كانو موجودين واستقبلوهم ابو عبدالله وعياله و الخال طلال وعياله و ابو نجد و صقر بفرح و حماس ، جلسو و شوي و جاء الشيخ
الشيخ التفت على مطلق : وش شروطك ؟
ابتسم مطلق : ماعندي اي شرط
التفت الشيخ على ابو عبدالله : وش شروط البنت ؟
ابو عبدالله ابتسم : شرطها بيت لحالها و ما يمنعها من وظيفتها
كتب الشيخ شرطها والتفت على العيال : مين الشهود ؟
رفع يده فيصل قبل العيال : انا الشاهد من طرف العروس
محمد بصوت عالي : وانا الشاهد من طرف العريس
الشيخ ابتسم : الان ياعريس وقع
وقع مطلق وهو مبتسم و نقز عبدالملك بحماس : نبي نصورك ياعريس عاد !
ضحك مطلق : خذ راحتك
وقع مطلق و عبدالملك يصوره بحماس
ابتسم الشيخ : الان العروس توقع
نقزو العيال بحماس يودون لها الكتاب بحماس وقامو يتهاوشون
ابو عبدالله بعصبيه : ياولد انت وياه وش هالهبال !
ضحك الشيخ والتفت على مطلق : شكلك ماخذ من عندهم ملح البيت ؟
ابتسم ابو عبدالله وحارت دموعه بعينه : اي والله ملح البيت و درة البيت كانه ماخذ ضلع من ضلوع قلبي !
ابتسم عبدالله و بسرعه حضنه : يابعد قلبي يا يبه حلفت عليك محد يودي الكتاب غيرك لازم تشوف بنيتك توقع
ابتسم ابو عبدالله وهو يمسح دموعه بشماغه : لا ياوليدي انتو ودوه انا ما ودي اوديه و ابتسّي واخرب فرحة بنيتي
العيال بصوت عالي و اصرار : لا لا يبه انت توديه والله
قام ابو عبدالله بعد اصرارهم عليه واخذ الكتاب و راح يوديه ولا شعورياً قامو العيال كلهم وراه بحماس
ابو عبدالله داخل البيت : يامممرام
جت مرام و ام عبدالله و داليا
نجد ابتسمت : اهخ الجوج قومي بالله تكفين صوريها امانه انا نقابي نسيته داخل انتي بالله روحي بسرعه صوريها وتعالي
قامت الجوهره بحماس وهي تغطا بالشيله و اخذت جوالها وراحت وراهم
نجد بحسره اخذت شيلة امها : والله غير اروح و اصورها
ابتسمت نوير : ارسلو لي بعد
راحو البنات وهم متغطيات وانصدمو من العيال الي ملتمين على مرام كلهم
تنهدت الجوهره : ياربيه وش نسوي هالحين ذولا متجمعين على مرام كانهم نمل اعوذ بالله !
ضحكت نجد و ضربتها بخفه : وجع
وخرو العيال من يوم شافو البنات وعرفو انهم يبون يصورون مرام
مرام ابتسمت وهي توقع و تجمعو عليها البنات وبدو يصورون بحماس وخلصت ومدت الكتاب لابوها وقامت وباست راسه ويده و راحت لامها و باست راسها والتفت على ابوها الي دار وقام يخفي عيونه بشماغه و الدموع متجمعه بعيونه
مرام تنهدت بضيق : لا يبه مالك داعي ياخي لا تبكي ياعيوني انت لا تخاف انا حولك وعندك ما انت بفاقدني ابد كل يوم بجيك و اصبح عليك ياحياتي انت
ابتسم ابو عبدالله : يا ابوتس والله اني ادري لكن وش اسوي بدموعي و الله انها ماهيب حزن الا فرحه و سعاده بشوفتس عروس و بتزوجين و هذا صعب علي بنيتي الي هطولها اشوفها اليوم تكتب كتابها ، عموماً مبروك مبروك ياعين ابوتس والله يتمم عليتس و يبارك لتس بزواجتس
ابتسمت مرام وقامت تبكي بحُب : ياروحي انتي اللهم امين يارب !
عبدالملك ضحك : ممرررام تبكي الله يالمعجزه
ضحكت مرام وهي تمسح دموعها : وجع كوكه لا تزيدني
الجوهره بصوت عالي : عمي بالله خلك جنب مرام بصورة انت وياها ذكرى !
ضحك ابو عبدالله : انتي مين لا يكون الجوهره ؟
ضحكت الجوهره : ايه ايه
ضحك ابو عبدالله وحاوط مرام : ابشري يا بنيتي
التفت فيصل بعصبيه وبغيره على الجوهره يوم علت صوتها
صورتهم الجوهره وابتسمت : مبروك ميمي ياعيوني
ابتسمت مرام : الله يبارك بتس وعقبالتس يارب مع الي ببالي
ضحكت الجوهره : ان شاء الله ان شاء لله
عقد حواجبه بعصبيه وبضيق يحسبها تقصد واحد ثاني