حبيبتي نـجَـد

Part 11

-

السـاعه ٠٠ : ٥ صـباح يوم الجـمعه
قامو ابو عبدالله وتوضى وراح طق الباب على بناته وطق الباب على باب ام نجد وراح طلع الحوش متجه يمّ غرفة العيال وفتح الباب وشغل اللمبات وطفا المكيف
ابو عبدالله : قوووموووو ققووومممو يلللاا بسسساع ما باقي الا شوي ويقوّمون الصلاه !
ابو نجد : أعوذ بالله كذا تقوم عيالك ؟
عبدالملك :  اخ خلنا ساكتين بس
ابو عبدالله نكّخ عبدالملك بعصاته : افا يالتسلب تشتم بابوك؟
عبدالملك فّز : لا والله محشوم محشوم يبه
ابو عبدالله : ايه على بالي ، اقول بس يلا الحقوني والتفت على ابو نجد وقاله وانت يالمتسدح قم قم لا انكّخك معاهم
ابو نجد فّز : لا معليك قمت قمت
طلع ابو عبدالله وهو يستغفر وراح للمسجد وقامو العيال يروحون يتوضون
فيصل : اوييلي يازين الجوو
ابو نجد : اي والله حق كشته
عبدالعزيز وهو مبتسم ابتسامه عريضه : اي بالله ياعميمي صدقت
عبدالملك : لا والله حق تمشيات
عبدالله بهمس لـ فيصل : تكفى شف شف كم لي أعلمه كيف يثقل بالأخير الأخ طلع اخّف من الريشه !
فيصل ضحك : حبيت اخوي يضبط الابو قبل البنت
عبدالله ضحك : مهبول وربي ، اخ امس فاتك فاتك
فيصل تحمس  : امانه وشو قل لي  ؟
عبدالله : بقولك بقولك بس اصبر يبيلها جلسه ذي
هههههههههههههههههههههههههههههههه
ابو نجد : ها ياشباب خلصتو؟
العيال : ايه
ابو نجد : يلا اجل توكلنا على الله للمسجد

-
عـند غرفة الضيوف :

نجد قامت فزّت : بسم الله
ام نجد قامت : بسم الله عليك وش فيك؟
نجد : ماما من ذا؟
ام نجد : هذا عمك ياماما يصحي الناس لصلاة الفجر
نجد : وليش يصحيهم؟
ام نجد : وليش يصحيهم بالله يعني اكيد عشان يصلون ياحياتي
نجد : طيب ليش يصحي البيت كله يمكن انا عندي عذز وش ذنبي اقعد من الفجر
ام نجد : والله يا ماما مدري عنه هو طبعه كذا وش نسوي
نجد قامت توضي : ابي ارجع لـ بيتنا بأسرع وقت !
ام نجد : انتي وين رايحه؟
نجد : بروح اتوضى عشان اصلي
ام نجد : وتطلعين بالبس ذا؟
نجد : ليش مافي احد بالبيت طيب
ام نجد : لا حبيبتي ما يصلح البسي عبايتك وتغطي وروحي ، اما تطلعين كذا ما يصلح ابدآ
نجد : اصلا سؤال مو المعروف انو غرفة الضيوف يكون عالأقل عالأقل فيها دورة مياه ، ذولا ابدآ لا دورة مياه ولا حتى سراير وظهري الحين يعورني من نومة الأرض ياربي اف اف !
ام نجد : اقول بس البسي عباتس وروحي توضي
نجد : وانتي؟
ام نجد : عندي عذر
نجد : اووه اوكيه
لبست نجد عباتها وراحت توضي وجت تبي تروح للغرفة مرت من عند المطبخ وهي تذكر الموقف حق امس وضحكت وقالت مع نفسها ياربي من ذا راحت نجد لغرفه وفرشت سجادتها وصلت و خلصت وقرت كم صفحه من القرآن وقامت وهي تسمع اصوات بالمطبخ قامت فتحت الباب وطلعت تطل وشافت العيال بالمطبخ يسوون فطور وحاولت تطل اكثر عشان تعرف مين الي قابلته امس
نجد مع نفسها : ياربي من ذا من !
فجأه وهي سرحانه لمحت احد جاي بسرعه أدخلت بالغرفه وهي تضحك