حبيبتي نـجَـد

Part 15

-

عبدالملك رفعه عنه وبدأ يمسح دموعه بشماغه
عبدالعزيز بصوت فيه كتمه : معليش ياوخيي والله ماكان قصدي الشيطان وزنّي
عبدالملك ابتسم : معليه ياعيوني انت معذور معذور
عبدالعزيز : عساك سندي طول العمر
عبدالملك دمع : ان شاء الله يارب ياعيوني وربي لا يفرقنا
عبدالعزيز ابتسم : خلاص عاد بكينا وخلصنا خنّ نرجع للبيت
عبدالملك ضحك : امش بس نغسل وجيهنا المنخفه
عبدالعزيز ضحك : اي والله امش امش
عبدالله قام : لا مستحيل والله فيهم شي ليش ما جو
فيصل مسكه : يا عبدالله يا ابن الحلال معليك والله اخواني و اعرفهم مافيهم شي تلاقهم يتفاهمون مع بعضهم خلاص اترك الشك و ارتاح
عبدالله هدأ : طيب بنشوف

-

داخل البيـت :

داليا بغرفتها تفكر كيف بتروح تعتذر من نجد وكيف بتكلمها وهي متوتره فكت الباب وطلعت ولقت بوجها مرام و نجد جايين يمّ الصاله داليا راحت ركض لـ نجد و مسكت يدينها وهي تعتذر منها
داليا : نجد والله اسفه والله ما كان ودي يصير كذا لكن الشيطان لعيّب ياحياتي انتي ما سويتي لي اي شي ولا ضايقتيني انا المهبوله الي انهبلت عليتس سامحيني تكفين ارجوتس
نجد ابتسمت و ضمتها : ادري ياعيوني انتي و شدعوه انا ازعل منك ما بينا زعل ياقلبي ومعذوره معذوره معليه مسامحتك
داليا شدت عليها : يابعد الدنيييييا احببتسسس
نجد بتلقيد لها : امممووتتت فييتتتسسس
مرام ضحكت : يحلوكم حلواه امشو امشو بس
داليا ابتسمت : بس ثواني بروح لغرفة العيال و بجي
مرام : زين تمام
داليا اخذت شيلتها وطلعت للحوش وهي تلف شيلتها عليها لأن يمكن يطلع قدامها رجال وهي متجهه يمّ غرفة العيال دخلت
داليا : هايي يحلوين
فيصل : هلابتس
عبدالله بوجه محبط : هلا
داليا استغربت : اسم الله شبلاكم
عبدالله : فينا ان عبدالملك و عبدالعزيز تهاوشو وعبدالعزيز صفق عبدالملك كف وطلع برا و عبدالملك طلع وراه و خايفين يصير بهم شي ذلحين ولا يتصافقون و يفشلونا
داليا ضحكت : يلا معليه ان شاء الله يتراضون وما عليك ما راح يتصافقون لو تصافقو بيجيك ابو غزيل مسرع و هو ماسك حذيانه يقولك لا تخاف
عبدالله ضحك وهو ضايق : يالله يا الدلو الله يوسع صدرتس ضحكتيني هههههههههههههه
فيصل ضحك : اي والله بهاذي صدقتي
داليا ابتسمت : اي معليكم لا تخافون تراهم اخواني مستحيل يتهاوشون هواش قوي غير يراضون بعضهم
عبدالله تطمن : ان شاء الله يارب
داليا ضحكت : عاد كنت جايه ابشركم بشي حلو
عبدالله : وشو فرحينا بعد كل هالهموم ؟
داليا : ابد تصالحنا انا ونجد
عبدالله ابتسم : زين الحمدلله
فيصل : ليش وش كان بينكم؟
داليا : سالفه طويله عريضه بعدين اقولك إياها
فيصل : زين اجل
على كلامهم ما بحّرو الا و عبدالملك و عبدالعزيز جايين مع بعض ويضحكون ولا كان صار شي
ابو عبدالله استقبلهم : ماشاءالله وين كنتو رايحين؟
عبدالعزيز : ابد نتمشى بالحاره
ابو عبدالله : ايه ماشاءالله فيكم حيّل يعني دامكم على قولك تمشون يلا اجل البسو حذيانكم و روحو معاي للعزبه
عبدالملك تافف : انا من اليوم والله راسي مصدع وظهري احسه يعورني
ابو عبدالله : عجيب والله مو قبل شوي يا طميهيّر تمشى انت و السلوقي
عبدالعزيز ضحك : افا ليش وش سويت؟
عبدالملك ضحك : ايه قلت يمكن يروح الصداع ويخف الألم
ابو عبدالله وهو يناظرهم بنظرات حاده : اقول بس بلا خثردزه يلا تقلع انت وياه البسو حذيانكم والحقوني والي ما يجي اقسم بالله ما يصير له طيّب
ابو نجد ضحك : والله انك عجيب طلعت تمشى عشان يروح منك الصداع و يخف الم ظهرك
عبدالملك بهمس لأبو نجد : ندور أعذار كوّد ينفع معانا و نسلك ههههههههههههههههههه
ابو نجد ضحك : ابد والله مالك طريق رايح رايح
عبدالعزيز : على تسذا يالله بنروح نلبس نعالنا و نلحقكم وانت وعمي روحو قبلنا
ابو عبدالله : ايه هذا الرجل يالله لا تتأخرون
عبدالملك و عبدالعزيز : ابشر ابشر
ابو نجد : والله اني اشتقت للمقناص
ابو عبدالله : اي بالله حتى انا
عبدالله جاء وتدخل : يلا بجهز أغراض المقناص
ابو عبدالله ابتسم : والله انك تسوي خير
ابو نجد ابتسم : على كذا اجل تمام
ابو عبدالله : ايه و اعزم ابو ناصر وخله يجيب معاه شعاع ( الصقر حقه )
عبدالله : ابشرو على خشمي
ابو عبدالله : يلا توكلنا على الله
طلعو ابو نجد و ابو عبدالله ركبو جيّب ابو عبدالله و اتجهو للنفود عشان القنص
راحو كلهم يجهزون و راحت داليا يمّ عبدالعزيز
داليا : تخيل
عبدالعزيز : خير اللهم اجعله خير وشو؟
داليا : اليوم تهاوشنا انا ونجد
عبدالعزيز فز : ليش وش فيه؟
داليا : صرخت عليها قدام العيال
عبدالعزيز : وليش مصارخه عليها وش سوت لتس؟
داليا : بعدين اقولك كل شي بس ذلحين الحمدلله تصالحنا
عبدالعزيز هدأ : ايه زين الحمدالله
جلسو شوي يسولفون مع بعض بعدين كل واحد راح ينشغل بـ شغله و يخلصه
عبدالله راح يمّ امه وهو يناديها : ييمه يييمه
طلعت ام عبدالله : هلا هلا وش بغيت ياوليدي؟
عبدالله : بالله ياقلبي جهزي لنا أغراض القنص
ام عبدالله : غريبه ليش؟ بتنقص؟
عبدالله : لا مب انا ابوي و عمي جاء فبالهم قنص وقالي ابوي اجهز الأغراض
ام عبدالله : غريبه وش جاب الطاري ، ابشر ابشر
عبدالله : يلا ياعيوني انتي بروح يمّ ابو ناصر اعطيه خبر
ام عبدالله : تمام الله معاك
طلعت داليا و نجد متجهين يمّ المطبخ و شافو ام عبدالله تحوس
داليا : شبلاتس يمه؟
ام عبدالله : اجهز أغراض القنص لابوتس
داليا استغربت : غريب ابوي يبي يقنص بهالوقت انا اخبره يحب يقنص بالربيع !
نجد ضحكت : اكيد ان ابوي قاله وعشان كذا عمي تحمس
داليا ضحكت : يووه أخبره عمي يحب القنص للحين يحبه؟
نجد : للحين ومستحيل يكرهه ابدآ
داليا : مالومه والله يونس مره
جاء عبدالعزيز وهو شايل السكتّون : سلام عليكم
الكل : عليكم السلام
عبدالعزيز يحاول ما يناضر نجد ويغض بصره عنها وهو مبتسم : دلو اذا ما عليتس امر ابغاتس تنظفين السكتّون من الغبار بس انتبهي يدخلها
مويه زي ذيك المره !
داليا ضحكت : من عيوني والله بس عاد مدري يمكن اجيب العيد
نجد ابتسمت : عادي انا انظفهم؟
عبدالعزيز انصدم وهو يناظرها بحب : تعرفين؟
نجد ضحكت : معليك خبره انظف دايم سكتّون ابوي لاتخاف
عبدالعزيز وهو يطنّطن صوت ضحكتها بعقله : زين اجل سمّي جعل يدينتس ما تمسهم النار
نجد ابتسمت وفز صدرها لـ جملة جعل يدينتس ما تمسهم النار : وياك يارب
داليا ابتسمت بهمس لـ نجد : ماشاءالله هذا وانا اخته ما قالي هالجملة ابد
نجد استحت : داليا يالحيوانه مب وقته
نجد جلست وبدت تنظف السكتّون و داليا جنبها تسولف عليها و تسليها
عبدالملك جاء : سلام عليكم
نجد ناظرته : عليكم السلام
عبدالملك : ماشاءالله تنظفين سلاح الله الله
نجد : شدعوه طايحه من عينك انا؟
عبدالملك ضحك : محشومه محشومه
نجد : تسلم
عبدالملك : الله يسلمتس
نجد : وياك يارب
داليا وهي تناظر نجد و مدققه فيها و ما شافت اي ردة فعل منها لـ عبدالملك مثل قبل من يجي تفز وتعدل نقابها ابدآ ما سوت اي شي ردة فعلها طبيعيه وابتسمت برضا ، نجد خلصت تنظيف و قامت بتروح
داليا : وين رايحه و ماخذه السكتّون معاتس؟
نجد : وين بروح يعني بوديه لـ عبدالعزيز
داليا : ماشاءالله صرنا نوديه
نجد ابتسمت : يالله يا داليا ما تتركين حركاتك شدعوه بس بودي السكتّون له
داليا : وليش ما خليتيني انا اوديه؟
نجد ضحكت : اخاف تطلقين وانتي ما تدرين عن نفسك
داليا انصدمت : لا والله خوش خوش
نجد طلعت من عندها وهي تضحك وراحت تدور عبدالعزيز ولقته يسولف مع إخوانه
نجد مدت له السكتّون : سم هذا السكتّون و نظفته زين
عبدالعزيز ابتسم وهو يحاول بقد ما يقدر يصرف نظره عنها ولا يناظرها : يمال العافيه
نجد ابتسمت و بحتيار قالت : الله يعافيك ياعزّي
عبدالعزيز التفت لها وهو شاق الابتسامه : وياتس يانجدي
الدلع هذا له قصه ثانيه قبل لما كانو صغيرين اخترعو لبعض دلع وصارو ما ينادون بعض الا بالدلع ذا و تعلقو فيه مره بس كبرو وتوقع عبدالعزيز انها نست الدلع ذا و فجاته وهي تقوله
نجد ابتسمت و صدت وهي تحس فيها فرحه كبيره وراحت للمطبخ
عبدالعزيز عند العيال ذاب وهي يستند على كتف عبدالله : اخوووو عبدالله صصدددز اوييلييي وييلاه يالببننتتت ذي تجييبني من اقصصاي و ترفعني لسسابع سماء سوت فييني سوواتت عجيبه اويليي بسسس
عبدالله ضحك : استغفرالله ياربي مجنون والله مابك طب والله
فيصل ابتسم : يازين الحب ياشيخ
عبدالملك ضحك : الحب الي ماعرفته يالسلوقي لعنبو بليسك من بنت لـ بنت ههههههههههههههههههههههههههههههههههههههههههه
فيصل ضحك : يالحيوان تلايط
عبدالله : اقول بس امشو بيجي المغرب وانتم ما تحركتو يلا امشو امشو
عبدالعزيز فجأه قال بيت شعر وصدم الكل :