بكابوزه بقلم / لولو محمد ( كامله )

الحلقه الاولى

#lolo #لولو_محمد
((((((((((بكابوزه ))))))))))))))
الحلقه الاولى

ب/ فى شقه صغيره اوضه و صاله باب الشقه يفتح بعد صلاه الفجر و يدخل شاب  حليوه و جسمه رياضى و شايل فوطه و ازازه ميه ياختى عليه اهو ده بقى معتز ابن عمى احلى و اجمد اخ فى الدنيا باختصار احلى هديه من ربنا من ساعه مابويا مات وهو اللى بياخد باله منى يدخل بعديه راجل كبير دا بقى عمى و فى نفس الوقت جوز امى اتجوزها بعد بابا عشان يحط ايده عالمحل بتاعنا و اخرتنا عشنا فى الخرابه دى بيشتغل سواق تاكس
م / محدش يسمعلها انا اللى هحكيلكوا الحكايه مالاول انا معتز ...اهلا وسهلا نورتوا بيتنا المتواضع نبدا الحكايه مالاول عشان تفهموا جدى .....
ب/ انت لسه هتحكى من اول جدو
م/ يا بسمه ادينى فرصه انا هديهم نبذه
ب/ باختصار جدوا كان عنده شقه اوضه وصاله اللى هى دى و محل اصغر منها تحتيها و لما مات كتب المحل لابويا و الشقه لعمى و كان كل واحد من ولاده قاعد فى شقه ايجار فلما والدى اتوفى عمى قرر يتجوز امى و يجوا يعيشوا هنا
م/ ودا مش افترا زى مهى فاكره دا توفير و فضلنا عايشين عادى جدا و لما بسمه كبرت شويه قفلنالها البلكونه و انا بنام على كنبه فى الصاله .... ايه ده انتى هتفضلى بعيد كدا صوت بس تعالى خلى الناس يشوفوكى
ب/ بصوا انتوا قبل اى حاجه لازم تعرفوا ان الكاميرا بتطخن يجى تمانين تسعين كيلو كدا ماشى
م/ هههههههه تعالى دى بسمه بنت عمى زى مانتوا شايفين حاطت عليها الزمن  بكابوزا بجد وزنها حوالى ١١٠ كيلو
ب/ ١٠٧ بس
م/ اسف و طولها ١٦٠ تقريبا و بنضاره و فى شويه حب شباب
ب/ ايه انا فى مرحله المراهقه
م/ اتعرفتوا علينا ايه رايكوا تتفرجوا على قصتنا احسن بدل الحكى ده و احنا هنبقى معاكوا بردوا نحكيكوا اللى حصل
ب/ يلا بينا
//////////////////////////////
فى الشقه معتز و ابوه يدخلوا مالباب
معتز / اتفضل يا بابا انا هدخل اخد دش فى السريع عشان انام
بابا/ ماشى يابنى انا هلبس و انزل استفتح
بسمه تخرج مالبلكونه
بسمه/ صباح الخير يا بابا
بابا/ صباح النور امك فين
بسمه/ معرفش مشوفتهاش
الام تطلع مالمطبخ
ماما/ انا هنا اهو كنت بحضر الفطار
بسمه / يا سلام جه فوقته دانا هموت مالجوع
ماما/ وضبى لاخوكى فرشته الاول عشان عاوز ينام
بسمه / من عنيا
بسمه ترفع شلته الكنبه فى تحتها صندوق فيه هدوم معتز و ملايه و غطا و تاخدهم و تفرش المرتبه كانها سرير و تلبس تكايه كانها مخده و تفردله الغطا
معتز يخرج مالحمام
معتز/ تسلم ايدك
ماما/ الف هنا يا حبيبى تعال افطر
بسمه تبصله و تبتسم
معتز يوطى عليها / انا كنت بكلمك انتى
بسمه بصوت واطى / عارفه
بابا/ تعال يابنى كلك لقمه و بعدين نام
معتز / بقولك ايه يا بابا داهما اربع ساعات كل انت و انا لما اصحى هبقى  اكل
معتز يحط نفسه عالكنبه و ينااااااام و الباقى يتلموا على طبليه و ياكلوا
بابا/ متحفيش يا بت
ماما/ سيبها يا نبيل هبقى اقليلك غيره
نبيل/ هو فى حاجه فقرانا غير دلعك فيها دانتى لو بتربى فبهيمه مش هتزغطيها كدا
///////
ب/ موال كل يوم فكل وجبه مفيش مره اكل الا لما ينكد عليا و يعد يهزء فيا
/////////
بسمه / مش هاكل بيض خالص ممكن اكل فول طيب
ماما/ يا حبيبتى كلى اللى نفسك فيه و يلا عشان تخلصى مذاكره
نبيل/ على الله تفلحى بعد كل الدروس دى و تدخلى كليه عليها القيمه
بسمه / انا باخد معتز مثلى الاعلى
نبيل/ معتز مكنش بياخد كل الدروس دى
بسمه/ يووووه مش هاكل و بعدين هو انت بتدفع الفلوس من جيبك معتز اللى بيدفعهم
نبيل / شايفه بنتك و قله ادبها مهو شقى ابنى شغله صبح و ليل بدل ميكسر لنفسه قرش يتجوز بيه بيصرفه على كرشك
بسمه  / قولتها و ارتحت خلاص انا مش واكله عن اذنكوا
بسمه تقوم تقفل على نفسها الباب و تعد على سريرها و تعيط
معتز يقوم يعد عالاكل و هو ساكت يعمل ساندوتشات
ماما/ انت صحيت يا حبيبى معلش انا عملالك كام ساندوتش تفطر بيهم
معتز ساكت و بيعمل كام ساندوتش و ياخدهم و يدخل البلكونه على بسمه
بسمه/ شايف بيعاملنى ازاى
معتز/ كلى
بسمه/ مليش نفس
صوت من بره
نبيل / هو انا بعدلها لللقمه يعنى مانتى عارفه انى زعلان عشانها مين هيرضى يتجوزها بالحجم ده و لا هتفضل قاعده جنبنا و على يدك كلنا بنشتغل بايدنا و سنانا عشان نجيبلها اللى هى عوزاه و برده مش عاجبها انا ياستى نازل مش واكل خالص اياكش التاكس يتقلب بيا و اريحكم
صوت رزع باب
معتز ياخد ساندوتش و يبدا ياكل
بسمه تعيط
معتز/ المفروض تكونى نحستى مالكلام ده مانتى بتسمعيه كل يوم
بسمه / لو كان بابا عايش
معتز/ انتى عارفه الكلمه دى بتدايقنى اد ايه نقصك ايه انا قصرت معاكى فحاجه
بسمه/ لا ربنا يخليك ليا
معتز / ايه رايك اخدك بالليل اوديكى السيما
بسمه/ بجد
معتز / اه و هعشيكى بره كمان و ان شالله معن حد حوش بس بشرط
بسمه/ موافقه
معتز / من هنا لاول الشهر مفيش خناقات مع بابا
بسمه تبصله
معتز/ انا هقولك تعملى ايه
ماما تدخل
ماما/ قوم يابنى ارتاح شويه قبل متنزل الشغل
معتز/ هقولك بعدين المهم اجى الساعه سابعه تكونى لابسه
ماما/ هتروحوا فين
معتز/ هنروح السيما و نتعشى بره
ماما/ ربنا يهديكوا متتاخروش لحسن ابوكوا يقلبها غم
معتز/ لا مش هيتكلم طول مهى معايا
ماما/ ربنا يخليك يا حبيبى قوم نام بقى فى اوضتنا عشان ضهرك يرتاح و انا هنزل افتح الدكانه
ماما تنزل و تقفل باب الشقه
معتز/ عجبك كدا بقولك ايه الساعه تسعه بالدقيقه تصحينى ماشى متخليش اليوم يتخصملى
بسمه / حاضر
معتز يقطم قطمه مالساندوتش و يقوم و بسمه تاكل الباقى
/////////
ب/ معتز هو احسن اخ فى الدنياهو اللى مهون عليا عيشتى بيشتغل م ١٠ الصبح ل٦ المغرب كاشير فى محل ملابس حريمى كبير و بالليل بيشتغل سواق تاكس شيفت تانى مع بابا 
م/ بسمه دى الحاجه الحلوه اللى فدنيتى بشتغل ليل نهار عشان مخليهاش نفسها فحاجه مهو بابا ميقدرش يشيل الليله لوحده و اهو قرش من هنا و قرش من هنا ماشيه مع انى كان نفسى اطلع قاضى و لا حتى و كيل نيابه بس للاسف متقبلتش مع انى حقوق و تقدير جيد جدا كمان روحت مكتب محامى اتمرن فيه كان بيطلع عينى و فى الاخر ٢٠٠ جنيه فى الشهر يلا كدا احسن
/////////
فى اوضه النوم معتز نايم
بسمه/ قوم يا معتز الساعه تسعه قوم هتتاخر
معتز يفتح عينه بالعافيه
بسمه/ قوم السخان مليان ميه و غيارك فى الحمام على معملك كوبايه شاى و لقمه
معتز يقوم يعد / تسلميلى صحيت
///////
فى المحل
بنت فى المحل / مالك شكلك تعبان
معتز / الشغل نايم النهرده
البنت/ احسن خلينى ارتاح انت مبتتعبش مالشغل خالص
معتز/ لا دا اكل عيشى
البنت تتنهد
معتز / مالك
البنت/ مفيش جايلى عريس
معتز/ و دى حاجه تزعل فى ايه يا شيماء
شيماء / لا طبعا تزعل مدام مهواش اللى فدماغى تزعل
معتز/ خلاص ارفضيه سهله
شيماء / اه طبعا سهله اقول لامى لا مش عاوزه العريس اللى جيبهولى عشان مش هو اللى فدماغى
بت تانيه تيجى / تبقى عبيطه لو رفضتيه دا عنده عربيه و لا عاجباكى شعلقه الاوتوبيسات و اللى يسوى و اللى ميسواش يحك فيكى فقريه من يومك
شيماء/ خليكى فى حالك يا هند انا اكلها طوب مع واحد بحبه و لا اكولش لحمه مع واحد مبطيقهوش
معتز/ لو المدير جه و شافنا متجمعين و بنلك كدا كلنا هناكل طوب
هند/ و على ايه انا رايحه اتزنب لوحدى هناك
شيماء/ يا ميله بختك يا شيماء
معتز يبص عالساعه
شيماء /ايه زهقت منى و مستعجل اوى عالمرواح
معتز/ لا بس وعدت بسمه اوديها السيما
شيماء / يا بختها عندها اللى يفسحها و يخرجها صحيح ابخات
معتز/ تحبى تيجى معانا
شيماء / بجد و النبى ينفع
معتز/ اه طبعا تنورى
شيماء / وربنا و ربنا كمان مره انت مفى منك
معتز / خلاص هعدى عليكى انا و هى بالتاكس بعد الشغل روحى ظبطى و هاخدك سبعه كدا
شيماء/ يخليك ليا
معتز/ روحى اقفى شويه مع هند بقى عشان متزعلش
شيماء /كلامك كلو ماشى
........................
ناحيه هند
هند/ هترقصى عشان هياخدك السيما امال لو قالك هخطبك هتعملى ايه
شيماء / يلهوى يا بت يا هند دانا اموت فيها
هند/ فقريه من يومك
شيماء / و هو سى سيد بتاعك ده اللى مريش اوى
هند/ اولا سيد خطيبى مش واحد هموت عليه و مش حاسس بيا تفرق و بعدين الواد سيد ده كسيب و موارهوش كرش كبير واكل قرشه
شيماء/ كسيب اه ميكانيكى و فاتح فوق ورشته صاله حديد بقى كسيب
هند/ اهو ياختى حبيب القلب سهران عنده كل يوم لوش الفجر
شيماء /باين عليه
هند/ يابت اتلمى ياخد باله
شيماء/ مهو ده اللى غايظنى انه مش واخد باله خالص
هند/ بس حلوه اوى حكايه جايلك عريس و بتاع اللى عملتيها دى
شيماء/ قولت احركه
هند/ هو انتى فدماغه اصلا
شيماء/بس بس زباين
........
بالليل فى التاكس تحت بيت شيماء
بسمه/ و شيماء تتفسح معانا ليه
معتز/ مصلحه اهو الساعتين بتوع الفيلم بدل مكنت هعد معاكى اعملى بونديرتين و لا حاجه اعوض مصاريف اليوم
بسمه/ بس انا كنت فاكره
معتز/ معلش يا حبيبتى عشان خاطرى
بسمه / حاضر
شيماء نازله متزوقه عالاخر ولابسه الحته اللى عالحبلو تركب ورا
بسمه/ ازيك يا شيماء
شيماء / ازيك يا بوسبس
معتز/ يلا بينا
شيماء /كلامك كلو ماشى
.......
فى البيت
نبيل/ يعنى مش كانت قعدت زاكرت و هو شاف شغله مش كان احسن
ماما/ يا نبيل سيب العيال يفكوا يغيروا جو
نبيل/ الواد صعبان عليا اوى النهرده كان راكب معايا واد فسنه شايل علبه جاتوه و رايح يزور اهل خطيبته
ماما/ بكره ربنا يرزقه ببنت الحلال اللى تصونه و تهنيه
نبيل/ منين بس مانتى شايفه شغلى عالتاكس و اللى بيطلع مالدكان يادوب مغطى مصاريف الاكل و الفواتير و اقساط التاكس بالعافيه و شغل الواد فى المحل و عالتاكس بيصرفه كله على بسمه
ماما/ بكره لما اقساط التاكس تخلص هتتعدل و بعدين هو اشتكالك
نبيل/ مهو عمره مهيشتكى و العمر هيسرقه و هيفضل فى الساقيه دى لحد ميفوته القطر
ماما/ هو بت هتعنس و بعدين متقلقش هو لما يلاقى بت الحلال و تخطف عينه هتلاقيه جاى يزن عالجواز
نبيل / و ساعتها هنعمل ايه
ماما/ ساعتها يحلها حلال انشالله حتى نسيبله اوضتنا
نبيل/ و النبى انتى فايقه و رايقه حطيلى لقمه اكلها عشان انام ضهرى واجعنى مالقاعده فى التاكس طول اليوم
ماما/ سلامتك يا خويا ثوانى حاضر
.........
فى السينما
معتز/ قطعتلكوا تزكرتين فى جنب لوحدكوا محدش هيعد جنبكوا يدايقكوا
شيماء/ انت مش جاى و لا ايه
بسمه/ لا مش جاى
معتز/ الساعه عشره بالثانيه هكون هنا  و ادى الفشار و فى شنطه بسمه لب و سودانى و ميه و عصير و بعد الفيلم هاخدكوا و نتعشى احلى اكل ماشى
بسمه/ ماشى يلا ياختى الفيلم هيبدا
معتز يمشى و بسمه تشد شيماء
شيماء / و النبى مفى منه
..........
بعد الفيلم شيماء و بسمه و اقفه جنبها يعدى شباب يعاكسو
الاول/ اموت انا فى اللحمه البتلوا
التانى/ بس ياض لامها جنبها تسمعك
الاول / متسمع يا عم ابقى ظبطها انت ههههههههه
التانى/ ترضهالى يا صاحبى دى بتاكل عيال صغيرين
معتز يوصل
معتز /اسف جدا والله الدنيا كانت زحمه و كان معايا زبون حدفنى اخر الدنيا
شيماء / و لا يهمك
معتز/ مالك يا بسبوسه
بسمه/ مفيش
شيماء/ اصل الاتنين ..
بسمه/ مفيش اطلع اطلع انا جعانه
معتز/ حد فيهم كلمك
العيال تمشى
بسمه/ متخفش انا مفيش حد يقدر يبصلى اصلا
معتز يسوق فى صمت