بكابوزه بقلم / لولو محمد ( كامله )

الحلقه ١٣

#lolo #لولو_محمد
(((((((((((((((بكابوزه )))))))))))))))
الحلقه الثالثه عشر
بسمه/ طلب شويه تحاليل و ادانى النظام ده امشى عليه
نبيل يشد الورقه
نبيل/ فطار ربع رغيف و بيضه مسلوقه و دا قبل الاكل و لا بعده هههههههههه
اخلاص/ ورينى كدا الغدى اربع معالق رز و ربع فرخه و سلطه و خضار
بسمه/ منغير زيت
اخلاص/ ياختى دا اكل عيانين ده لا يسمن و لا يغنى من جوع
بسمه/ معلش على الله يجى بفايده
...................................
نبيل/ بالظبط على الله يجى بفايده و الفلوس متترميش فى الارض
بسمه/ ان شاء الله هيجى بفايده
اخلاص/ صحيح يابو معتز الغساله عطلت و كنت عوزاك تشوف حد يصلحها
نبيل/ دى تالت مره تعطل هو الواد الكهربائى ده مش عارف يصلحها و لا ايه الهم ده
اخلاص/ هى هتاخد زمانها و زمن غيرها شوف بقالها كام سنه و تبوظ و تتصلح
نبيل/ مالاخر عاوزه غساله جديده انسى مفيش فلوس
اخلاص/ هجيبها قسط بس ساعدنى فى المقدم
نبيل/ منين يا اخلاص مهو على يدك اللى بيطلع طول اليوم يادوب بيجيب قسط التاكس بعد التموين  و الباقى على اللى بيطلع مالدكان اكل و شرب و فواتير مانتى شايفه
اخلاص/ خلاص خلاص سودتها فوشى
نبيل/ هو الجمعيه بتاعه الواد معتز خلصت
اخلاص / مهو على يدك التمنتلاف اتصرفوا هوا فلوس الدروس و اللبس بتاع الكليه و المصيف و حاجه الكليه بتاعه بسمه و الهدوم اللى جبناها من اسكندريه و مشوار بورسعيد متبقاش جنيه واحد
نبيل/ مهو ده السفه بعينه تصرفوا تمن تلاف جنيه فى كام شهر
اخلاص/ مش عاوز تصلح الغساله متصلحهاش بس كفايه تقطيم مبخدش من وراك غيره
نبيل/ لما يجى معتز ياختى ابقى كلميه اهو ده اللى بتاخدى من وراه اللى انتى عوزاه كله
اخلاص/ دى اخرتها يا نبيل انا بستغل ابنك و باخد خيره
نبيل/ مقولتش كدا
اخلاص/ بس ده اللى تقصده مش كدا
نبيل/ انا داخل انام ستات نكد
اخلاص/ انا هنام جنب بسمه و نكد بنكد بقى
نبيل/ براحتك ياختى
نبيل يدخل الاوضه واخلاص تعد عالكنبه جنب بسمه
بسمه/ متزعليش نفسك حقك عليا
اخلاص/ مش عارفه معاه حق و لا لا
بسمه/ معاه حق للاسف
اخلاص/ طب اعمل ايه طيب يعنى الجلبيتن اللى جبتهم لنفسى بزرت طب مانا جيباله طقمين قميصين و بنطالونين غير بجامه و جلبيه مكنش تبزير
بسمه/ ايوه بس دى كانت فلوس معتز اللى تعب فيها فى الاخر كلنا بنجيب اللى عاوزينه و مفيش حاجه بتتبقاله
اخلاص/ هو اداهوملى و قالى اجيب اللى ناقصنا و مخدش الباقى
بسمه / انتى عارفه ان معتز صارف ١٥٠٠ جنيه النهرده فى السنتر عليا
اخلاص/ وطى صوتك لو ابوكى سمع هيطين عيشتنا
بسمه/ معتز معوش فلوس متطلبيش منه حاجه
اخلاص / كويس انك قولتيلى بس لو ابوكى قاله على مقدم الغساله مش هيسكت
بسمه/ تفتكرى لو كان بابا عايش حياتنا كانت هتبقى احسن
اخلاص/ معرفش بس كل اللى اعرفه انى لو مكنتش اتجوزت عمك حياتنا كانت هتبقى اسوء بكتير
بسمه/ ليه هو الدكان مبيجيبش فلوس
اخلاص/ بيجيب بس كان هيكفى ايجار الشقه ولا فواتير الكهربا و الميه و لا مصاريفك انتى مش حاسه بنفسك و لا ايه
بسمه/ قدر الله و ما شاء فعل مش الغساله اللى هتنكد علينا يعنى و لا ايه
اخلاص/ خشى زاكرى و انا هدخل اراضى ابوكى دا شقيان طول اليوم
بسمه/ ماشى
بسمه تمسك التليفون
بسمه/ ايوه يا معتز ازيك ...... لا كلنا كويسين بس فى حاجات حصلت لازم تعرفها قبل متيجى عشان متعكش مع بابا ....... هحكيلك كل حاجه
........
فى الصيدليه
معتز/ بتقفل و لا ايه
كامل / كنت هقفل و اطلع على سيد خير يا معلم
معتز/ كنت عاوز الادويه دى
كامل / ورينى ثوانى
كامل ياخد الروجته و يبدا يجيب الادويه
كامل / دى لبسمه صح
معتز /اه
كامل / مين بنت المفتريه اللى كاتبه كل ده
معتز يبتسم
كامل / انت تعبان و لا ايه
معتز / مكلتش من الصبح هروح اكل و انام
كامل / الروجته دى عامله ٤٠٠ جنيه يا صاحبى بعد الواجب بس فى بدايل ارخص لو عاوزها اجيبهالك
معتز / لا مش مشكله هاتها
كامل / دا الصن بلوك لوحده ب ١٨٠ جنيه
معتز/ و لا يهمك يا عم متشغلش نفسك يلا تصبح على خير
كامل / لو عاوز تاجل الحساب لوقت تانى مفيش مشكله
معتز/ ياعم خربانه خربانه خد حقك ياعالم
........
قدام البيت
سيد/ ايه يا صاحبى مش جاى ولا ايه
معتز/ مش قادر
سيد/ مالك يا معلم
معتز/ صاحبك متكحرت عالاخر
سيد/ فى ايه ياعم
معتز / روحت ببسمه لدكتور تخسيس  و جلديه و جيم بالدوا كعيت ٢٠٠٠ جنيه و لسه تحاليل بكره بسمه هتعملها و دكتور النظر و الاسنان
سيد/ يخربيتك ايه اللى دخلك السكه دى كلها مره واحده
معتز/ صعبت عليا و هى منهاره بعد مولاد الكلب غسلوها قدام الدفعه
سيد/طب و الجمعيه بح
معتز/ ههههههههه يابنى الجمعيه انا بورقتها سلمتها لماما انت مش حاسس بالمصاريف و لا ايه منابنى منها غير هدمتين جداد و جزمه و الباقى هوا
سيد/ غلطان يا صاحبى انت غلطان
معتز/ ياعم براحتك لسه لما هطلع فوق هسمع غيرهم
سيد/ انا مش بقطمك بس محدش بيعمل كدا
معتز/ لو مكانى كنت عملت و بعدين هانت فاضل اربع شهور بس فى قسط التاكس و هتتعدل
سيد/ و فاضل شهرين فى الجمعيه
معتز / على رايك ابقى ادخل غيرها و تفرج
سيد/ استنى يا معتز متطلعش استنانى هنا ثوانى
معتز / ليه خير
سيد/ استنى بس
سيد يطلع شويه و يرجه
سيد/ امسك ياض دول الف جنيه لحد اول الشهر و ابقى ردهم لما تقبض
معتز / انت عبيط انت محتاج لكل قرش عشان جوازك
سيد/ مجتش من اسبوعين خدهم ربك بيرزق
معتز/ لا خليهم هتصرف
سيد/ لو مختهمش هتغابى عليك خدهم بقى كامل جاى و انت عارفه بيتقمص
معتز/ ربنا يسهل
معتز يطلع بيته و كامل و سيد يطلعوا الصاله
.......
فى البيت
بسمه/ ازيك
معتز/ انتى ايه اللى مصحيكى لحد دلوقت
بسمه/ مش عارفه انام 
معتز/ الدوا بتاعك اهو استخدميه بقى و متشيليش هم
بسمه/ هتعمل ايه لو بابا طلب منك  مقدم الغساله
معتز / بكره لما نعمل التحاليل نشوف هيحصل ايه
...................
بسمه/ طب مينفعش ناجل التحاليل دى للشهر الجاى
معتز/ يا ستى سيبيها على الله هتفرج الواد سيد ادانى ١٠٠٠ جنيه على مقبض و من هنا لاول الشهر هنشوف التاكس هيجيب كام متشيليش هم بس
نبيل يطلع مالاوضه
نبيل/ انت جيت يا معتز
معتز/ ازيك يا بابا خير ايه مصحيك فى الوقت ده
نبيل/ ومين عارف ينام روحى يا بسمه اعملى كوبايتين شاى
معتز/ لا واحده بس انا هنام
نبيل/ خلاص خشى اغسلينا برتقانتين و قطعيهم
بسمه/ قولوا اتوزعى و خلاص اتوزعت
معتز/ بسمه حكتلى على حوار الغساله
نبيل/ لا انا مش عاوزك فى الموضوع ده
معتز/ بجد خير طيب
نبيل/ بص يابنى انا عارف ان بسمه غاليه عليك و انها زى اختك بس لازم تكون انانى شويه يابنى
معتز/ ليه يا بابا بتقول كدا
نبيل/ كل يوم بيتسرق من عمرك مش هتعرف ترجعه انا عاوز افرح بيك
معتز/ يا بابا انت مستعجل على ايه متقلقش لما ربنا ياذن هتجوز و هملالك البيت ده عيال
نبيل/ ازاى يابنى هو الواد سيد دا مش من سنك و هيتجوز كمان شهرين اهو
معتز/ طب مكامل من سنى و ظروفه احسن منى و من سيد هو الرك عالعروسه
نبيل/ انا لقيتلك عروسه
معتز/ بص يابا انت زوقك على راسى من فوق بس فى الموضوع ده بالخصوص بحب اعتمد على نفسى
نبيل/ عملت ايه عند الدكتور مع بسمه
معتز/ طلب تحاليل هنروح بكره نعملها و ربنا يسهل
نبيل/ تفتكر يابنى الفلوس دى كلها مكانتش تتاجل كام شهر لما ظروفنا تتحسن
معتز/ معلش يا بابا هانت احنا فعنق الزجاجه انا عارف كلها كام شهر و قسط التاكس يخلص و الجمعيه تخلص و هنرتاح كلنا
نبيل/ ماشى يا معتز يابنى انا هسيبك تنام بقى
معتز/ بابا هتعمل ايه فى الغساله
نبيل/ انا لسه مكملتش قسط التاكس و انت عارف انى مبصرفش جنيه غير لما تكمل الاول
معتز/ متشيلش هم انا هتصرف
نبيل /ربنا يرزقك يابنى
نبيل يضير يلاقى بسمه واقفه على باب المطبخ يبتسملها و يدخل اوضته ينام
بسمه تجرى تعد جنب معتز
بسمه/ هتعمل ايه فى الغساله
معتز/ مقولت اصبرى لبكره نشوف المصاريف و لو اتبقى حاجه نكمل عليها اصبرى لبكره
بسمه/ ماشى تصبح على خير
.......
فى الكليه تانى يوم
بلسم/ وبعدين
بسمه/ مش عارفه ادينى ماشيه عالتعليمات و النهرده هروح لدكتور السنان و النظر اما نشوف هيقولوا ايه هما كمان
بلسم/ بس مش باين على وشك اى تاثير يعنى
بسمه/ ايتها السماء صبى غضبك على الاغبياء يا بلوه لسه اسبوع على الاقل عشان يبان اى حاجه
بلسم/ ماشى فهمت و الجم هتروحى امتى
بسمه/ مش عارفه بحاول اوفق المواعيد مش عارفه
بلسم/ طب الاسبوع الجاى امتحانات الشيت هتزاكرى. و لا هتروحى الجيم
بسمه/ متقفليهاش فوشى بقى ربنا هيسهل
بلسم/ مانتى تعملى حسابك لو مروحتيش الفلوس هتروح عليكى
بسمه/الدكتور النهرده الساعه سبعه زى امبارح و التانى الساعه تمانيه يعنى لما اروح هزاكر و بكره مفيش دكاتره هبقى اروح الجيم و هحاول اوفق
بلسم/ ربنا يعينك
بسمه/ اوعى تقولى لحد دا سر بينا
بلسم/ عيب عليكى
.......
عند دكتور العيون
الدكتوره /اللانسيز اللوان و لا شفافه
معتز/ شفافه هى عنيها ملونه اصلا
الدكتوره/ هى المشكله ان الاستكماتيزم بتاعها عالى فدى ملهاش مقاس جاهز بتتعمل بالطلب فهتكلفك ٢٥٠ جنيه
معتز / ماشى
الدكتوره / اى حد يجى بكره بالليل يستلمها
معتز / شكرا
.......
عند دكتور الاسنان
الدكتور / لا هو مفيش اى مشاكل واضح انك بتغسلى سنانك بانتظام مفيش غير شويه جير بسيط و دا ممكن يتنضف بسهوله و ممكن لو تحبى نعمل جلسه تبيض كمان بس دى هتزود ١٥٠ جنيه على الحساب و مفتكرش هنحتاج اعاده
معتز/ خلاص تمام اتفضل
......
فى الاستقبال معتز بيدفع الحساب و يطلع على معمل التحاليل
بسمه / الموضوع افور اوى
معتز/ متشغليش بالك
الممرضه تسحب لبسمه العينه و يمشوا
بسمه / دفعت كام فى المعمل
معتز/ دفعت ٤٠٠ جنيه
بسمه / كتير
معتز/ اتكتمى ماشى يلا عشان اروحك
بسمه / طب باقى معاك كام طيب
معتز / حوالى ٧٠٠ جنيه
بسمه/ يعنى الفلوس بتاعه سيد اتصرفت كلها
معتز/ متشيليش انتى هم ربك بيفرجها
.....
فى البيت
نبيل/ وربنا قولت الواد معتز ده سفيه لانسيز ايه و سنان ايه اللى رايح يدفع فيهم كل ده ابقى اغسلى على ايدك بقى يا ست بسمه
بسمه/ حاضر هغسل على ايدى
نبيل/ خشى ياختى زاكرى اما نشوف اخرتها معاكى
بسمه/ حاضر
بسمه تمشى
اخلاص/ انت بتزعقلها ليه هى اللى قالتله
نبيل/ ياختى تقوليش سحرين للواد ماشى وراها زى الاهبل امال لو كانت حلوه شويه كانت عملت ايه
اخلاص / ربنا يسامحك يا نبيل
نبيل/ طبعا اتقمصتى لبنتك لكن زعلتى مره واحده عالواد و تعبه اللى مبيتهناش عليه ابدا
اخلاص/ هو كل يوم نفس الهم ده
نبيل / حقك عليا انا تعبان و الهم راكبنى و شايفكوا بتصرفوا الفلوس فى حاجات ملهاش لزمه هو احنا نصرف فلوس عشان نطخنها و نصرف فلوس تانى عشان نخسسها
اخلاص / انا داخله جمعيه مع ام حسين جارتنا بعشره جنيه فى اليوم هقبضها ١٠٠٠ جنيه اول الشهر هدفعهم مقدم فى الغساله و مش مشكله الاسبوعين دول هبقى اغسل على ايدى خلاص متشيلش هم بقى
نبيل/ مش شايل ضهرى اصلا معدش بيقدر يشيل
اخلاص / سلامه ضهرك
......
فى الصاله
كامل / ازيك يا معلم
معتز/ ازيك يا دكتور
كامل / شغال كويس الحمد لله  و انت
معتز/ كلو تمام بقولك ايه
كامل/ اؤمر يا معلم
معتز/ انت مش قولت لو بسمه عازت حاجه اجيلك
كامل / رقبتى يا معلم
معتز/ بص انا عاوز اشغل وقتها فايه رايك تيجى تتمرن عندك فى الصيدليه
كامل / و ماله والله كنت لسه هعلق ورقه بكره اطلب حد يقف معايا بالليل جت من عند ربنا مش هعلقها
معتز/ تيجى من امتى
كامل / من بكره علاطول
معتز/ تمام اقولها بقى اصلى قولت اسالك الاول
كامل /براحتك يا برنس
........
فى البيت
بسمه/ ازاى يا معتز
معتز /زى الناس
بسمه/ انا بخلص كليه الساعه خمسه هطلع عالجيم اخلص على تمانيه يادوب اروح ارتاح و ازاكر
معتز/ الجيم تلت ايام و الكليه خمسه و باقى الاسبوع فاضيه و انا مش عاوزك فاضيه
بسمه/ طب والمزاكره انا عندى الاسبوع الجاى امتحانات شيت يعنى محتاجه ازاكر
معتز/ اممممم مش عارف مش عاوزه بلاش
بسمه/ طب خليها للاجازه
معتز/ كامل هيجيب حد و ساعتها يمكن لو طلبت يقولى مش هينفع الصيدليه هتتزحم
بسمه/ خلاص ماشى هجرب و نشوف