حبيبتي نـجَـد

Part 3

-

قطعة حبل أفكاره داليا بصراخها
داليا بوناسه : ذذذررررررهه ذذذرررره ابييييييييي
عبدالله : طيب طيب يابنت الحلال والله اشري لتس بس لا تصارخين الله يهديتس
عبدالعزيز : شبلاكم شبلاكم
عبدالله : داليا شافت واحد يبيع شاهي و ذره و انهبلت تبي ذره
عبدالعزيز : نجيب لها لو ما نجيب لدلو نجيب لمين؟
داليا : يا بعد قلبي انت والله
صفط عبدالله و نزل يجيب لداليا ذره
عبدالعزيز شاف دبابات وتفحيط وهجوله وناضر داليا وقالها
عبدالعزيز : الي براسي براستس ، وأشر على الدبابات
داليا : يالله وربي ودي بس تعرف الكوبرا بيعيي بيقول ابوي و ابوي
عبدالعزيز : وش عليتس من عبدالله انتي معليتس منه انا أقنعه ويوافق طرقٍ عن خشمه
داليا : اجل تم تم اوه يالححمممماااسسسس
جاء عبدالله ومعاه ذره وكوبين شاهي نعناع : هاتس يالدلو الذره حقتس وانا جبت لي شاهي وانت يا عزوز جبت لك شاهي معاي
داليا و عبدالعزيز : يعطيك العافيه ياوخيي
عبدالله : الله يعافيكم تستاهلون تستاهلون
عبدالعزيز : حبيبي تستاهل كل خير وش ايك تكمل جميلك وتوافق على طلب نبي نطلبه منك انا و الدلو
عبدالله : عيوني لكم امرو بس تدللو؟
عبدالعزيز : نبي نروح نلعب بالدبابات
عبدالله : هاا
داليا بصوت عالي : نبي نلعب بالدبابات شبلاك صرت اصمخ
عبدالله : لا معليش مافي لعب
عبدالعزيز و داليا : ليش ان شاء الله؟
عبدالله : والله ياحبيبي اولاً ابوي بيعيي وبيهاوشني انا عشاني خليتكم تلعبون وثانياً لو تطيح هالعجيه وتكسر وش اسوي بها انا؟
داليا : لا ماشاءالله خايف علي اتكسر معليك ماني متكسره وحتى لو تكسرت انا الي متكسره وش دخلك انت ؟
عبدالله : يتكسر قلبي معاتس والله ياوخيتي
داليا : ياويلي يالتسذب ههههههههههههه
عبدالله حرك السياره ومشى وراح وداليا وعبدالعزيز للحين يتحلطمون ويهاوشون وعبدالله متجاهلهم لين ما وصلو البيت
داليا : احس حلقي نشف ابي مويه بس هاوشت وليتها جابت فايده هوشتي راحت عالفاضي لا لعبت بالدباب ولا هم يحزنون
عبدالله : أصدق ما قلتي ويالله شيلي معاي عاونيني
داليا بمزح : ها وشو ما اسمع وشو
عبدالله وهو يضحك : شيييليي معاييي الأغراض
داليا : ياويلي ما اسمع ظلام
عبدالله التفت على عبدالعزيز : وانت لا يكون صرت اصمخ بعد؟
عبدالعزيز : الظاهر والله ههههههههههههه
داليا : يلا رحمتك بشيل معاك ، بس انتو الله يهديكم جايبين نص البيت معاكم حشى
عبدالله : وش نسوي طلبات ابوي هذي ياحبي
وقامو يشيلون الأغراض و راحو داخل ونزلو الأغراض بالمخزن وجاء عبدالملك يبي يخرع داليا
عبدالملك : عععععوووو
داليا انتفضت : وجججعو توجععك
عبدالله : يالمهبل قصرو أصواتكم لا يقعد ابوي ويفصل علينا كلنا
مرام جت وهي تشرب كرك : وش عندكم انتم؟
عبدالملك : مدري عنهم انا كنت اذاكر عندي كويز بكرا فجأه اسمع طقتهم

مرام : تمزح عندك كويز حتى انا عندي بس الماده سهله
داليا : كالعاده بكرا يجي وهو حاملها
والكلام ذا يدور و عبدالله و عبدالعزيز ماهم فاهمين شي
عبدالله : اقول اتركو عنكم هالكلام و روحو نامو ازين لكم
مرام : شرايكم نفرش بالحوش ونشب نار؟
داليا : والله ماهيب بفكرتٍ شينه
عبدالملك : انتي وش تبين قاطه بس حنا الكبار انتي وراتس مدرسه يا ماما
داليا : لا ويقول حنا يالكبار بعد يالبزر تراك توك تعديت الثانوي ما امداك حتى اخخ متتت اخذ وضعية الشايب هههههههههههههههه
عبدالملك : اقول بس يلا طسي نامي وراتس قومه الساعه ٦ الصبح يلا يلا
داليا : وه يا حللاه من جقمك هالحين
عبدالعزيز : هي انت خلاص عاد سد فمك كل شي الا دلويه ما ارضى عليها
عبدالملك : كل تبن انت وياها ، وحط رجله وهج بالحوش لانه عارف بيتسطر بعد جملته هذي ، وعبدالعزيز وداليا ركضوو وراه ومعاهم نعال يمحطونه فيها وعبدالله يركض وراهم يبي يمسكهم عشان ابوهم لا يقوم ويمحطهم كلهم ومرام تركض معاهم تبي تصورهم
داليا : اووررريييككك يالجرببووع والله لا امحططك والله
عبدالعزيز : خلنننيي امسسسك قسم بالله اني لا افرط عليييكك
عبدالله : خخخلاصصص خلاصصصص سدوو حلوقكم لا يقققوم ابوي علييينا تكفون خلاص
مرام وهي تصورهم : مممتتتتت ياربيييي وهه هههههههههههههههههههههههههههههه
قام فيصل على صراخهم بحكم ان العيال غرافهم بالحوش : ياويلي شبلاكم؟
مرام وهي مييته ضحك : ههههههههههه عبدالملك هههههههه وداليا وعبدالعزيز ههههههههههه اخخ ياربي ههههههههههههه
فيصل : مرام حبيبتي انتي شبلاك بعد كل كلمه تعطينها ضحكه
جاء عبدالملك وهو يركض اتجاه فيصل
داليا : امسسسكككه امسسسكه ياوخيي طلبتك تكفى
فيصل : ابن مسعود نختني والله لا امسكه ، راح يركض وراه وبسرعه مسكه وجلس عليه
داليا و عبدالعزيز وهم يتنفسون بصعوبه : ياويلي هد حيلنا هد
عبدالملك وهو يتكلم بصعوبه : والله انا الي انهد حيلي هالتيح فرط علي ياويلي بموت
ماتو ضحك كلهم على شكل عبدالملك وهو فيصل جالس عليه و بالحظه ذي طلع ابو عبدالله ومعاه خيزرانته وشافوه العيال وكلهم قامو يركضون يم غرفة العيال وعبدالملك من الخوف قام يركض ويطيح ومرام تضحك وهي تركض
ابو عبدالله : هيييي انتتت ويااه تعالوووو وين بتروحووونن؟
راحو كلهم عند ابوهم لانه خلاص كشفهم
ابو عبدالله : ليش ما نمتوا وش عندكم تصارخون صراخكم وصل اخر البيت؟
داليا : كنا نلعب بابا
ابو عبدالله : ماشاءالله بالوقت ذا تلعبون واللعب بالصراخ
عبدالعزيز : معليش يبه ما نعيدها ثاني مره نعتذر
ابو عبدالله : اقول بس يالله يالله كل واحد يذلف لغرفته ينخمد واذا شفت واحد بس يهيف بالبيت والله ثم والله اني لا اخلي هالخيزرانه تلعب على ضهره
كلهم قالو : ابشر يبه
وراحو العيال ينامون وهم يضحكون وميتين ضحك
وداليا ومرام راحو لغرفتهم وهم انصرعو من الضحك ويحشون بالعيال وما انتبهو ابوهم وراهم بحكم غرفتهم قريبه من غرفة امهم و ابوهم
ابو عبدالله : لا تضحكن روحن نامن يلا
مرام و داليا : ابشر ابشر ، تصبح على خير
ابو عبدالله : وانتن من اهله يابنياتي الله يحفظكن يلا