حبيبتي نـجَـد

Part 54

-

مـرت ثلاث ليالي من العشره الاواخر ، و اليوم اخر ليله من ليالي رمضان الحلوه ببيت ابو عبدالله الي كانت تمليه الضحكات و الجمعات ، اجمل شهر مّر عليهم :
ابو عبدالله وعبدالملك جالسين بالمقلط ،  ابو عبدالله متوسده حضنه مسك وهو يقرا قران ، و عبدالملك جنبه جالس يقرا اخر سور بالقران ، و عبدالله و عبدالعزيز يحوسون بالمطبخ مع الامهات و البنات ، و داليا انقلب نومها عنهم و صارت تقوم على اذان المغرب بالضبط
ام نجد بعصبيه : عبدالله و عبدالعزيز اطلعو برا بسرعه بسرعه يلا يلا !
ضحك عبدالعزيز : خاله تكفين لا تدفيين مواهبنا ، بعدين شوفينا كيف سنعين اسم الله عليينا والله !
عبدالله تنهد وهو ميت ضحك : والله يا خاله ما اقدر انا بالذات ما اقدر ، ما تشوفيني مشغول اسوي الشوربه
ضحكت ام عبدالله بقوه : يام نجد والله هذولا هم ما يطلعون ابد ، يبلشونتس غير يشتغلون
ضحكت نوير وهي تعاون عبدالله : اسم الله عليه زوجي السنع ، من دون لا اذوق الشوربه متاكده انها لذيذه
مرام ضحكت بقوه : ياويييللييي يالتممدددحح !
ضحك عبدالعزيز وهو يناظر بنجد ويغمز لها
ضحكت نجد : عاد ليتك صدق سنع عشان نمدحك من اليوم جالس تحوس مدري وش تسوي مبلشنا بس
ضحك عبدالله بقوه : اسسسللمممم !
توسعت عيون عبدالعزيز بصدمه تنهد : طيب اوريتس
ضحكت مرام بقوه وهي تضرب يد نجد : ايييه ذي الي ما تسذب و تمدح رجلها وتعدّ لنا الصحيح كففو عليتتس
ابتسمت نوير بضحك : لا والله ان ابو مسك مافي مثل سنعه ، وقسم بالله شوفو شوفو كيف الشوربه ريحتها بس ريحتها تشهيي اببك !
ضحكت ام عبدالله : عاد نوير صادقه عبدالله اسم الله عليه سنع و حرك يحب الشغل و هالسوالف !
ابتسم عبدالله : ياقليبي يا اميمتي تسلمين والله تسلمين
ضحكت ام عبدالله وابتسمت بقوه : بس معليش اسمحو لي ان جينا عند الزين و الاخلاق و الحلاوه و الحينه ما احد يغطي على وليدي عزي و قلبي وعيوني مافي مثله ابد
ضحك عبدالعزيز بقوه : اسسسلللم الحين صدق !
شهق عبدالله بصدمه : يمه ياخي شدعوه توتس مادحتني ليش علطول خربتي السالفه كذا !
ضحكت مرام : يامسيكييينن احسن تستاهل
ابتسم عبدالعزيز وهو يناظر بنجد ويقلد كلامها : تشوفين هذي امي الي تنصرني مب انتي ،  قالت ايش قالت ليتك سنع عشان عشان امدحك شوفي شوفي ما يحتاج اصير سنع ولا هم يحزنون علطول تمدحني !
ضحكت ام نجد : عاد هاه عاد حدك على بنيتي حدك
ضحكت نجد بقوه : كل قوي فوق الي اقوى منه !
ضحك عبدالعزيز : ياخاله يرضيتس بالله يرضيتس اناظر بها ابيها تمدحني تقوم تطقطق علي وتضحك الناس
ضحكت ام نجد وهي تضرب نجد بخفه : لا والله ما يرضيني مالها حق التسلبه ، معليك تبيني اعيد تربيتها ؟
ضحك عبدالعزيز : يالييييت والله
شهقت نجد وهي تضرب راس عبدالعزيز بالمعلقه  : ياحقييييرر !
ضحكت مرام بقوه : اهخخخخخ ياربي استغفرالله لا لا رمضان رمضان وبكرا العيد خلوكم حبايب ، لا تكافخون
عبدالعزيز بوجع : الله حسيبتس يالتسلبه
ضحك عبدالله بطقطقه وبهمس : بزران و تزوجو !
تنهدت نوير وهي تشوف ان الاذان ما بقى عليه شي ، وهي تقوم عبدالله : يلا يلا خذ اخوك و ضفو وجيهكم بسرعه عشان ننجز الاذان ما بقى عليه شي ترا
ضحك عبدالله بصدمه : اسم الله شبلاهن هالحريم مسرع يمدحونك و مسرع يقلبون عليك ياربي
ضحكت نوير : عبدالله والله نبي نخلص يلا عاد يلا
قام عبدالعزيز وهو يحاوط عبدالله : امش امش ياوخيي لنا الله ياحبيبي !
ضحك عبدالله وهو يطلع معاه ، و قامو البنات يخلصون شغلهم بسرعه قبل الاذان و قدرو يتداركون الوضع و خلصو بسرعه و قامو يوزعون الفطور عند الرجال و الحريم ، قامت داليا على اصواتهم و توضت وصلت الصلوات الي فاتتها و راحت تفطر بعد ما سمعت الاذان
تنهدت ام عبدالله : والله يا ورانا شغلٍ طويييلل !
ابتسمت مرام : اي والله ، انا قلت لمطلق اني بجلس عندكم و انجز معاكم الشغل
تنهدت ام عبدالله : لا لا ولا وحده اشوفها عندي ، رحن تزهبن و البسن و تكشخن و اتركو كل شي عنكم !
ابتسمت مرام : لا انا قايله لمطلق اصلاً اني بنام عندكم
داليا وهي تمسح وجها المفقع : اييه ايه زين زين ، اجل انا برجع انام وانتي عاد نظفي مع امي
ضربتها مرام بخفه : تعقبيييين الا ، وقسم بالله انتي اول وحده اصلاً تنظفين معاي خوش والله اخلي امي تشتغل
تنهدت داليا : ياليل ياربي ، خلاص طيب طيب !
بعد ما افطرو البنات ، فزت كل وحده لشغلها و نجد و نوير و امهاتهم رقو فوق يخلصون اشغالهم و يعتنون