حبيبتي نـجَـد

Part 6

-

عبدالله : ايه الحمدلله ع سلامة وصولنا
عبدالملك : اي والله
دخلو البيت وشافو الجيّب موجود
عبدالله : تشوف عزوز وصل قبلنا يالله ، اكيد انه راح يتروش ذلحين
عبدالملك : ييووه عاد الحين تلقى العروس نايم بالحمام
عبدالله فطس ضحك : ييحييوان ههههههه
عبدالملك : والله هذا الصدق يا ذا الولد وربي تحسه يروح ينام هناك وربي ما يطلع الا بعد ساعه
عبدالله : اي والله انك صادق وش نسوي به عاد
عبدالملك : انا الحين لازم اتجهز بسرعه لان ابوي قالي ابيك تكون أول الحاضرين ولا بيمسح فيني القّاع
عبدالله : ييوه عاد انت و ابوي قرّان
عبدالملك : أقولك والله ماني مستعد ابوي يسمح فيني البلاط عشان ذا
عبدالله : وش تبي تسوي به يعني ذا عبدالعزيز من زمان
عبدالملك : ٥ دقايق ما طلع بروح اكسر الباب عليه
عبدالله : عاد انت مهبول تسويها والله ههههههههه
عبدالملك : ايه اسويها لان اخوك يبّط الكبد وربي
عبدالله : لا ما عليك الحين بيطلع المهم انا بروح الحين ازين أغراضي عشان اتروش
عبدالملك : اذا طلع الأمير المغولي
عبدالله مات ضحك : الله يقلع بليسك يا ملوك هههههههههههههههههههههههههههههههههههههههههه
عبدالملك : ارجوك كل شي الا الدلع ذا يفشل
جلس عبدالملك يطق باب الحمام وهو يهاوش عبدالعزيز جت داليا وهي حاطه بشعرها زيت وحاط فـ وجها ماسك هي ومرام
داليا : يا اخوي انت شبلاك تراك غثيتنا حاطه اغاني ومروقه الا اسمع هواش؟
عبدالملك : اقول بس تلايطي فاضي لتس انا
داليا وهي تغمز له : وليش بالله ما تفضى لي يالبى؟
عبدالملك وهو يطق باب الحمام : يالله عبدالعزيز يرحم لي والديك اخلص ما صارت ترويشه اف
داليا : اقول تعال بس
عبدالملك : لا ماني متحرك من مكاني اخاف يطلع الأمير المغولي ويجي هذاك مصّرقع ويأخذ الحمام واجلس استناهم
داليا انصرعت ضحك : لا معليك امش تعال هههههههههههههههههههههههههههههههههه
عبدالملك : لا والله ماني متحرك من مكاني قسم بالله ما اتحرك لين ما يطلع هالجربوع
داليا رجعت لغرفتها : بكيفك اجل ههههههههههههه
طلع عبدالعزيز من الحمام : الله ياخذ شيطانك اقلقت راحتي يابوي غثيتيني الله يغثك اف كل هذا عشان تروش طس تروش يالله
عبدالملك : اي حبيبي اكيد وجع أن شاء الله كل هذا تروش وش الليله عرسك كل هذا ترويش عوذا

فيصل ومعاه ملابسه ومنشفته : دامكم تهاوشون خلوني استغل الفرصه واتروش
وركض بسرعه ودخل بالحمام وقفل الباب
عبدالملك قام يصيح : يياوووييليييي ببممموتت خخلااصصصص
عبدالعزيز : ايوه يبوي تستاهل احسن هههههههههههههههههههههههههههههههههه
عبدالملك يلاحق وراه : يالجربوع والله لا أدوس ببطنك اوريك
عبدالعزيز وهو يركض بالحوش يهرب من عبدالملك : فككوني من المهبول ذا لا يغّولني
عبدالله طلع : هييي اننتتت وييياه متى تتعققللون !
عبدالعزيز : واللهي واللهي بغا يكفخني
عبدالله ضحك : شبلاك قلبت إدريس هههههههههه
عبدالملك : انتم فاضين انا بروح ارضّخ الباب على فيصلوه كوّد يطلع
عبدالعزيز : لا معليك بس جب طاري ابوي بنهبل هههههههههههههه
عبدالملك : والله فكره امش امش والله لا اخليه يطلع وهو مفّرع اوريكم به
عبدالله : ياعيال حرام عليكم ههههههههههه
راحو العيال يمّ الحمام عشان يمقلبون فيصل
عبدالملك : يالله وش اقول وش اقول؟
عبدالعزيز : قلد صوت ابوي وخله يطلع بسرعه
عبدالملك وهو يصفق يد عبدالعزيز : ياخي انت جبار
عبدالعزيز : اكيد حبيبي من يومي جبار
عبدالملك وهو يقلد صوت ابوه : ففففيييصصصللل كممممم سساااااعههه وانتتتت بالحححمام اططلللع ييالله باققققيييي اخخخوواننككك ما تسسسبححوو
فجأه الوضع صار هدوء مافي نفس
عبدالله : شكله صدق الحمار
فيصل : اقول يالسملق السوالف ذي ما تمشي علي يلا تقلعو بس
عبدالملك : لا لا فشلنا خساره كنت ابي اشوف شكله وهو طالع بسرعه ههههههه
فيصل : اقول يبه لا يكون انت صدق
عبدالملك استغل الفرصه : انننااا تققووليي سسمملق اوورريييكك يالييي ما ترررربييييت يا قلللييلل الادددبب يالييييي فيييك ومماا فيييككك اعرررف كيييف ارربيييك انننا
فيصل وهو بسرعه يتروش : عبدالملك ترا مره عايش الدور خلاص حبيبي بطلع والله ماله داعي تسوي فيني مقلب هههههههههههههه
عبدالملك : ايه كذا زين شاطر
فيصل : اصلا ياغبي كنت بصدق بس انت يحمار يعني ما تعرف ابوي انه ما يقول هالكلام هههههههه
عبدالملك : شكلي تحمست بزياده هههههههه
عبدالعزيز : مره تحمست الله يهداك ههههههههههه
عبدالله وهو يطالع ساعته : تدرون الساعه كم ذلحين؟
عبدالملك و عبدالعزيز : لا ، كم الساعه؟
عبدالله : الساعه ٥ و نص
عبدالملك : ياوييلييي وييلاه وانا للحين ما خلصت ولا سويت شي
عبدالله : ايوه شطار فالحين بس بالسوالف
عبدالعزيز : ياغبصه اجل انا بروح البس واتعطر واكشخ واجي
عبدالله : ايه بس لا تقفل الباب خله مفتوح
عبدالعزيز : تمام تمام
فيصل طلع وهو مروق : الله صراحه احلى شّور بس لولا ذا السلوقي كان يكون راييق
عبدالله : وش شّور؟
عبدالملك : يعني احلى تسبيحه ، مسوي انا الي اعرف انقليزي يلا بس دّز
ودخل عبدالملك يتروش وترك عبدالله وفيصل يضحكون عليه ويحشون فيه
عبدالملك وهو يتروش : هي انت وياه ترا اسمعكم تحشون فيني والله ما اسامحكم
فيصل : عساك سالم بس تروش تروش ههههههههههههههههههههه
عبدالله التفت لفيصل : يلا يالحبيب راح توّلم ترا ما بقى شي ونروح يلا اروّج
فيصل : ايه اصلا انا رايح رايح بروح اشوف البنات كّوولي ثوبي ولا لا
عبدالله : يلا يلا
راح فيصل يشوف ثوبه وش صار عليه وعبدالله يستنى عبدالملك يخلص وهو يحارشه من ورا الباب وعبدالعزيز جالس ينضف جزمته والبنات بغرفتهم ومشغلين اغاني ومروقين وأم عبدالله عندهم وحاطه بيدينها حنّه
فيصل جاء يمّ الكوايه شاف ثوبه وشماغه معلقين على الدرج : يالله جعل يدينتس ما تمسهم النار يامرومه