حبيبتي نـجَـد

Part 17

-

السـاعه ٠٠ : ٨ صَ
قامت داليا وهي تقوم تسوي قهوه سوداء و تشوف نجد جايه وهي لابسه روّب و جايه يمّها و ضحكت
نجد جت : صباحوو
داليا ضحكت : تكفين شكلك يضحك
نجد رفعت حاجبها : خير وش الي يضحك حبيبتي؟
داليا ماتت ضحك : معليش اسفه
نجد ضحكت : خوذي راحتك عادي شدعوه
داليا وهي تناظرها : ايه وش صار امس معاتس انتي وعبير؟
نجد تنهدت بضيق : لا تجيبين طاريها على هالصبح ما ابي تنسد نفسي
داليا : افا ليش؟
نجد : خليها تروح بحالها مالي خلق احش بخلق الله واخذ ذنوبهم
داليا ضحكت وتسعت عيونها : ياغبصه لا تقولين لي انتس غرتي على عبدالعزيز عشانها تكفين لا تقولين
نجد ناظرتها بستغراب : لا طبعاً وش علي انا من عبدالعزيز حبي؟
داليا : اثاريتس تغارين اوف اوف !
نجد ضحكت : انتي وش فيك اقولك مب عشان عبدالعزيز والله
داليا : ايه بحاول أصدق
نجد ضحكت : والله بكيفك صدقي ولا لا تصدقين
داليا غمزت لها : احلى غيوره بدنيا والله
نجد ضحكت : الله يرجع لك عقلك بس
راحت نجد للغرفه وداليا وراها وهي تقولها : احلى حُب احلى من يغار احلى نجد وعبدالعزيز
ونجد دخلت بالغرفه وهي تسكر الباب بوجه داليا
داليا ضحكت مع نفسها : قليلة الحياء صفقت الباب بوجهي وجعه
داليا قامت ترقص بالبيت وهي حاطه شيله بجوالها وجاء عبدالملك و فيصل رايحين للمطبخ
جاء عبدالملك وهو يشوف داليا ضحك وراح : الحمدلله والشكر مصروعه وربي !
فيصل ضحك : خلاص ياحبيبتي لا تقطعين حالتس
داليا مكمله رقص وهي تكمل الشيله وترقص
جاء عبدالله يبي ياخذ فناجيل اعتدلت داليا ولمت شعرها وهي تضحك على نفسها
عبدالملك ضحك وانصدم : دداليييياا تستتححييي منن ععببببدددااااالله مو معقققوله !
داليا وجها حمّر : لا ما استحيت بس تعبت
فيصل ضحك : الحمدلله انتس بيضاء علطول نعرفتس ليّا حمرت خدودتس ذا يدل انتس استحيتي
داليا ضحكت : لا ياشيخ الحياء بطريق وانا بطريق عرقت من كثر الرقص و جهي حمّر عشان كذا
عبدالملك غمز : صددققناا
داليا التفت لـ عبدالله : اقول عبوده بتروح للسوق اليوم؟
عبدالله : ايه بروح تأمرين على شي؟
داليا بتثبت لهم انها ما تستحي : جب معاك اغراض كاتبتها بالورقه وانتبهه اهم شي جب فوط صحيه
فيصل الي استحى : لا حبيبتي مب كذا مب كذا
داليا : جب البنفسجي ذاك مب الوردي زين
عبدالله استحى : كان قلتي لي على انفراد طيب
داليا وهي تلعب بخدوده : قلبوسي حبيبي الي مستحي ياعيوني
عبدالملك ضحك : يحليلكم مستحيين هالحين ميّر انكم ما تعودتو عليها
عبدالله باسها من خدها : خلاص ياحبي من عيوني
داليا ابتسمت : قلبي تسلم عيونك ياروح روحي
ابتسم عبدالله واخذ الفناجيل وراح معاه فيصل الي يسولف عليه اما عبدالملك الي محاوط كتف داليا وهو يقولها عن مقناص امس ويضحك هو وياها
راحو العيال و داليا رجعت وهي تدق باب غرفة ام نجد بشويش عشان ما تصحى وطلعت لها نجد
داليا ضحكت : شدعوه حبي كل هذا عشان قلت لتس الصدق؟
نجد ابتسمت : داليا حياتي فكينا من هالسوالف امشي نسوي فطور تراني من اليوم بطني توجعني ابي اكل
داليا ضحكت : سبحان الله نفس مواصفات عبدالعزيز من يقوم لازم يفطر
نجد ضحكت : وش دخل عبدالعزيز الحين يا حبيبتي انا صارلي من امس ما تعشيت عشان كذا بطني توجعني
داليا ضحكت : ماشاءالله نفس عبدالعزيز ما يتعشى
نجد ضحكت : وقسم بالله انك مهبوله وربي
داليا طلعت الصينيه حقت الفطور : سوي بيض بس
نجد ضحكت : ابشري ابشري
قامو يسوون الفطور وهم يسولفون و داليا كل شوي تبي تحش بوحده و نجد تسكتها و بعدها قامت مرام وصلت صلاة الفجر و لبست قميص روز ولمت شعرها وطلعت وشافت البنات يجهزون الفطور
مرام : صباح الخير
نجد : صباح النور
داليا : هلا والله متى صحيتي؟
مرام : توني صحيت قمت و توضيت و جيتكن
داليا : زين زين ، سوي الشاهي بس
مرام بضحكه استهزاء : خير يالحبيبه توني صاحيه
داليا : اقول بس سوي سوي
مرام ضحكت : زين زين طيب
مرام بدت تسوي الشاهي : يووه داليا فيه حبق؟
داليا عبست وجها : لا والله للاسف ما فيه
مرام ابتسمت : اجل يالذيبه قومي وريني طولتس و روحي للمزرعه جيبي حبق ونعناع يالله
داليا وهي تناظر نفسها : للأسف يعني لابسه قميص روز ولا حجاب ولا هم يحزنون مقدر اطلع
مرام ناظرتها باستهزاء : يا امي شدعوه ترا مين بيجي الساعه ٨ بالله معليتس لا تذليّن روحي روحي
داليا ضحكت : لا ياشيخه تذكرين قبل يوم طلعت و لقيت بوجهي عيال ابو سعود صافين يا ربي
مرام ضحكت : اخخ ايييه ولما جاء ابو سعود اليوم الثاني وهو ولده يخطبونتس يارربيييي
داليا رفعت حاجبها وهي تناظرها : الزبده طسي بس ماني برايحه
مرام شمقت لها : سبحان الله من يومتس تبن وربي
نجد ضحكت : خلاص بقاطع هواشكم و بروح انا
مرام ابتسمت : عششتي بنت سعودد
نجد ابتسمت : حبيبتي حبيبتي
داليا ضحكت : يا مهبوله ذا مب رد يقولون عاشت ايامتس كذا يردون مب حبيبتي حبيبتي
نجد قطبت حواجبها : مالك دخل انقلعي هذا وانا بروح عنك يالكلبه صدق ما ينسوا فيك خير
داليا ضحكت : اوكيه سويتي
نجد ضحكت وراحت للحوش وهي تشوفه فاضي و ما فيه احد قامت تدور المزرعه وهي ما تدري وينها راحت لوراء البيت وهي تلقاها راحت اقطفت شوي نعناع و شوي حبق وشوي عطرّه و راحت تركض بسرعه لانها سمعت صوت وخافت قابلت عبدالملك وعبدالعزيز طالعين للمطبخ ، عبدالملك لا شعورياً فطس ضحك ويحاول انه يسكت بس عجز اما عبدالعزيز ما يحتاج ابتسم والتفت على عبدالملك و سطره على راسه وسكت عبدالملك وهو يتوجع مكان الضربه و نجد ضحكت وهي تعدل نقابها و تروح يمّ المطبخ بهدوء دخلت ولقت البنات يتهاوشن نجد
فطست ضحك
داليا وهي تناظرها بضحك واستغراب : بسم الله شبلاتس؟
مرام ضحكت : اسم الله اسم الله عليتس خيتي شنوحتس شفيتس؟
نجد تحاول تتكلم وتشرح لهم بس كل ما لها تضحك على شكل عبدالملك وهو يضحك فجأه عبدالعزيز اضربه وهو يتمتم بالضحكه و يتوجع مكان الضربه
داليا ضحكت معاها : نجد شفيييتسس؟
نجد هدت بعد ما فطست ضحك : اسمعو رحت اقطف نعناع وحبق وعطره ورجعت والا واسمع صوت من خوفي حطيت رجلي اركض لعندكم الا و اقابل عبدالعزيز و عبدالملك فوجهي طبعآ عبدالملك جلس يضحك على شكلي و عبدالعزيز ، ( يوم انطقت اسم ابتسمت ) صفقه على راسه وهو بدأ يتمتم بالضحكه و يتفقد مكان الضربه ياربي متتت متت ضحك
مرام ضحكت : اهخ اييه عبدالملك حفله حفله يضحكنا كلنا على حركاته
داليا : والله مالومتس عبدالملك عاد يموت ضحك مجرد اني بس اشوفه اموت ضحك رياكشناته و حركاته بالمواقف عجيبه في مواقف كثيره لو اقولتس عليها تموتين ضحك
نجد ضحكت : ياحلوه
داليا التفت بعصبيه : ها وشو ياحلوه وشو رجعنا لـ طاري يالي ياوخييه؟
نجد ضحكت : بسن الله شفيك ياقلبي والله قلتها بـ حسن نيه والله ما قصدي شي ثاني
مرام : وشر الي يحلوه حبيبتي لو سمحتي لا تحرشين باخونا
نجد : الله و عبدالعزيز ما يصير فيه تحرش
داليا ضحكت : اووه عاد عبدالعزيز ما عليتس خوذي كامل راحتس
نجد ناظرتها بطرف عين : ماشاءالله
مرام ابتسمت : اقول داليا خوالي بيجون اليوم؟
داليا ضحكت : اييه ييوننسس حييل
نجد باستغراب : منو خوالكم؟
مرام : خوذي صينية الفطور وامشي نجلس بالصاله و اعرفتس عليهم زين
نجد ابتسمت : تم تم
نجد اخذت الصينيه و داليا الخبز ومرام الشاهي وراحو بالصاله و جلسو وحطو الفطور وبدو يسولفون
ومرام تشرح لها عائله خوالها