حبيبتي نـجَـد

Part 9

-
الســاعـه ٠٠ : ١٢ مَ
العيال نايمين وغراقنيّن بالنومه وللان ما قعدو ولا جهزو نفسهم لصلاة الجمعه ولا هم يحزنون
جاء ابو عبدالله وشغل اللمبات وطفا المكيف : هذذي اخرررت السسهر لا قمتتتو تججهزتتو لصصلاة الججمعه ولا لبسستو عوذا
قام عبدالله واخذ جوال فيصل الي جمبه بحكم ما معاه الا جهاز نوكيا : افا يا ذا العلم الساعه ١٢ وما تجهزنا؟
عبدالعزيز فز : معانا ١٥ دقيقه نخلص بسرعه يالله بروح بسرعه اتروش
عبدالملك وفيصل قامو : يالله بسم الله نمسك الطابور
راحو اخذو مناشفهم وجلسو عند الحمام كالعاده
وداليا صحت على اصواتهم : شبلاكم؟
عبدالملك وبعيونه النوم : ابييي اننننااامممم
عبدالله : والله انا مصحصح الحمدلله ومعلي بس انت يا كيس النوم تبي طول اليوم تضل نايم
عبدالملك : اخ ياربي بس يطلع ذا العروس ونخلص بساع
عبدالعزيز وهو يتروش : اسمعك ترا
عبدالملك : ايه بس خلص خلص
داليا : أستغفرالله العلي العظيم مجنن الله يهديكم
عبدالله : امي قعدت؟
داليا : لا والله ما اظن انها قعدت
عبدلله : زين اجل حطي لنا فحمه نتبخر
طلع عبدالعزيز من الترويش وصارت صراعات ودخل وراه عبدالله
عبدالملك : اخخ ياربي وش سويت ذنب بحياتي عشان تبليني بذّل الاخوان !
فيصل : بالدور بالدور انت لازم تفهم يالحبيب
عبدالملك : وش نسوي بعد ننتظر دورنا يجي
عبدالله كالعاده تروش بسرعه وطلع ودخل بعده عبدالملك وتروش وطلع وبعده فيصل وخلصو ولبسو
اخذت داليا المبخره واتجهت يمّ غرفة العيال دخلت
داليا : تعالو تبخرو اسم الله عليكم ماشاءالله
فيصل : شرايك بس خيتو زّاخه ها؟
داليا : زّاختين مب زّاخه وحده اسم الله عليك
عبدالملك : كششوخيين معليييك هههههههههههههههههههههههههههههههه
داليا : اي والله احلى كشوخين ماشاءالله بس حصنو نفسكم
العيال : ابشري ياحياتي
تبخرو كلهم وجو يبون يروحون عبدالعزيز قبل لا يطلع باسّ داليا من خدها وطلع وداليا ابتسمت له وراحت اتروش ، قامت مرام وتمغطت ولفت يمينها مالقت داليا بسريرها قامت ولبست روّب طويل بحكم يسترها عشان ابوها ولا واحد من اخوانها قدامها وطلعت تدور شافت البيت فاضي وسمعت صوت دشّ بالحمام وعرفت انها داليا الي تروش وراحت تجهز ملابسها تروش بعدها طلعت داليا من الترويشه ولقت مرام صاحيه
داليا : صباح الخير
مرام : صباح النور والنوير
داليا : زين اشوف اليوم الأخلاق حلوه عسا دايم يارب
مرام ابتسمت : امين وياك
داليا : تبين تتروشين؟
مرام : اي والله
داليا : بتلبسين قميص روز؟
مرام : ايوه
داليا : ليش ما تلبسين دراعه ازين تجنن
مرام : تصدقين اقتنعت اجل طلعي لي دراعه من حقاتك الكشخه
داليا : من عيوني يالله
مرام وهي تحوس بالدرج : دلوي وين مقشر القهوه الي اشتريتيه؟
داليا : باخر الدرج شوفيه جنب المناديل
مرام وهي رايحه يمّ الحمام : زين يالله اجل
راحت مرام تتروش وداليا تنشف شعرها وتزين نفسها
بدت تستشوره وتحط على عروق يدها عود وتمسح فيه رقبتها وتحط شوي بلشر تنت وتبخر نفسها وترطب يدينها وتبخ على درعتها عطرها الي تفوح ريحته بالمسك وتجهزت وطلعت باحلى اطلاله
خلصت مرام من الترويشه وطلعت وراحت تجهز وتلبس ولقت داليا متجهزه
مرام : الله الله وش ذا الزين ماشاءالله
داليا : ياعيوني انتي الزين كله
مرام : حبيبتي
مرام نشفت شعرها واستشورته ولبست درعتها ومسكت دهن العود وحطته على عروق يدينها ومسحت فيه رقبتها ولبست غوايشّها وحطت شوي بلشر وتنت ومسكرا وبخت من عطرها على درعتها وخلصت
مرام : يالله نروح نسوي الفطور؟
داليا توسعت عيونها : تتههههببببللليييييننن ماشاءالله ذكر الله علييييك
مرام : شراييك بس كشوخييه ها
داليا : اححلى كششوخيه بالععالم وربييي
مرام : حييياتيي دلوييييه
داليا وهي طلعت مع مرام متجهين يمّ المطبخ يسوون الفطور ويسولفون سوو الفطور وخلصو وعلى ما يجهزون السفره دخل ابو عبدالله وعياله
عبدالملك راح يمّهم للمطبخ : ماشاءالله ريا وسكينه طلعات حلوات
مرام : ما يعرف يمدح ابد غير يذّم عوذا
داليا : اي والله تسلب
عبدالملك : وانا وش قلت غير الصحيح وربي انكم حلوات طيب
داليا : خلاص خلاص انت الحلو ياحبيبي
عبدالملك : بعد ويش بعد ما هاوشتوني اقول بس حطو الفطور نبي نفطر
مرام : ايه بنحط لك اكل يملى بطنك لا تخاف
داليا : ابببووو بططيييين هههههههههههههههههههههههههههههههه
عبدالملك : ما عرفنا لكم انتم وش تعايروني به ابو بطين و كيس النوم و ام زكي حددو واحد لوسمحتو
داليا : مجتمعه فيك كل هالصفات ماشاءالله عليك
مرام : و أهم اسم بالحياه نسيته السلوقي
مرام اخذت الخبز وهجت يمّ المقلط وعبدالملك يلاحقها وهو يهاوش : انا كككمم مره قللت لا ااححد ينادييني بذذا الاسسم ما تفههميين يالتتسلببه !